22:16 18 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Գյումրի

Թող մեր սպաներին գնահատեն կենդանության օրոք, ոչ թե մահից հետո. որդեկորույս մոր մաղթանքը

© Sputnik / Armenuhi Mkhoyan
Հասարակություն
Ստանալ կարճ հղումը
74320

Շիրակի մարզային ու քաղաքային իշխանությունների ներկայացուցիչներն ու պարզապես քաղաքացիները, ինչպես ամեն տարի, այս հունվարի 28–ին էլ այցելեցին ազատամարտիկների «Շիրակ» պանթեոն:

ԵՐԵՎԱՆ, 28 հունվարի — Sputnik, Արմենուհի Մխոյան. 2016 թվականի ապրիլյան դեպքերից հետո Գյումրիի ազատամարտիկների «Շիրակ» պանթեոնի շիրմաքարերն  ավելացան, ավելացավ նաև պանթեոն այցելող որդիներին կորցրած ծնողների թիվը:

Ապրիլյան պատերազմում զոհված ավագ լեյտենանտին` Հրաչ Գալստյանին, այսօր`Հայոց բանակի ձևավորման 27 ամյակի առթիվ հարազատները շնորհավորելու էին եկել: Նրանց հետ  հորեղբոր գերեզմանին ծաղիկներ էր դնում նաև փոքրիկ Հրաչը, որ հերոսի անունն է կրում: Հրաչ Գալստյանի զոհվելուց հետո ընտանիքում 3 երեխա է ծնվել՝ Հրաչի դուստրը և եղբոր երեխաները, սակայն որդեկորույս մոր համար Հրաչի տեղը թափուր է, թեև վստահեցնում է` թոռնուհին ամեն ինչով հորն է նման:

«Հրաչիս  զոհվելուց 1 ամիս հետո աղջիկը ծնվեց՝ Անահիտը, ապա 2 նորածիններ ունեցանք` Հրաչն ու Նարեկը, բայց ամեն մեկն իր տեղն ունի: Ապրում եմ Հրաչիս  հուշերով, միայն Անահիտն է, որ ինչ-որ չափով փոխարինում է հայրիկին՝  թե՛ բնավորությամբ, թե՛ արտաքինով շատ նման է նրան»,-Sputnik Արմենիայի հետ զրույցում ասում է Հրաչի մայրը ՝ Անահիտ  Գալստյանը`  հետո ավելացնելով՝ չէի  ուզի հուշերով ապրեի:

Շնորհավորելով հայոց բանակի կազմավորման առթիվ` տիկին Անահիտը հայոց բանակին խաղաղություն է մաղթում, ավելացնելով. «Թող մեր սպաներին գնահատեն կենդանության օրոք, ոչ թե մահից հետո, սա եմ մաղթում մեր ղեկավարներին: Ամենադժվար գործը սպաներինն է»:

  • Գյումրիի ազատամարտիկների «Շիրակ» պանթեոն
    Գյումրիի ազատամարտիկների «Շիրակ» պանթեոն
    © Sputnik / Armenuhi Mkhoyan
  • Գյումրիի ազատամարտիկների «Շիրակ» պանթեոն
    Գյումրիի ազատամարտիկների «Շիրակ» պանթեոն
    © Sputnik / Armenuhi Mkhoyan
  • Գյումրիի ազատամարտիկների «Շիրակ» պանթեոն
    Գյումրիի ազատամարտիկների «Շիրակ» պանթեոն
    © Sputnik / Armenuhi Mkhoyan
1 / 3
© Sputnik / Armenuhi Mkhoyan
Գյումրիի ազատամարտիկների «Շիրակ» պանթեոն

Հրաչ Գալստյանը զինված ուժերում էր 2007թ.-ից, ավարտել էր Վազգեն Սարգսյանի անվան ռազմական ինստիտուտը և տեղափոխվել Արցախ, երկու տարի ծառայել էր Մատաղիսում, ապա՝ Թալիշում:

Ապրիլի 3-ին հենց այնտեղ ծավալված ռազմական գործողությունների ժամանակ զոհվել է նա: Այդ դեպքերից ընդամենը 1 տարի առաջ էր ամուսնացել էր: Կինը՝ Անուշը, Մատաղիսից է: Հրաչի ու Անուշի միակ զավակը՝ Անահիտը, ծնվել է հոր զոհվելուց շուրջ մեկ ամիս անց՝ մայիսի 6-ին: Հրաչ Գալստյանը հետմահու պարգևատրվել է «Մարտական ծառայություն»  և «Մարտական խաչ» մեդալներով:

Ըստ թեմայի

Հայոց բանակը 27 տարեկան է
Պաշտպանության նախարարը չի հերքում. պարգևավճարներ տրվել են, այն էլ` մեծ
Աբրահամյան. «Այս պահին բանակցություններում լուրջ գործընթացների մասին խոսելն անիմաստ է»
թեգերը:
Գյումրի

Գլխավոր թեմաներ