05:06 23 ապրիլի 2019
Ուղիղ եթեր
  • USD481.98
  • GBP626.09
  • EUR542.18
  • RUB7.56
Արթուր Աբրահամ

Արթուր Աբրահամն ամուսնալուծվել է

© Sputnik / Asatur Yesayants
Հասարակություն
Ստանալ կարճ հղումը
531 0 0

Զույգն ունի մեկ տղա, որը 3 տարեկան է։ Նախկին ամուսինները համաձայնության են եկել, որ հայրը պետք է ամսական 500 հազար դրամ ալիմենտ վճարի երեխայի համար։

ԵՐԵՎԱՆ, 10 ապրիլի — Sputnik. Բռնցքամարտիկ, աշխարհի չեմպիոն Արթուր Աբրահամն ամուսնալուծվել է։ Այս մասին տեղեկանում ենք դատական տեղեկատվական համակարգից։

Դատական գործում նշված է, որ 2018 թվականի դեկտեմբերի 19-ին դատավոր Արա Կուբանյանը ամուսնալուծության վճիռ է կայացրել, որով բավարարել է Աբրահամի կնոջ` Մերի Աբրահամյանի հայցն ընդդեմ ամուսնու։

«Ընտանեկան անախորժությունների պատճառով կողմերը դադարեցրել են ամուսնական հարաբերությունները և համատեղ տնտեսություն չեն վարում: Հերթական վիճաբանությունից հետո իր վստահորդը երեխայի հետ հեռացել է պատասխանողից»,– ինչպես նշված է դատական գործում, այս մասին ասել է կնոջ փաստաբանը:

Սկզբում երեխան բնակվել է մոր հետ, իսկ հայրը պարբերաբար տեսակցել է նրան: 2018թ–ի փետրվարի 13-ին երեխայի հետ հերթական տեսակցությունից հետո հայրը երեխային մորը չի վերադարձրել և առանց մոր համաձայնության երեխայի հետ մեկնել է Գերմանիայի Դաշնային Հանրապետություն:

Կողմերը համաձայնել են, որ իրենց անչափահաս որդին բնակվի Մերի Աբրահամյանի հետ՝ վերջինիս բնակության վայրում:

Նախկին ամուսինները համաձայնության են եկել, որ հայրը պետք է ամսական 500 հազար դրամ ալիմենտ վճարի երեխայի համար։

Ի դեպ, զույգն ունի մեկ տղա` Գրիգոր Աբրահամյանը, որը 3 տարեկան է, ԳԴՀ քաղաքացի։

Աբրահամն ամուսնացել էր 2015–ին։ Նա այդ ժամանակ հայտարարել էր, որ կինը սովորում է ԵՊՀ–ում և ավելին ասել չի ուզում, քանի որ դա իր անձնական կյանքն է։

Արթուր Աբրահամը (իսկական անունը` Ավետիք Աբրահամյան) կարիերան սկսել է Հայաստանում, սակայն 90-ականների կեսերին ընտանիքի հետ տեղափոխվել է Գերմանիա և կարիերան շարունակել գերմանական դրոշի ներքո։

Ըստ թեմայի

«Լոռի» ֆուտբոլային ակումբի սևամորթ ֆուտբոլիստն ամուսնացել է հայուհու հետ. լուսանկար
Թոմ Քաթինան ամուսնացել է Երևանում
Հրաշքով փրկված հայն ու ընկերուհին ամուսնացել են ծովում տեղի ունեցած սարսափից հետո
«Այո, այլևս ամուսնացած չեմ». Գոհար Ավետիսյանը խոստովանեց
Ալիսա Դարբինյանի հեքիաթային հարսանիքը. նախկին վարչապետի դուստրն ամուսնացել է Դուբայում
Պուգաչովային Օրբելյանի ձեռքից «փախցրին». ինչպես պրիմադոննան ամուսնացավ Ստեֆանովիչի հետ

Գլխավոր թեմաներ