20:52 26 ապրիլի 2019
Ուղիղ եթեր
  • USD481.33
  • GBP621.06
  • EUR536.06
  • RUB7.43
Երևան

Ցիկլոնը հարմար տեղավորվել է Հայաստանում. ինչ է խոստանում Սուրենյանը

© Sputnik / Andranik Ghazaryan
Հասարակություն
Ստանալ կարճ հղումը
Եղանակը Հայաստանում (420)
192 0 0

Ցիկլոնը կունենա ակտիվացման և թուլացման փուլեր` տեղումների ու արևի տեսքով։

ԵՐԵՎԱՆ, 1 ապրիլի — Sputnik. Առաջիկա 5 օրերի ընթացքում ցիկլոնի ազդեցությունը Հայաստանում պահպանվելու է, սակայն այն տարբերությամբ, որ այն կունենա ակտիվացման և թուլացման փուլեր։ Facebook սոցիալական ցանցի իր էջում այս մասին գրել է ՀՀ ԱԻՆ «Հիդրոմետ» ծառայության օդերևութաբանության կենտրոնի պետ Գագիկ Սուրենյանը։

Նրա խոսքով` ցիկլոնի ակտիվ կլինի հատկապես ապրիլի 3-ին։ Այդ օրը հանրապետության ամբողջ տարածքում ժամանակ առ ժամանակ սպասվում են տեղումներ, առանձին հատվածներում` ուժեղ։

«Ապրիլի 1-2-ին, 4-6-ին տեղումները կլինեն համեմատաբար ավելի կարճատև բնույթի, այսինքն ցերեկային ժամերին ժամանակ առ ժամանակ կլինի նաև արևի առկայություն։ Օդի ջերմաստիճանը ապրիլի 2-ին կբարձրանա մոտ 5-7 աստիճանով, ապրիլի 3-ին նույնքանով կնվազի, ապրիլի 4-6-ին աստիճանաբար կբարձրանա մոտ 5-6 աստիճանով»,–նշել է Սուրենյանը։

Նրա խոսքով` վերջին 3 օրերին հանրապետության տարածքում գործող հզոր ցիկլոնի արդյունքում բոլոր մարզերում դիտվել են առատ տեղումներ։ Տեղումների քանակը մարտի 31-ի դրությամբ հանրապետությունում հիմնականում կազմում է ամսական նորմայի 110-150 տոկոսը։

«Ձյան ծածկի առավելագույն բարձրությունը Արագած բարձր լեռնային օդերևութաբանական կայանում կազմում է 256սմ, Որոտանի լեռնանցքում 102սմ, Ամբերդում 95սմ, լեռնային մարզերում հիմնականում 20-50սմ։ Սա այն դեպքում, երբ անցած տարի այս օրերին լեռնային բոլոր մարզերում ձյան ծածկը բացակայել է, իսկ բարձր լեռնային հատվածներում ձյան ծածկը եղել է կրկնակի կամ եռակի պակաս»,–նշել է Սուրենյանը։

Նա գյուղատնտեսներին հիշեցնում է, որ առաջիկա 5 օրերին Արարատյան դաշտում ցրտահարություն չի լինելու։

թեմա:
Եղանակը Հայաստանում (420)
թեգերը:
Գագիկ Սուրենյան, Հայաստան

Գլխավոր թեմաներ