03:52 14 հոկտեմբերի 2019
Ուղիղ եթեր
  • USD476.73
  • GBP596.06
  • EUR525.36
  • RUB7.42
Հայկ Մարության

Երևանի քաղաքապետարանում 2 միլիոնից ավելի պարգևավճար ստացող է եղել. հրապարակվել է ցուցակը

© Sputnik / Aram Nersesyan ,
Հասարակություն
Ստանալ կարճ հղումը
48903

Ընդհանուր առմամբ՝ քաղաքապետարանն իր աշխատակիցների պարգևավճարների վրա ծախսել է 111 մլն 898 հազար 560 դրամ։

ԵՐԵՎԱՆ, 1 փետրվարի — Sputnik. Երևանի քաղաքապետարանի 432 աշխատակից պարգևավճար է ստացել։

Այս մասին տեղեկությունն այսօր հայտնվել է Երևանի քաղաքապետարանի պաշտոնական կայք էջում։ Հրապարակված ցանկում երևում է, թե ով որքան 13-րդ աշխատավարձ և որքան պարգևավճար է ստացել։

Եկամուտների հաշվառման և գանձման վարչության պետ Արմեն Հարությունյանն ամենաբարձր պարգևավճար ստացողներից է։ Նա ստացել է 346 հազար դրամ 13-րդ աշխատավարձ և 2 մլն 222 հազար 200 դրամ պարգևավճար։

Քաղաքապետի առաջին տեղակալ Հրաչյա Սարգսյանը 478 000 հազար դրամ է ստացել որպես 13-րդ աշխատավարձ։ Նա նաև նույնքան պարգևավճար է ստացել։

Գրեթե նույն պատկերն է քաղաքապետի մյուս տեղակալի դեպքում։ Հայկ Սարգսյանը ստացել է 443 000 հազար դրամ 13-րդ աշխատավարձ և նույնչափ պարգևավճար։

Քաղաքապետի տեղակալ Սերգեյ Հարությունյանը նույնպես 443 000 դրամ 13-րդ աշխատավարձ ու նույնքան պարգևավճար է ստացել։

Քաղաքապետի տեղակալ Տիգրան Վիրաբյանը ստացել է 443 հազար դրամ 13-րդ աշխատավարձ և 859 հազար 600 հարյուր դրամ պարգևավճար։

Երևանի գլխավոր ճարտարապետ Արթուր Մեսչյանի 13-րդ աշխատավարձն ու պարգևավճար նույն չափով է՝ 443 000 հազար դրամ։

Վարչության պետերի պարգևավճարները անցնում են միլիոնի սահմանը։

Օրինակ` Ֆինանսական վարչության պետ Վիլեն Արևշատյանը ստացել է 346 հազար դրամ 13-րդ աշխատավարձ և 1 մլն 944 հազար 600 դրամ պարգևավճար։

Իրավաբանական վարչության պետ Զավեն Առաքելյանը ևս ստացել է 346 հազար դրամ 13-րդ աշխատավարձ։ Նա նաև 1 մլն 666 հազար 670 դրամ պարգևավճար է ստացել։

Առողջապահության վարչության պետ Կամսար Բաբինյանը ստացել է 346 հազար դրամ 13-րդ աշխատավարձ և 1 մլն 375 հազար դրամ պարգևավճար։

Ընդհանուր առմամբ՝ քաղաքապետարանն իր աշխատակիցներին 13-րդ աշխատավարձ տալու համար ծախսել է 102 մլն 927 հազար դրամ, իսկ պարգևավճարների ընդհանուր ֆոնդը եղել է 111 մլն 898 հազար 560 դրամ։

Հիշեցնենք` ավելի վաղ հայտնի էր դարձել, որ որոշ մարզպետներ (Լոռու, Սյունիքի, Արարատի, Կոտայքի, Արմավիրի, Տավուշի) 2018թ–ի վերջին շռայլ պարգևավճարներ էին տվել իրենք իրենց և աշխատակիցներին։ Մեծ աղմուկ էր բարձրացել նաև ՊԵԿ–ի հավելավճարների շուրջ։ Ըստ մամուլում հրապարակված ցուցակի` ՊԵԿ ղեկավարությունը 8-9 մլն դրամի, աշխատակիցները` քարտուղարուհին, վարչության պետերը` 2 և ավելի միլիոն դրամ էին ստացել։

Ըստ թեմայի

Հայկ Մարությանը բացահայտեց Տարոն Մարգարյանի օրոք տրված պարգևավճարների գաղտնիքը
ՊԵԿ–ում մթնոլորտը շիկանում է. աշխատակիցը պահանջում է պատասխանատվության ենթարկել ղեկավարին
«Բոլոր աշխատողներն իմ բարեկամներն են». ֆինանսների նախարարը` պարգևավճարների մասին
թեգերը:
Հայկ Մարության

Գլխավոր թեմաներ