ԵՐԵՎԱՆ, 9 ապրիլի – Sputnik. Ապրիլի 9-13-ը Հայաստանի տարածքում տեղ-տեղ սպասվում է կարճատև անձրև և ամպրոպ: Այս մասին նշված է ՀՀ արտակարգ իրավիճակների նախարարության կայքում։
Այսօր անձրև կտեղա Գեղարքունիքում, Լոռիում, Տավուշում և Սյունիքում։
Քամին կլինի հարավարևմտյան` 3-8 մ/վ:
Օդի ջերմաստիճանն էապես չի փոխվի։
Երևանում ապրիլի 9-ին, 12-13-ը սպասվում է առանց տեղումների եղանակ, 10-11-ը քաղաքի առանձին հատվածներում հնարավոր է կարճատև անձրև և ամպրոպ:
Այսօր մայրաքաղաքում օդի ջերմաստիճանը ցերեկային ժամերին կհասնի 20 աստիճանի, գիշերը` +7 աստիճանի։
