11:19 21 ապրիլի 2019
Ուղիղ եթեր
  • USD482.31
  • GBP627.00
  • EUR542.36
  • RUB7.54
Մարգարիտա Սիմոնյան

«Քրիստինա, խոսքեր չկան». Մարգարիտա Սիմոնյանին անգին նվեր են արել

© Sputnik / Евгения Новоженина
Հասարակություն
Ստանալ կարճ հղումը
21610

Քրիստինա Պոտուպչիկ անունով մի կին անսովոր և արժեքավոր նվեր է արել RT–ի և Sputnik–ի գլխավոր խմբագիր Մարգարիտա Սիմոնյանին։

ԵՐԵՎԱՆ, 9 ապրիլի — Sputnik. RT–ի գլխավոր խմբագիր Մարգարիտա Սիմոնյանը նվեր է ստացել հին գիրք` կոմս Լև Տոլստոյի հայերեն թարգմանված ստեղծագործությունների ժողովածուն։ Սիմոնյանը նվերի լուսանկարը հրապարակել է Facebook–ում։

Նրան նման անսովոր նվեր է արել Քրիստինա Պոտուպչիկը: Ինչպես գրում է Սիմոնյանը, այն պատկանել է Ղրիմից արտաքսված ընտանիքի։

«Իմ տատիկն ու պապիկը նույնպես արտաքսվել են Ղրիմից։ Պապիկս մահացել է ծննդյանս օրը, երբ դարձել եմ 16 տարեկան։ Քրիստինա, խոսքեր չկան», – գրել է Սիմոնյանը։

Շապիկի վրայի գրությունը վկայում է, որ գիրքը լույս է տեսել 1905թ–ին Մայր աթոռ սուրբ Էջմիածնի հրատարակչությունում։ Տոլստոյի ժողովածուն հայերեն է թարգմանել Ե. Մուրադյանը։

Մարգարիտա Սիմոնյանի տատիկի ու պապիկի ընտանիքը բռնաճնշումների է ենթարկվել 1944թ–ին։

Սիմոնյանը պատմել է, թե ինչպես են իր պարտիզան տատիկին 14–ամյա վիրավոր, պարտիզան դստեր հետ Ղրիմի 10 000 մյուս հայերի պես նստեցրել վագոններ ու աքսորել։

«Պապիկս` Սարգիս Սիմոնյանը, այդ ժամանակ կռվել է, նրա քույրն ու մայրը պարտիզան են եղել։ Նախապապս վիրավորվել է, պառկել է Սիմֆերեպոլի հոսպիտալում։ Արդեն ապաքինվելիս է եղել։ Գիշերը խնդրել է թույլ տալ իրեն գնալ տուն։ Լավ է, որ տունը հիվանդանոցին մոտ է եղել։ Կեսգիշերին մոտեցել են տանը և հայտարարել, որ դուք 20 րոպե ունեք հավաքվելու համար, ձեզ վերաբնակեցնում եք, քանի որ այս պահից դուք թշնամի եք։ Իսկ դուք` պարոն զինծառայող, մնում եք։ Եվ վիրավոր նախապապս նայել է, թե ինչպես են իր կնոջն ու երեք երեխաներին, որոնցից ավագը տատիկս էր` Մայա Ալոևան, խցկել են վագոնները և ուղարկել Ուրալ», – ավելի վաղ պատմել էր Սիմոնյանը։

Սիմոնյանն ամեն տարի գրառում է անում իր ընտանիքի մասին և կոչ անում օգտատերերին միանալ  #япомню (ես հիշում եմ) ակցիային։

Ըստ թեմայի

«Մայրս ցանկացած աշխատանք անում էր». Մարգարիտա Սիմոնյանը պատմել է իր դժվար մանկության մասին
Մարգարիտա Սիմոնյանի երեխաները հայերեն են խոսում. մայրը տեսանյութ է հրապարակել
Մարգարիտա Սիմոնյանն ու Տիգրան Քեոսայանը երեխայի են սպասում. տեսանյութ
Մարգարիտա Սիմոնյանը պատասխանել է RT-ին ու Sputnik–ին ուղղված Պոմպեոյի մեղադրանքներին
թեգերը:
Ռուսաստան, Մարգարիտա Սիմոնյան

Գլխավոր թեմաներ