22:36 20 փետրվարի 2019
Ուղիղ եթեր
  • USD487.50
  • GBP629.90
  • EUR551.07
  • RUB7.36
Ընտանեկան բռնություն

Հայաստանում ավելացել է ընտանեկան բռնության դեպքերի թիվը. մայրերը սպանել են նորածիններին

© Sputnik / Табылды Кадырбеков
Հասարակություն
Ստանալ կարճ հղումը
135 0 0

ՀՀ քննչական կոմիտեն ուսումնասիրել է Հայաստանում ընտանեկան բռնությունների խճանկարը։ Պատկերը սարսափելի է` մանկասպանություն, ծնողին ծեծելու ու տանջելու, հարազատին բռնաբարելու դեպքեր։

ԵՐԵՎԱՆ, 6 փետրվարի — Sputnik. 2018 թվականի ընթացքում քննվել է ընտանիքում բռնության վերաբերյալ 519 քրեական գործ՝ նախորդ տարվա 458-ի դիմաց։ Այս մասին հայտնում է Քննչական կոմիտեի մամուլի ծառայությունը։

Ընդ որում` քրեական գործերի մեծ մասի` 193 դեպքում բռնությունը կիրառողը եղել է ամուսինը, 12 դեպքում՝ կինը, 12 դեպքում` մայրը, 27 դեպքում՝ հայրը, 2 դեպքում` խորթ հայրը, 13 դեպքում՝ եղբայրը կամ քույրը, 4 դեպքում` տատը կամ պապը, 40 դեպքում` հարազատ կամ որդեգրած զավակը, 7 դեպքում` թոռը, 9 դեպքում՝ ամուսնու ծնողները, 13 դեպքում՝ հարսը կամ փեսան։

Գործերի հիմնական մասում (267) բռնություն կիրառողը ծեծել է հարազատներին, 66 դեպքում սպառնացել է սպանել, առողջությանը ծանր վնաս պատճառել կամ ոչնչացրել գույքը։ 34 գործով առողջությանը թեթև վնաս է պատճառվել։ 17 դեպքում բռնությունը կրել է սեռական բնույթ 16 տարին չլրացած անձի նկատմամբ։ 15 դեպքում ծնողը խուսափել է երեխային պահելուց, 12 գործով տուժողին պատճառվել է ֆիզիկական ուժեղ ցավ կամ հոգեկան ուժեղ տառապանք, 12 գործով` միջին ծանրության առողջության վնաս, 11 գործով` ծանր վնաս, 10 դեպքում հարազատը սպանել է հարազատին, 8 դեպքում` բռնաբարել։

Եղել են երեխայի հետ տեսակցությունը խոչընդոտելու, ապօրինի անազատ վիճակում պահելու, գույքը դիտավորությամբ ոչնչացնելու կամ վնասելու,առևանգելու, ինքնասպանության հասցնելու դեպքեր։

2 մայրեր սպանել են իրենց նորածին երեխաներին։ Գրանցվել են երեխային փոխելու ու վաճառելու մեկական դեպքեր։

Գրանցված 519 դեպքերից 82–ով քրեական գործերի նախաքննությունն ավարտվել է, գործերն ուղարկվել են դատարան։ Դրանցով մեղադրանք է առաջադրվել 85 անձի։

թեգերը:
Հայաստան

Գլխավոր թեմաներ