21:05 20 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Սիրահար զույգ

Ի՞նչ է պետք անել ինտիմ հարաբերությունները կարգավորելու համար. էրոտիկ աստղագուշակ

© Sputnik / Михаил Мордасов
Հասարակություն
Ստանալ կարճ հղումը
272 0 0

Ինտիմ հարաբերության մասին շատերը պարզապես չեն մտածում` չհասկանալով, որ դա ամուր հարաբերություններ կառուցելու կարևոր հիմքերից մեկն է։ «Ինչպես կստացվի» տարբերակը սեքսուալ կյանքում հաջողության հասնելու գրավական չի կարող լինել։

ԵՐԵՎԱՆ, 20 ապրիլի— Sputnik. Սեքսուալ հարաբերությունները, ինտիմ կյանքը պակաս կարևոր չեն ներդաշնակ և ամուր հարաբերություններ ունենալու համար։ Ի՞նչ ակնկալիք ունի ձեր զուգընկերը ձեզնից, արդյո՞ք ինտիմ հարաբերություններումփոփոխություններ պե՞տք են, թե՞ ոչ... Ներկայացնում ենք եկող շաբաթվա աստղագուշակը` ավելի հեշտացնելով ձեզ համար մի շարք հարցերի պատասխանները գտնելու ճանապարհը։

Խոյ (մարտի 21 — ապրիլի 20)

Խոյերը երկար են սպասել, որ հարաբերություններում լարվածությունը թուլանա։ Կարևորը հիմա չշտապելն է, որպեսզի զուգընկերոջը չվախեցնեք։ Գալիք շաբաթ դուք կզգաք, թե ինչքան գրավիչ և ցանկալի եք դիմացինի համար։ Խոյերը սեքսուալ կյանքում նոր փորձառության կարիք կզգան, որը կյանքի կոչելու համար հնարավորություններ կլինի։

Ցուլ (ապրիլի 21 — մայիսի 20)

Եթե պատրաստվում եք հարաբերություններում կարգավիճակի փոփոխության գնալ, ապա ավելի լավ է դա թողնել հետոյին։ Եկող շաբաթը հիանալի ժամանակահատված է հանդիպումների ու նոր ծանոթությունների համար։ Բացի այդ, սեքսուալ կյանքում ձեր թաքուն ցանկությունները կյանքի կոչելու ճիշտն ժամանակ է։

Влюбленные
© Sputnik / Евгения Новоженина
Սիրահար զույգ

Երկվորյակ (մայիսի 21 — հունիսի 21)

Ժամանակն ու սեքսուալ էներգիան կբավականացնի ամեն ինչի համար` ծանոթանալ նոր զուգընկերոջ հետ կամ էլ փոխել դիմացինի ակնկալիքները` անկողնային «խաղի կանոնների» վերաբերյալ։ Իսկ եթե անձնական կյանքում կայուն հարաբերություններ ունեք, ապա պետք չէ սիրուն վերաբերվել որպես խաղ, ինչին հակված եք հիմա։

Խեցգետին (հունիսի 22 — հուլիսի 22)

Հարաբերություններում և անկողնում կատարելության հասնելու համար անհրաժեշտ է ավելի շատ կամային որոշումների գնալ և ավելի քիչ ռոմանտիկ պահերի մասին մտածել։ Չնայած այս ամենը ձեր սրտով չէ, սակայն հիմա սրտին լսելու ժամանակը չէ։

Առյուծ (հուլիսի 23 — օգոստոսի 23)

Եկող շաբաթ սիրախաղի լավագույն ժամանակն է ձեզ համար` անգամ եթե դա ձեր ոճը չէ։ Հարաբերություններում զգացմունքայնությունը պահպանելու համար ճիշտ կլինի բոլոր լուրջ խոսակցությունները որոշ ժամանակով հետաձգել։

Կույս (օգոստոսի 24 — սեպտեմբերի 23)

«Ես ամեն ինչ անում եմ, բայց փոխարենը ոչինչ չեմ ստանում»,–նման մտածմունքները ձեր սեքսուալ էներգիայից բավական մեծ պաշար կխլեն։ Էմոցիոնալ դաշտի հավասարակշռությունը եկող շաբաթ ձեզ անհրաժեշտ ամենակարևոր բանն է, եթե չեք ուզում, որ զուգընկերն ուրիշների մեջ փնտրի այն, ինչ չի ստանա ձեզնից։

Утренний кофе
Սիրահար զույգ

Կշեռք (սեպտեմբերի 24 — հոկտեմբերի 23)

Յուրաքանչյուր նոր հանդիպում անհավատալի հարաբերություններ ունենալու նոր հնարավորություն է լինելու։ Շփումների մեջ ակտիվ եղեք,իսկ անկողնում` հնարավորինս անկեղծ` դիմացինը կգնահատի դա։

Կարիճ (հոկտեմբերի 24 — նոյեմբերի 22)

Երեկոյան իրար ականջի հաճելի բառեր շշնջալն ամենևին էլ չի խանգարի` դիմացինի սեքսուալ էներգիան ավելացնելու համար։ Մի մոռացեք, որ հաճոյախոսությունը ոչ միայն ձեզ, այլ նաև դիմացինին է հաճելի։

Աղեղնավոր (նոյեմբերի 23 — դեկտեմբերի 21)

Ձեր ցանկություններն արտահայտեք ոչ թե խոսքերի, այլ գործի միջոցով։ Զուգընկերոջ հանդեպ ուշադիր եղեք ու կհասկանաք` ինչ է նա ակնկալում ձեզնից անկողնում։ Մյուս կողմից, խորհուրդներին վստահել պետք չէ` միշտ չէ, որ ձեզ խորհուրդ են տալիս ինչ–որ քայլի դիմել` ձեր իսկ շահերի համար։ 

Այծեղջյուր (դեկտեմբերի 22 — հունվարի 20)

Դուք ռիթմի հիանալի զգացողություն ունեք, ինչի հետևանքով էլ ձեզ ներդաշնակ կյանք է սպասվում, հատկապես`անկողնում։ Այնուամենայնիվ, ձեզ չէր խանգարի անկողնում մի փոքր ընդառաջ գնալ դիմացինի ցանկություններին։

Ջրհոս (հունվարի 21 — փետրվարի 20)

Ամենակարևորը որոշելն է` ինչ եք ուզում ոչ միայն դիմացինի, այլ նաև ձեզ համար։ Դուք չեք հասկանում, թե սեքսուալ կյանքում ինչն է կարևոր։ Պետք չէ երկար մտածել, ձեր զուգընկերը ձեզ ճիշտ ճանապարհն է փորձում ցույց տալ։ Անկողնում հանդուգն լինելը ձեզ չէր խանգարի։

Ձկներ (փետրվարի 21 — մարտի 20)

Ուզո՞ւմ եք ինտիմ հարաբերություններում ամուր կապ հաստատել զուգընկերոջ հետ, ուրեմն պետք է համարձակ լինել։ Բառերը ձեր սիրելի արտահայտչամիջոցները չեն. ձեզ ավելի շատ մարմնի, ժեստերի լեզուն է դուր գալիս, սակայն այնպես չէ, որ դիմացինը ձեզանից հաճելի խոսքեր լսելու կարիք չունի։

Գլխավոր թեմաներ