05:07 23 ապրիլի 2019
Ուղիղ եթեր
  • USD481.98
  • GBP626.09
  • EUR542.18
  • RUB7.56
Երևանի կենդանաբանական այգի

Մոսկվայի կենդանաբանական այգու գլխավոր անասնաբույժի կարծիքը` Երևանի այգու մասին

© Sputnik / Asatur Yesayants.
Հասարակություն
Ստանալ կարճ հղումը
15040

Մոսկվայի կենդանաբանական այգու գլխավոր անասնաբույժ Միխայիլ Ալշինեցկին այս օրերին Հայաստանում է և ծանոթացել է Երևանի կենդանաբանական այգու աշխատանքներին։

ԵՐԵՎԱՆ, 12 ապրիլի — Sputnik. Միակ բանը, որ պակասում է երևանյան կենդանաբանական այգուն` ֆինանսավորումն է։ Նման եզրակացության է հանգել Մոսկվայի կենդանաբանական այգու գլխավոր անասնաբույժ Միխայիլ Ալշինեցկին, որն այս օրերին Հայաստանում է։

«Կենդանաբանական այգին, ընդհանրապես, քաղաքի համար ծախսատար հաստատություն է, այն եկամուտ չի բերում, միշտ մինուսով է աշխատում», – ասաց Ալշինեցկին Sputnik Արմենիայի թղթակցի հետ զրույցում։

Մասնագետը նշեց, որ Երևանի կենդանաբանական այգու զարգացման միտումն ակներև է, արդեն նոր, հիանալի ազատավանդակներ են բերվել, սակայն դեռ մնում են նաև հին վանդակները, որոնք հարմար չեն կենդանիներին պահելու համար։

«Ազատավանդակները պրիմատների համար ձևափոխելը շատ թանկ է։ Օրինակ` մենք կենդանաբանական այգում նոր ազատավանդակի նախագիծ ունենք սպիտակ արջերի համար։ Շինարարությունը շուրջ 10 մլն եվրո կարժենա։ Իսկ ազատավանդակն ընդամենը մի զույգ արջի համար է նախատեսված», – ասաց Ալշինեցկին։

Այն հարցին, թե արդյոք պետք է կենդանաբանական այգիներն ընդհանրապես, ռուս մասնագետը նշեց, որ այն արդեն կա, չես վերացնի, և դա պետք է հասկանան ինչպես համախոհները, այդպես էլ այդ հաստատությունների ընդդիմախոսները։

Նա համոզված է, որ կենդանիների բազմաթիվ տեսակներ պահպանվել են կենդանաբանական այգիների շնորհիվ։ Օրինակ` ամուրյան ընձառյուծները բնական պայմաններում ընդամենը 70-80 են, իսկ կենդանաբանական պոպուլյացիայում նրանց թիվը հասնում է շուրջ հազարի։ Թվերն ինքնին խոսուն են։

Главный ветеринар Московского зоопарка Михаил Альшинецкий
© Sputnik / Asatur Yesayants.
Միխայիլ Ալշինեցկի

«Կենդանաբանական այգիները անհրաժեշտ է փոփոխել, սակայն դրանք պետք է լինեն, պետք է կենդանիների պահպանության և մարդկանց լուսավորման կենտրոններ դառնան։ Դրանք չպետք է ունենան գազանանոցների տեսք, որտեղ փոքր վանդակներում նստած են կենդանիներ, որոնց ցուցադրում են մարդկանց», – կարծում է Ալշինեցկին։

Նշենք, որ Երևանի կենդանաբանական այգում 2749 կենդանի է բնակվում։ Կենդանաբանական այգու շինարարությունը սկսվել է 1941 թվականին և ավարտվել 1950 թվականին։

Ըստ թեմայի

Թափառող շների ստերջացման հարցում կօգնի Կենդանաբանական այգին
Երևանի կենդանաբանական այգու վագրերից մեկի մոտ լեյկոզ է ախտորոշվել. լուսանկարներ
Երևանի կենդանաբանական այգու վագրի մոտ արյան լեյկոզ կա, թե՞ ոչ. զարգացումներ`սկանդալի շուրջ
թեգերը:
Ռուսաստան, Երևան

Գլխավոր թեմաներ