10:44 21 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Աղ

Մենք մեզ թունավորում ենք այլոց աղով,իսկ մերը մնում է մրցակցությունից դուրս. ինչպես չխաբվել

© Sputnik / Aram Nersesyan
Հասարակություն
Ստանալ կարճ հղումը
840 0 0

Հայաստանում սննդամթերքի արտադրության մեջ հաճախ օգտագործվում է տեխնիկական աղ, համոզված է Ավանի աղի հանքի տնօրենը։ Դա ոչ միայն հակասում է բոլոր նորմերին, այլ նաև անմիջական վտանգ է պարունակում բոլորի համար։ Շուկայում տեխնիկական աղի առկայության մեջ համոզվելու համար պետք չէ քննիչ լինել, կարծում է տնօրենը։

ԵՐԵՎԱՆ, 8 փետրվարի — Sputnik. Տեխնիկական աղն օգտագործվում է տարբեր նպատակներով. դա էժան արդյունավետ ռեագենտ էր մերկասառույցի դեմ պայքարելու համար, այն կիրառվում է կաթսաների քիմիական մաքրման, լվացքի փոշու, ապակու, թղթի, սոդայի արտադրության մեջ։ Մի խոսքով` շատ տեղերում, բայց այն չի կարելի օգտագործել սննդի մեջ ոչ մի տեսքով։

Ինչպես կարծում է «Ավանի աղի կոմբինատ» ՓԲԸ–ի տնօրեն Արեգ Ղուկասյանը, մենք ամեն օր օգտագործում ենք այդ վտանգավոր արտադրանքը։ Նա վստահ է, որ Հայաստան է ներկրվում էժան տեխնիկական աղ, որը մեծածախ խմբաքանակներով գնում են սննդամթերքի որոշ արտադրողներ։

Sputnik Արմենիայի եթերում Արեգ Ղուկասյանն ասաց, որ պետք չէ քննիչ լինել` համոզվելու համար այդքան վտանգավոր երևույթի իրական լինելու մեջ։ Արդեն մի քանի տարի է` Ավանի աղի հանքը, որը երկրում միակ այդպիսի ձեռնարկությունն է, գրանցում է վաճառքի նվազում, իսկ 2017թ–ին և հատկապես 2018թ–ին ծավալների անկումը հատկապես կտրուկ է եղել։ Ընդհուպ մինչև այն, որ անցած տարին աղի հանքն ավարտել է հազիվ նկատելի շահույթով, բայց չէ՞ որ դա բիզնես է, և կոմբինատն աշխատանքով է ապահովում երեք հարյուր հոգու։

«Մենք փորձել ենք հասկանալ, թե ինչ է տեղի ունենում շուկայում։ Մեր աղը մրցակցությունից դուրս է ոչ միայն այն պատճառով, որ մենք երկրում միակ արտադրողն ենք, այլ նաև որակով և գնով։ Մենք ընդամենը տեղեկատվություն ենք հավաքել համացանից, որը բոլորին հասանելի է, և աղաղակող փաստեր ենք նկատել։ Երկիր է ներկրվում էժան տեխնիկական աղ, որի ցածր գնի արդյունքում նման ներկրումից երկրի բյուջե են մտնում չնչին գումարներ, իսկ աղը հայտնվում է սննդամթերքի շուկայում զգալիորեն ցածր գնով, քան մեր «էքստրա» դասի արտադրանքը», – ասում է Ղուկասյանը։

Պետական եկամուտների կոմիտեից Ղուկասյանի ստացած տվյալներն անհերքելիորեն վկայում են այն մասին, որ 2017-2018թթ–ին Հայաստան է ներկրվել 7570 տոննա տեխնիկական աղ, որը իրացվել է։ Նման աղը վաճառվում է 25–կիլոգրամանոց պարկերով։ Հասկանալի է, որ մարդիկ իրենց ամենօրյա կարիքների համար այն չեն վերցնի, նշանակում է` այն գնում են սննդի արդյունաբերության ձեռնարկությունները։

