05:26 19 ապրիլի 2019
Ուղիղ եթեր
  • USD482.85
  • GBP628.24
  • EUR543.25
  • RUB7.54
Ջուր

Երևանը սնուցող ջրատարը դարձյալ վթարվել է. 36 ժամ ջուր չի լինի

© Sputnik / Евгений Одиноков
Հասարակություն
Ստանալ կարճ հղումը
102020

«Վեոլիա ջուր» ընկերությունը հայտնում է Երևանը սնուցող ջրատարի վրա տեղի ունեցած վթարի մասին։ Այս վթարը նախորդից ավելի խոշոր է։

ԵՐԵՎԱՆ, 1 ապրիլի — Sputnik. Երևանցիների մի մասը 36 ժամով ջուր չի ունենա։ Այս մասին հայտնում է «Վեոլիա ջուրը»` տեղեկացնելով Հրազդանի կիրճում «Արզնի 1 – Երևան» ջրատարի վրա տեղի ունեցած վթարի մասին։

Այդ ջրատարից սնուցվող Երևանի Արաբկիր, Կենտրոն և Էրեբունի վարչական շրջաններում սպառողների 4 տոկոսը 12.00-ից հետո զրկվել են ջրամատակարարումից։ Մնացած սպառողներն այս պահին ջուր են ստանում Կաթնաղբյուրից ու Գառնիից մղվող լրացուցիչ ջրաքանակի հաշվին։

Վթարն ուսումնասիրած մասնագետները հանգել են այն եզրակացության, որ ջրամատակարարման ընդհատումը կարող է տևել մինչև 36 ժամ, քանի որ այն բարդ է ու դրա վերացման համար երկար ժամանակ կպահանջվի»

Բանն այն է, որ վթարը տեղի է ունեցել Արզնիից դեպի Երևան հատվածում, Հրազդանի կիրճում, որտեղ վթարի վերացման աշխատանքների կազմակերպման համար անհարմար է, հողը թաց է, ճանապարհ չկա, տեխնիկան ու մասնագետները դժվար են տեղաշարժվում:

Վթարի հիմնական պատճառն, ըստ ընկերության պաշտոնական հաղորդագրության, եղանակային պայմաններն են: Առատ անձրևներով պայմանավորված, ձորերում ու կիրճերում տեղի է ունենում հողի սահք, որի հետևանքով տեղաշարժվում են նաև այդ տարածքով անցնող խողովակաշարերը:

Մասնագետները խոստանում են ընդհատված ջրամատակարարումը վերականգնել ապրիլի 2–ին, ժամը 24.00–ին։

  • Ջրատարի վերականգման աշխատանքներ
    Ջրատարի վերականգման աշխատանքներ
    © Photo : press office of Veolia Djur
  • Ջրատարի վերականգման աշխատանքներ
    Ջրատարի վերականգման աշխատանքներ
    © Photo : press office of Veolia Djur
  • Ջրատարի վերականգման աշխատանքներ
    Ջրատարի վերականգման աշխատանքներ
    © Photo : press office of Veolia Djur
1 / 3
© Photo : press office of Veolia Djur
Ջրատարի վերականգման աշխատանքներ

Հիշեցնենք` շաբաթ օրը` մարտի 30-ին, վթարվել էր Երևանի Արաբկիր համայնքը սնուցող «Արզնի 2» ջրատարը։ Վթարի վերականգնման համար շուրջ 24 ժամ էր պահանջվել։

«Արզնի 2» խողովակաշարի վթարը «Վեոլիա ջուրը» կրկնակի ավելի խոշոր է որակում 2 օր առաջ տեղի ունեցած վթարից։

թեգերը:
Երևան

Գլխավոր թեմաներ