01:05 24 սեպտեմբերի 2019
Ուղիղ եթեր
  • USD476.26
  • GBP592.56
  • EUR522.98
  • RUB7.44
Нарек Геворгян после операции в мед.центре Григора Лусаворича

Բժշկական հրաշք. գանգուղեղի ծանր վնասուածքով երկու տարեկան Նարեկի փրկութեան պատմութիւնը

© Photo : official site of Yerevan municipality
Հասարակություն
Ստանալ կարճ հղումը
Sputnik Արմենիան` արևմտահայերենով (229)
29920

«Նարեկն իմ առաջին հիւանդներէն է, որ հրաշքով փրկուած է: Կրնամ վստահօրէն ըսել, որ այս արդիւնքին մէջ շատ մեծ դեր խաղցած է հաւատքը», վիրաբոյժ Նառա Լալազարեան:

ԵՐԵՒԱՆ, 21 մարտի-Sputnik. Սուրիահայ Գեւոներու` Գէորգեաններու ընտանիքը 6 տարի առաջ գաղթեց Հայաստան: Հէնց այստեղ ալ ծնաւ անոնց երկրորդ ու երկար սպասուած երեխան: 2-ամեայ Նարեկը երեք ամիս առաջ տունին մէջ սայլակէն վար կ’իյնայ եւ կը կորսնցնէ գիտակցութիւնը: Երեխան շտապօգնութիւնը կը տեղափոխէ Երեւանի քաղաքապետարանի ենթակայութեան «Սուրբ Աստուածամայր», բժշկական կեդրոն: Այս մասին  կը տեղեկանանք Երեւանի քաղաքապետարանի պաշտօնական կայքէն:

«Երեխան անյաջող  կերպով  ինկած էր եւ ծայրայեղ ծանր վիճակի մէջ էր: Գանգուղեղին մէջ կամրջային երակները կտրուած էին եւ ծաւալային արիւնազեղում` (հեմատոմա)  յառաջացուցած», – կը նշէ բժշկական կեդրոնի վիրաբուժական բաժանմունքի վարիչ Մարգար Մարտիրոսեան:

Բժշկական հրաշք. գանգուղեղի ծանր վնասվածքով 2-ամյա Նարեկի փրկության պատմությունը
Սուրիահայ Գեւոներու` Գէորգեաններու ընտանիքը 6 տարի առաջ գաղթեց Հայաստան

Հիւանդանոց տեղափոխուելու օրը աւելի քան 3 ժամ տեւողութեամբ բարդ վիրահատութիւնը յաջող անցաւ, թէեւ երեխայի ապրելու հնարաւորութիւնը կը գնահատուէր ընդամէնը 1 տոկոս:

«Բաւական լայն մուտք կատարուեցաւ, հեռացուեցաւ արիւնակոյտը: Մենք կը հասկնայինք, որ եղածը բաւարար չէ, եւ հնարաւոր է ուղեղի այտուց յառաջանայ: Ատոր համար հեռացուած ոսկրային մասը սառեցուեցաւ եւ պահուեցաւ», – կը նշէ Մարգար Մարտիրոսեան:

Բժշկական հրաշք. գանգուղեղի ծանր վնասվածքով 2-ամյա Նարեկի փրկության պատմությունը
Բժշկական հրաշք. գանգուղեղի ծանր վնասուածքով երկու տարեկան Նարեկի փրկութեան պատմութիւնը

«Բժիշկները շատ չեն ըսեր, որ կը հաւատան հրաշքներու, բայց այս պարագային իսկապէս բժշկական հրաշք էր»,- կը նշէ «Սուրբ Աստուածամայր» բժշկական կեդրոնի տնօրէն Նիկոլա Դալլաքեան:

Բժիշկները յաղթեցին, բայց կեանքի համար պայքարը շարունակուեցաւ նաեւ յաջորդող երեք շաբաթներուն:

