ԵՐԵՎԱՆ, 11 ապրիլի – Sputnik. Առաջիկա երկու օրերին` ապրիլի 11-ին – 12-ին, Հայաստանի տարածքում տեղ-տեղ կարճատև անձրև կտեղա, որը կուղեկցվի ամպրոպով։ Այս մասին նշված է ՀՀ արտակարգ իրավիճակների նախարարության կայքում։
«Ապրիլի 13-14-ը սպասվում է առանց տեղումների եղանակ»,– նշված է հաղորդագրության մեջ:
Օդի ջերմաստիճանը ապրիլի 13-14-ը կբարձրանա 2-3 աստիճանով։
Ապրիլի 11-ին Երևանի առանձին հատվածներում հնարավոր է կարճատև անձրև և ամպրոպ: Ապրիլի 12–ից հետո մի քանի օր անընդմեջ տեղումներ չեն գրանցվի (12-ից 15-ը)։
Այսօր մայրաքաղաքում ցերեկային ժամերին օդի ջերմաստիճանը կհասնի +20–ի, իսկ գիշերային ժամերին կտատանվի +8–ից +10 աստիճանի սահմանում։