05:06 23 ապրիլի 2019
Ուղիղ եթեր
  • USD481.98
  • GBP626.09
  • EUR542.18
  • RUB7.56
Դպրոցականներ

Ավշարի դպրոցի տնօրենն աշխատանքից ազատվելու դիմում է գրել. նա վախենում է իր երեխայի համար

© Sputnik / Asatur Yesayants
Հասարակություն
Ստանալ կարճ հղումը
16220

Տնօրենի դիմումի մեջ նշված է, որ ձևավորված ատելության մթնոլորտի պայմաններում պաշտոնավարումը կարող է վտանգավոր լինել նրա` սպասվելիք երեխայի առողջության համար։

ԵՐԵՎԱՆ, 26 մարտի — Sputnik. Արարատի մարզի Ավշար գյուղի միջնակարգ դպրոցի տնօրեն Հերմինե Անդրեասյանը պաշտոնից ազատման դիմում է ներկայացրել: Այս մասին տեղեկանում ենք Արարատի մարզպետարանից։

Մարտի 12-ից Ավշարի միջնակարգ դպրոցում աշակերտները դասադուլ էին սկսել, ծնողների հետ պահանջում էին դպրոցի նորանշանակ տնօրեն Հերմինե Անդրեասյանի հրաժարականը։

«Ես, որպես մանկավարժ, ՀՀ քաղաքացի և ծնող` նաև այն երեխայի, ում կրում եմ կրծքիս տակ և ով լույս աշխարհ կգա, ցանկանում եմ, որպեսզի մեր երեխաները, մասնավորապես Ավշարի միջնակարգ դպրոցի երեխաները, կրթություն ստանան, և ամենակարևորը` այն ստանան առողջ կրթական միջավայրում։ Միջավայրում, որտեղ մեծերի մասնավոր շահերը կստորադասվեն և խոչընդոտ չեն հանդիսանա երեխաների որակյալ կրթության ապահովմանը»,–նշված է Անդրեասյանի ազատման դիմումի մեջ:

Անդրեասյանը նաև ներողություն է խնդրել բոլոր այն մարդկանցից, որոնք իր քայլը որպես թուլություն կորակեն։ Նա, մասնավորապես, նշել է, որ նման քայլի է գնացել, քանի որ իր համար իր ապագա երեխայի առողջությունը շատ կարևոր է։ «Ձևավորված ատելության մթնոլորտի պայմաններում իմ հետագա պաշտոնավարումը կարող է վտանգավոր լինել նրա առողջության համար»,–գրել է նա դիմումի մեջ։

Հիշեցնենք, որ Ավշարի դպրոցի ուսուցիչներն ու ծնողները բաց նամակով մի քանի անգամ դիմել են վարչապետ Նիկոլ Փաշինյանին։ Նրանք տնօրենին մեղադրում էին կադրային խտրականության, երեխաների հանդեպ անհարգալից վերաբերմունքի համար։

Ըստ թեմայի

Այս տարի 30 դպրոց կվերանորոգվի. ի՞նչ «նորամուծություն» է սպասում ԱԳԼՃԿ–ների զուգարաններին
Երևանի ավագանին քննարկեց Իրինա Ռոդնինայի դպրոցն անվանափոխելու հարցը
Ի՞նչ նպատակ է հետապնդում և ինչի՞ կհանգեցնի գիշերօթիկ դպրոցների փակումը. մասնագետ
Տարիներ անցան. ինչպես դպրոցականը ջինսի պատճառով սիրահարվեց Զարմինե Զեյթունցյանին
թեգերը:
դպրոց, Հայաստան

Գլխավոր թեմաներ