Աղի հանքի մասնագետները լաբորատորիայում ուսումնասիրել են աղը։ Պարզվել է, որ առաջին հերթին այն յոդացված չէ, բայց Հայաստանի կառավարության որոշմամբ արգելված է չյոդացված սննդի աղի իրացումը։

Բացի դա, այդ աղում հայտնաբերել են մեծ քանակությամբ՝ 2 տոկոս չլուծվող նյութեր։ Համեմատության համար` Երևանի աղի հանքի արտադրանքում նման նյութերը կազմում են 0,03 տոկոս։ Մի խաբվեք փոքր թվերին. տարբերությունը 70 անգամ է, իսկ դա ոչ միայն լուրջ է, այլ նաև աղետալի։

Կոմբինատի ղեկավարը կոչ է արել երկրի նախկին, իսկ հիմա էլ ներկա իշխանություններին հոգ տանել մարդկանց առողջության մասին, հետո էլ աջակցել տեղի բարեխիղճ արտադրողին` ապահովելով մրցակցության հավասար պայմաններ։ Ղուկասյանի խոսքով` տեխնիկական աղի փաթեթների վրա պետք է խոշոր տառերով նշված լինի, որ արտադրանքը չի կարելի օգտագործել սննդի մեջ։ Ընդ որում այդ պահանջը պետք է ներկայացվի արդեն սահմանին` մաքսատանը, մինչև ապրանքը կհայտնվի շուկայում։

Ղուկասյանը պնդում է, որ ճանապարհային ծառայությունները և «Սանիթեքը», որոնք զբաղվում են նաև ձյունը մաքրելով, աղ գնում են Ավանի աղի հանքից, ուստի նա կարծում է, որ ներկրվող աղը վաճառվում է սննդամթերք արտադրողներին։ Տնօրենն ասում է, որ դեռ չի տեսել փաստաթուղթ, որը հաստատում է նշվող կազմակերպությունների կողմից ներկրվող աղ գնելու մասին։

Արեգ Ղուկասյանը կոնկրետ անուններ կամ կազմակերպություններ չի նշում, որոնք զբաղվում են դրանով, քանի որ նա ամբողջական տեղեկատվություն առայժմ չունի և իրեն թույլ չի տա մերկապարանոց մեղադրել որևէ մեկին։ Նա կարծում է, որ հարցը պետք է արժանանա համապատասխան մարմինների ուշադրությանը, իսկ ԱԱԾ–ից պատասխան է ստացվել, որ դա այն հարցը չէ, որը պետք է լուծի գերատեսչությունը` նշելով ծառայություններին, որոնք զբաղվում են սննդամթերքի որակի հսկողությամբ։

Սակայն Ղուկասյանը վստահ է, որ նման ծառայություններն ուղղակի տեխնիկական, նյութական և մարդկային ռեսուրսներ չունեն, որպեսզի հետևեն ներկրման նման ծավալներին։ Միգուցե ոչ ԱԱԾ մակարդակով, բայց խնդիրը պետք է լուծվի ավելի ազդեցիկ և ծանրակշիռ կառույցների կողմից։

Դե ինչ, խնդիրն ակնհայտ է և խնդիրը նենգ է։ Մթերք փաթեթների վրա բաղադրիչների շարքում միայն նշվում է «աղ», միգուցե արտադրողին էլ են մոլորեցրել, և նա չգիտի, թե ինչպիսի աղ է ձեռք բերել արտադրության համար. չէ որ փաթեթի վրա նշված չէ, որ այն պիտանի չէ սննդի մեջ օգտագործելու համար։

Ուղղակի խանութից վերցնում ենք մթերքի առօրեական ցանկում նշված աղը և տուն տանում դանդաղ գործողության ական։

Ու նույնիսկ՝ ոչ այդքան դանդաղ։

Ըստ թեմայի

Հայտնի են 12 նախարարությունների անվանումները
«Համով Հայաստան». հայերը չինացիներից վատ չեն պատրաստում. պահքի չինական կերակուրներ
«Համով Հայաստան». Զատկի հայկական սեղանի առանձնահատկությունը
Հայկական համով–հոտով ապուրների հնգյակը, առանց որոնց կյանքն անհամ կլիներ

Գլխավոր թեմաներ