18:41 22 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Շաբաթօրյակ Գյումրիում

«Սովետի ժամանակ» պարտադրանքով էր, բայց ավելի ուրախ. ինչպես է շաբաթօրյակն անցել Գյումրիում

© Sputnik / Armenuhi Mkhoyan
Հասարակություն
Ստանալ կարճ հղումը
31510

Գյումրեցի մեծահասակները հիշում են, որ ժամանակին չէին կարող գլուխ պահել ու չմասնակցել շաբաթօրյակին, իսկ Գյումրիում հայտնված չեխերը զարմանում են, որ իշխանություններն էլ են միացել երկիրը մաքրելու գործին։

ԵՐԵՎԱՆ, 23 մարտի – Sputnik, Արմենուհի Մխոյան. Մարտի 23-ին գյումրեցիները միացան համապետական շաբաթօրյակին: Ակտիվություն էր նկատվում հիմնականում կոլեկտիվների շրջանում. գործընկերների հետ ուրախ տրամադրությամբ շրջակայքը մաքրելու ևս մեկ առիթ էր:

Շաբաթօրյակները նորություն չեն Հայաստանում, բայց մեծահասակներն ասում են՝ «սովետի ժամանակ» պարտադրանքով, բայց ավելի ուրախ էր անցնում:

«Սովետի ժամանակ ավելի լավ էր: Հիշում եմ` հատկապես մինչև ապրիլի 24–ը անպայման Հայաստանում շաբաթօրյակ էին անցկացնում, հետո էլ` բոլոր տոներից առաջ: Արկղով գարեջուր ու «զակուսկի» կար»,- Sputnik Արմենիային պատմեց 85–ամյա Մնացական պապը։

Նա միշտ մասնակցել է շաբաթօրյակներին ու շատ լավ հիշում է, որ որևէ մեկը չէր կարող չմասնակցել դրանց։

Мнацакан Мкртчян отдыхает после субботника в Гюмри
© Sputnik / Armenuhi Mkhoyan
Մնացական Մկրտչյանը (աջից առաջինը) հանգստանում է շաբաթօրյակից հետո

«Աշխատում էի Գյումրու «Մեխի» գործարանում, ու բոլոր աշխատողներով մասնակցում էինք: Պարտադիր բոլորով։ Հոգս չունեինք, շաբաթօրյակից էլ գլուխ պահելու հնարավորություն չկար: Հիմա լավ է, որ համապետական է, շաբաթօրյակներ կան, պարզապես մեծ գործարաններ չկան, որ մեծ կոլեկտիվներով մասնակցեն»,- ասաց նա Մնացական պապը՝ կոչ անելով բոլորին մաքուր պահել քաղաքն ու երկիրը, որովհետև մեր երեխեքը, թոռներն ու ծոռներն են այս երկրում ապրում:

Ուսումնական պրակտիկան Գյումրիում անցկացնող, ազգությամբ չեխ Միխայելա Տրինկովան ու Լուիզա Կուչիրովան ևս միացել էին շաբաթօրյակին: Անկեղծացան՝ իրենց մոտ նմանատիպ համապետական շաբաթօրյակ չկա:

Михаэла Тринкова на субботнике в Гюмри
© Sputnik / Armenuhi Mkhoyan
Միխայելա Տրինկովա

«Մեզ մոտ հիմնականում կամավորական հիմունքներով շրջակա միջավայրի պահպանությամբ զբաղվող տարբեր հասարակական կազմակերպություններ են նմանատիպ նախաձեռնություններ իրականացնում, բայց նմանատիպ բան չկա, որ իշխանություններն ու անհատները միանան ու մաքրեն տարածքները: Հետաքրքիր է ու զարմանալի, որ նաև տարեցներն ու երեխաներն են մասնակցում»,- ասացին աղջիկներն ու ավելացրին` ուրախ են, որ մասնակցել են այս միջոցառմանը:

Луиза Кучирован на субботнике в Гюмри
© Sputnik / Armenuhi Mkhoyan
Լուիզա Կուչիրովա

Հավելենք` Շիրակի մարզի բոլոր համայնքները, պետական ու մասնավոր ընկերությունները, հասարակական կազմակերպություններն ու անհատ քաղաքացիները միացան շաբաթօրյակին։ Մասնակցեցին շուրջ 13 հազար մարդ, օգտագործվեցին 120 միավոր տեխնիկա, 20000 բազմապիսի գործիքներ: Շաբաթօրյակին մաքրության և աղբահավաքության աշխատանքներ իրականացվել են միջպետական ճանապարհների, հանրապետական նշանակության, միջհամայնքային ճանապարհների հարակից տարածքներում, պատմամշակութային հուշարձանների տարածքներում, իրականացվել են հանրային տարածքների, այգիների, պուրակների, գետերի հուների մաքրություն ու բարեկարգում։ Կատարվել են ժամանակավոր աղբանոցների և աղբակույտերի հեռացման և մաքրման աշխատանքներ։

Памятник Андранику Озаняну в Гюмри
© Sputnik / Armenuhi Mkhoyan
Անդրանիկ Օզանյանի հուշարձանը Գյումրիում

Ըստ թեմայի

Փաշինյանը ոտքի վրա պլանները փոխեց. Աննա Հակոբյան
Մաքուր Հայաստան. երբ ազգովի մաքրում ենք մեր երկիրը
Նիկոլ Փաշինյանը հավաքում է ծխախոտի մնացորդներն ու գետնին ընկած շշերը
Հետ եմ կանչել տղաներին ու խնդրել, որ աղբը նետեն աղբամանը. Հայկ Մարության

Գլխավոր թեմաներ