«Երկար ժամանակ` մօտ 20 օր, երեխան վերակենդանացման բաժանմունքի մէջ էր` արհեստական շնչառութեամբ: Չէր տեսներ, չէր զգար եւ չէր արձագանքեր: Մասնագէտներու աջակցութեամբ հետզհետէ այդ ամէնը յաղթահարեցինք», – կը նշէ Նարեկին հայրը` Ներսէս Գեւոն:

Բժշկական հրաշք. գանգուղեղի ծանր վնասվածքով 2-ամյա Նարեկի փրկության պատմությունը
Բժշկական հրաշք. գանգուղեղի ծանր վնասուածքով երկու տարեկան Նարեկի փրկութեան պատմութիւնը

«Բժիշկներուն շնորհիւ երեխաս 2-րդ ծնունդ ունեցաւ: Մենք ընդհանրապէս յոյս չունէինք, որ ինք կը վերականգնուի: Կ’ըսէին` կրնայ փրկուիլ, բայց ոչ լիարժէք եւ հաշմանդամ կ’ըլլայ, բայց ոչ, արդիւնքը կը տեսնենք»,- կը նշէ երեխային մայրը` Աստղիկ Մուրատեանը:

Ապաքինման դրական փոփոխութիւնները տեսանելի էին ամէն օր: Սակայն բժիշկներուն համար Նարեկի պատմութիւնն աւարտուած չէր: Մարտ 7-ին կատարուեցաւ երկրորդ վիրահատութիւնը եւ գանգոսկրի հեռացուած հատուածը վերատեղադրուեցաւ:

Այսօր Նարեկն արդէն կը ժպտի, կը հասկնայ ամէն ինչ ու կը փորձէ խօսիլ:

«Նարեկն իմ առաջին հիւանդներէն է, որ հրաշքով փրկուած է: Կրնամ վստահօրէն ըսել, որ այս արդիւնքին մէջ շատ մեծ դեր  խաղցած է հաւատքը: Հիմա արդէն կը պայքարինք կեանքի որակի համար»,- կ’ըսէ վիրաբոյժ Նառա Լալազարեան:

Բժիշկները վստահ են, որ վերականգնողական կեդրոններուն մէջ բուժումը շարունակելէ յետոյ Նարեկը կրնայ լիարժէքօրէն կեանք վերադառնալ:

Բժշկական հրաշք. գանգուղեղի ծանր վնասվածքով 2-ամյա Նարեկի փրկության պատմությունը
Բժշկական հրաշք. գանգուղեղի ծանր վնասուածքով երկու տարեկան Նարեկի փրկութեան պատմութիւնը

Նարեկի պատմութիւնը մէկն է այն հարիւրաւորներէն, որոնց մասին քիչերը գիտեն: «Սուրբ Աստուածամայր» բժշկական կեդրոնի անձնակազմը կը պայքարի ու բժշկական հրաշքներ կը գործէ:

«Բժշկական կեդրոնն ամէն տարի կը սպասարկէ աւելի քան 10 հազար երեխայի: Քառակի, հնգակի աւելի է բուժարաններու ծառայութիւններէն օգտուողներու թիւը», – կը նկատէ Նիկոլա Դալլաքեան:

թեմա:
Sputnik Արմենիան` արևմտահայերենով (229)

Ըստ թեմայի

«Ֆանտաստիկ երկիր է». Ինչո՞ւ իտալացին կը ցանկայ որդին մեծցնել Հայաստանի մէջ
«Ինքզինքէս ամենամեծ դժգոհը ես եմ». Փաշինեան կրկին անդրադարձաւ անձնակազմի խնդրին
Ինչպէս սովետական հին հանրակառքը կը դառնայ հիւրանոց. հայաստանեան հանգիստի նորաձեւութիւնը
ԱՄՆ–ի մէջ Մանսուրեանի անուան մրցանակ կու տան` հայկական թեմայով ստեղծագործութեան համար
Նոր տօն Հայաստանի մէջ. ապրիլի վերջին շաբաթ օրը կը դառնայ Քաղաքացիի օր
թեգերը:
Հայաստան, Սիրիա

Գլխավոր թեմաներ