07:09 22 մարտի 2019
Ուղիղ եթեր
  • USD486.10
  • GBP640.24
  • EUR554.45
  • RUB7.64
Սուրբ Գևորգ

Վրաստանում գործ են հարուցել հայկական եկեղեցում հայհոյած ադրբեջանցու դեմ

© Sputnik / Laura Sarkisyan
Հասարակություն
Ստանալ կարճ հղումը
48420

Հայտնի են Թբիլիսիի հայկական եկեղեցում երեք ադրբեջանցիների մասնակցությամբ տեղի ունեցած միջադեպի նոր մանրամասները։

ԵՐԵՎԱՆ, 26 փետրվարի — Sputnik, Լաուրա Սարգսյան. Վրաստանի ներքին գործերի նախարարությունը քրեական գործ է հարուցել Թբիլիսիի Սուրբ Գևորգ հայկական եկեղեցում հայհոյած երեք ադրբեջանցիներից մեկի դեմ։ Հայ առաքելական եկեղեցու վիրահայոց թեմը համապատասխան գրավոր ծանուցում է ստացել անցած շաբաթ։ Sputnik Արմենիայի թղթակցի հետ զրույցում այս մասին ասաց թեմի մամուլի քարտուղար Սուսաննա Խաչատրյանը։

Միջադեպը տեղի է ունեցել դեկտեմբերի 2–ին, բայց լայն արձագանք է ստացել այս տարվա փետրվարի կեսին Facebook սոցիալական ցանցում հրապարակված տեսանյութից հետո։ Երեք ադրբեջանցիներ հայհոյել են Թբիլիսիի Սուրբ Գևորգ հայկական եկեղեցում պատարագի ժամանակ։ Նրանցից մեկն էլ դրոշ է այրել։

Վիրահայոց թեմը միջադեպի մասին իմացել է նույն օրը և իսկույն դիմել պետական մարմիններին։ Վրաստանի ներքին գործերի նախարարությանն են փոխանցել եկեղեցու բակում տեղադրված տեսախցիկների ձայնագրությունները։

«Մենք դիմել ենք թե՛ ՆԳՆ, թե՛ ԱԳՆ։ Ի պատասխան մեր դիմումի նամակ է եկել, որում ասվում է` կասկածյալներից մեկի դեմ հարուցվել է քրեական գործ։ Այդ մարդը հետախուզման մեջ է», – ասաց Խաչատրյանը։

Նա ներկայացրեց նաև գործի նոր մանրամասները։ Ավելի վաղ ենթադրվել էր, որ դրոշն այրվել է Սուրբ Գևորգ եկեղեցու բակում։ Սակայն ադրբեջանցիները շփոթել են դրոշները և այրել կոլումբիական եռագույնը, ընդ որում` ոչ եկեղեցու բակում։ Ուղղակի այնուհետև այդ դրվագը մտցվել է տեսանյութի մեջ։

Միջադեպից հետո եկեղեցում արգելվել է լուսանկարահանումն ու տեսանկարահանումը։ Այժմ նկարահանելու համար համապատասխան թույլտվություն է պետք։

Սոցիալական ցանցերում տարածված տվյալների, ինչպես նաև Sputnik Արմենիայի տեղեկությունների համաձայն` միջադեպի երեք մասնակիցներից մեկը Իսմայիլ Զալովն է (որի դեմ հարուցվել է քրեական գործ)։ Համացանցում տեղեկություններ կան, որ նա իբր անհատ ձեռներեց է, ապրում է Կալինինգրադում։

Sputnik Արմենիայի տվյալներով` նա Բաքվից ֆինանսավորվող ադրբեջանա–իսրայելական իրավաբանական կենտրոնի ղեկավարն է։

Թբիլիսիի Սուրբ Գևորգ եկեղեցին վերանորոգվել է 2013-15 թվականներին Հայ առաքելական եկեղեցու վիրահայոց թեմի առաջնորդ եպիսկոպոս Վազգեն Միրզախանյանի նախաձեռնությամբ, հայտնի գործարար, բարերար Ռուբեն Վարդանյանի, Վրաստանի նախկին վարչապետ Բիձինա Իվանիշվիլու և այլոց աջակցությամբ։

Եկեղեցին կառուցվել է 1251թ-ին իշխան Ումեկի միջոցներով, որը ծագումով Մանազկերտից էր: Նա մեծահարուստ վաճառական էր Կարին (այժմ՝ Էրզրում) քաղաքում։ Երբ 1242թ-ին Կարինը ենթարկվեց մոնղոլների արշավանքին, նա ընտանիքի հետ Տփխիս (այժմ Թբիլիսի) տեղափոխվեց:

Ըստ թեմայի

Ինչպես է այրվել հայերի սիրած ռեստորաններից մեկը Թբիլիսիում. տեսանյութ
«Նա մեր նախագիծը հավանեց, մենք էլ` նրան». Մակունցը Թբիլիսիում հանդիպել է դերասաններին
Թբիլիսիի «Սուրբ Գևորգ» եկեղեցու գաղտնիքները. պատմական եզակի փաստեր
թեգերը:
Հայ Առաքելական Եկեղեցի, Վրաստանի Հանրապետություն

Գլխավոր թեմաներ