23:16 23 հոկտեմբերի 2019
Ուղիղ եթեր
  • USD475.99
  • GBP611.79
  • EUR528.92
  • RUB7.45
Акция протеста водителей маршрута Ереван - Армавир у Дома правительства (4 сентября 2018). Еревaн

Խնդիրներ` Երևան–Արմավիր երթուղում. ընկերության տնօրենը Փաշինյանի հետ հանդիպում է պահանջում

© Sputnik / Aram Nersesyan
Հասարակություն
Ստանալ կարճ հղումը
111 0 0

«Գալակտիկա տրանս սերվիս» ընկերության տնօրենը ՀՀ իշխանություններին մեղադրում է անգործության մեջ և անձնական հանդիպում է պահանջում վարչապետ Նիկոլ Փաշինյանի հետ։

ԵՐԵՎԱՆ, 26 մարտի — Sputnik. «Գալակտիկա տրանս սերվիս» ընկերությունը, որը ուղևորափոխադրում է իրականացնում Երևան–Արմավիր երթուղով, դժգոհ է հանրապետության իշխանությունների գործողություններից և ժամանակավորապես դադարեցրել է գործունեությունը։ Այս մասին ընկերության տնօրեն Շուշանիկ Խաչատրյանը հայտարարեց այսօր հրավիրված մամուլի ասուլիսի ժամանակ։

Նա հայտնեց, որ արդեն երկու օր է ընկերությունը ուղևորափոխադրումներ չի իրականացնում, սակայն ուղևորները նույնիսկ չեն նկատել դա, քանի որ նույն երթուղում ապօրինի գործունեություն են ծավալում ևս 7 ընկերություն։

Директор компании «Галактика транс сервис» Шушаник Хачатрян и адвокат Гурген Григорян на пресс-конференции (26 марта 2019). Еревaн
© Sputnik / Nana Martirosyan
«Գալակտիկ տրանս սերվիսի» տնօրենն ու իրավաբանը

Խաչատրյանի խոսքով`  այդ ընկերությունները թույլտվություն են ստանում ուղևորափոխադրումներ իրականացնել Արմավիրի մարզի գյուղեր, մի քանի տրանսպորտային միջոց են գրանցում, սակայն իրականում տասնյակ մեքենաներ են գիծ են դուրս բերում։

«Մենք արտոնագիր ենք ստացել, հարկեր ենք վճարում, սակայն եկամուտ ստանում են քրեական հեղինակությունները, որոնք լավ հարաբերությունների մեջ են նախարարության հետ։ Պետական դրամաշորթություն է իրականացվում, կլոր տարին բողոքում եմ տարբեր կառույցների, սակայն նրանք անտեսելով, ընկերությունս սնանկացման հասցրին», – ասաց Խաչատրյանը։

Ընկերության ղեկավարը նշեց, որ դիմել է տրանսպորտի և կապի նախարարություն, ՊԵԿ, ոստիկանություն, ինչպես նաև վարչապետ Նիկոլ Փաշինյանին, սակայն ոչ ոք չի արձագանքել։ Այժմ ընկերությունը դադարեցրել է ուղևորափոխադրումները և չի վերսկսի, քանի դեռ ընկերության ղեկավարը չի հանդիպել վարչապետի հետ։

«Արդեն 2 օր է 26 վարորդ աշխատանքի դուրս չեն գալիս։ Համոզված ենք, որ Փաշինյանին սխալ են զեկուցում։ Մենք անձնական հանդիպում ենք ուզում վարչապետի հետ։ Մեզ 10-15 րոպեն բավարար է իրավիճակը ներկայացնելու համար», – ընդգծեց ընկերության ղեկավարը։

Նշենք, որ Հայաստանի տրանսպորտի և կապի նախարար Հակոբ Արշակյանը երկուշաբթի արտահերթ նիստի ժամանակ անդրադարձավ այս խնդրին։ Նա հայտարարեց, որ օրինախախտի դեմ լուրջ գործողություններ են ձեռնարկվել, մասնավորապես, տուգանքներ են դուրս գրվել այն ավտոտրանսպորտի համար,  որոնք առանց արտոնագրի ուղևորափոխադրում են իրականացնում։ Ավելին, ՊԵԿ–ը, ոստիկանությունն ու այլ իրավասու մարմիններ համագործակցում են այդ հարցը վերջնական լուծելու համար։

«Գալակտիկա տրանս սերվիս» ՍՊԸ–ն շուկայում գործում է 2001 թվականից։ Ընկերությունը ուղևորափոխադրումներ է իրականացնում Երևան–Արմավիր–Երևան երթուղով։

Ընկերության ավտոբուսներն ու միկրոավտոբուսները մեկնում են «Կիլիկիա» ավտոկայանից յուրաքանչյուր 10 րոպեն։ Ուղեվարձը կախված սեզոնից 400-500 դրամ է։

Ըստ թեմայի

Պետք է առանց նախարարի միջամտության լավ աշխատի. Արսեն Թորոսյանին չճանաչեցին Արմավիր ԲԿ–ում
Ինչո՞ւ է թանկացել Երևան–Արմավիր տրանսպորտը, և ի՞նչ թանկացումներ են սպասվում առաջիկայում
թեգերը:
Հակոբ Արշակյան, Նիկոլ Փաշինյան

Գլխավոր թեմաներ