ԵՐԵՎԱՆ, մարտի 9 – Sputnik. Համացանցում տարածվող տեսանյութի հերոսները սպիտակահեր կինն ու տղամարդն են, որոնք դուրս են եկել պարահրապարակ և ցուցադրում են իրենց հմտությունները։
Զուգապարերում սովորաբար կանայք են միշտ հայտնվում ուշադրության կենտրոնում, բայց այս անգամ ապշեցնում է տարեց տղամարդու ճկունությունն ու խանդավառությունը։ Ոչինչ չի մատնում նրա տարիքը, բացի ճերմակած մազերից։ Զուգընկերուհին էլ վատ չի պարում, բայց տղամարդն այս դեպքում անգերազանցելի է։
Մարդկանց հիացրել է նրանց կրքոտ պարը։
«Հիասքանչ է ու հուզիչ», «պարզվում է` այս տարիքում էլ կարելի է պարել», «իսկ ես` հիմարս, անհանգստանում էի, որ ծերանում եմ, և վազվզում եմ ակումբներում, որպեսզի տարիներս զուր բաց չթողնեմ», – գրում են սոցցանցերի օգտատերերը։