01:39 18 հուլիսի 2019
Ուղիղ եթեր
  • USD476.45
  • GBP590.89
  • EUR534.43
  • RUB7.58
Քրիստինա Սնեգովսկայա

Ինչպես է գեղեցկուհի մոդելը տեղափոխվել Հայաստան. լուսանկարներ

© Photo : from the personal archive of Christina Snegovskaya
Հասարակություն
Ստանալ կարճ հղումը
94210

Ռուս մոդել Քրիստինա Սնեգովսկայան պատմել է, թե ամենից շատ ինչն է սիրում Հայաստանում, խոսել է դիետաների հանդեպ ատելության մասին, հատկապես այն երկրում, որտեղ շատ համեղ ուտելիք կա։

Ռուս–հայկական համալսարանի ուսանող Քրիստինա Խնկոյան, հատուկ Sputnik Արմենիայի համար

Ռուս մոդել Քրիստինա Սնեգովսկայան ավելի քան երկու տարի է` ապրում ու աշխատում է Հայաստանում. այստեղ նա իրեն զգում է ինչպես տանը։ Բացառիկ հարցազրույցում նա պատմել է, թե ամենից շատ ինչն է սիրում Հայաստանում և խոսել է ապագա ծրագրերի մասին։

«Ես ծնվել եմ Ռուսաստանում, ծնողներս ազգությամբ բնիկ ռուսներ են, նույնպես այնտեղից են։ Սկզբում ես չէի ուզում լքել Ռուսաստանը, հուզվում էի, բայց երբ եկա, այս երկիրն ինձ շատ դուր եկավ, նույնիսկ մայրիկիս բերեցի։ Հայաստանում սիրում եմ մշակույթը, մարդկանց, բնությունը, մրգերը։ Այստեղ մրգերը շատ համեղ են, լավ են։ Մի խոսքով` ես տպավորված եմ», – ժպիտով ասում է Սնեգովսկայան։

Посмотреть эту публикацию в Instagram

Bohemian 🕯 . . . . Designer: @margoniefashionhouse Ph: @elen.gasparyan Mua: @tinatevosyan_beautycenter Hair: @tinatevosyan_beautycenter

Публикация от Kristina Snegovskaya (@kkkris_moore)

Քրիստինան մտադիր է հաստատվել այստեղ։ Նրա խոսքով` նույնիսկ Չինաստանում ուսումից հետո, ուր նա պատրաստվում է մեկնել մոտ ապագայում, նա կվերադառնա Հայաստան։

«Ծնողներս ապրում են այստեղ, և եթե մեկնեմ Չինաստան սովորելու, առայժմ չեմ որոշել` ինչ մասնագիտությամբ, ապա հետո, միևնույն է, կվերադառնամ Հայաստան։ Թեև դեռ հաստատ չեմ որոշել. հիմա մտածում եմ այստեղ մնալու մասին», – պարզաբանեց նա։

Հետագա աշխատանքի մասին նա առայժմ ոչինչ ասել չի կարող։

 Кристина Снеговская
© Photo : from the personal archive of Christina Snegovskaya
Քրիստինա Սնեգովսկայա

«Չգիտեմ` ինչպես կստացվի», – ասում է Քրիստինան։

Հարցին, թե որ ընկերությունների հետ է արդեն աշխատել, Քրիստինան պատասխանում է. «Համագործակցել եմ &A Stores, Pandora and Time, Harmont & Blaine, Faina, El Magazine, Mery Stepanyan, The Muse, Margarita Sargsyan, Khanjan, 2White և այլ ապրանքանիշների հետ»։

Խոսելով իր մասնագիտական ընտրության մասին` Քրիստինան խոստովանում է, որ ժամանակին ցանկացել է դերասանուհի դառնալ։

«Նման ցանկություն ունեի, բայց հիմա ոչ։ Դա իմը չէ», – ասում է մոդելը։

Посмотреть эту публикацию в Instagram

Rendez-vous rendez-vous 🍓 . . . . Ph: @a.m.a._photography ♥️ Mua: @makeupanivahuni ♥️

Публикация от Kristina Snegovskaya (@kkkris_moore)

Մոդելի կարիերան շատ անսպասելի սկիզբ է ունեցել։

«Շատ հետաքրքիր էր։ Մայրս ուղղակի ուզում էր ընտանեկան ֆոտոսեսիա կազմակերպել ու մի լուսանկարիչ էր գտել։ Ես գնացի դիմահարդարման, և պարզվեց` դիմահարդարին դուր են գալիս իմ դիմագծերը։ Երբ մենք սկսեցինք լուսանկարվել, պարզվեց` լուսանկարչին դուր է գալիս, թե ինչպես եմ աշխատում լուսանկարչական խցիկի հետ։ Նա առաջարկեց ինձ շարունակել համատեղ աշխատանքը, և մենք սկսեցինք համագործակցել», – պատմում է Քրիստինան։

Посмотреть эту публикацию в Instagram

I eat flowers because "you are what you eat", and I want to be beautiful. 🌼 ... Ph: @arusikmarkosyan_photo Mua: @make_up_manan

Публикация от Kristina Snegovskaya (@kkkris_moore)

Սնեգովսկայան մոդելի աշխատանքի ամենաբարդ մասը համարում է անվերջ դիետաները։

«Ամենաբարդը ուտելիքից հրաժարվելն է։ Երբեմն շատ ես ուզում ինչ–որ համեղ բան ուտել։ Եթե աշխատում ես այս ոլորտում, ապա համեղ բաների մասին կարող ես մոռանալ։ Իսկ եթե խոսենք աշխատանքի գործընթացի մասին, ապա հավանաբար ամենաբարդը դիմահարդարումն է և նկարահանման ժամերը։ Երբ սկսում են շպարել, մոտ երկու ժամ նստում ես նույն դիրքում։ Շատ հոգնեցուցիչ է։

Посмотреть эту публикацию в Instagram

Date night 🌑 . . . . Ph: @a.m.a._photography Mua: @makeupanivahuni Style: @themusefashion

Публикация от Kristina Snegovskaya (@kkkris_moore)

Նկարահանումները կարող են տևել 2-8 ժամ։ Դրանից հետո շատ հոգնած եմ լինում։ Հետո դժվար է, երբ գործընկերներիցդ մեկը չգիտի այն լեզուն, որով դու ես խոսում։ Դա ավելի է բարդացնում աշխատանքը։ Ընդհանուր առմամբ սիրում եմ նկարահանումների գործընթացը, կարծես ձուլվում եմ խցիկի հետ և անհավանական էյֆորիա զգում», – պատմում է Սնեգովսկայան։

Ըստ թեմայի

Սարսափելի այրվածքներով աղջիկը մոդել է դարձել. տեսանյութ
Սերո Խանզադյանի թոռնուհին Victoria's Secret–ի մոդել է. նա զվարճանում է Իրինա Շեյկի հետ
Երևանում անցկացվեց «Թոփ մոդել ԱՊՀ- 2019» գեղեցկության մրցույթը. լուսանկարներ
թեգերը:
Հայաստան

Գլխավոր թեմաներ