14:04 23 մայիսի 2019
Ուղիղ եթեր
  • USD479.64
  • GBP607.85
  • EUR535.66
  • RUB7.47
Ապրիլի 23-ի հանրահավաքը Հանրապետության հրապարակում

Նախ քննադատում են, հետո գալիս իշխանության ու անում նույնը. ինչպե՞ս է ծախսվելու 124 միլիոնը

© Sputnik / Asatur Yesayants
Հասարակություն
Ստանալ կարճ հղումը
14030

Իշխանական տարբեր օղակներում աշխատող մարդիկ նախկինում քննադատում էին, երբ մեծ գումարներ էին ծախսվում տոնակատարությունների համար։ Հիմա, սակայն, կառավարությունը «Քաղաքացու օրվան» նվիրված միջոցառումների համար 124 մլն դրամ է տրամադրել։ Որքանո՞վ է ճիշտ այդքան գումար ծախսել այդ օրվա համար։

ԵՐԵՎԱՆ, 22 ապրիլի — Sputnik, Կարինե Հարությունյան. Ապրիլի վերջին շաբաթ օրը` այս տարի ամսի 27–ին, Քաղաքացու օրվա կապակցությամբ մշակույթի նախարարության տարբեր ՊՈԱԿ–ներ մարզերում հանդես կգան ներկայացումներով ու համերգներով։ Sputnik Արմենիային այս մասին հայտնեցին ՀՀ մշակույթի նախարարությունից։ Իսկ թե որտեղ ինչ կլինի, դեռ հայտնի չէ.  ծրագիրը ճշգրտման ու հաստատման փուլում է։

Սակայն մեզ հայտնի դարձավ, որ, օրինակ, Հովհաննես Թումանյանի անվան տիկնիկային թատրոնը օրվա միջոցառումների շրջանակում Գյումրու տիկնիկային թատրոնում ներկայացմամբ հանդես կգա։

«Մեզ 60 000 դրամ է հատկացվել։ Կարծում եմ` ամենակարևորը բովանդակությունն է, այսինքն` այն, թե ինչպես է ծախսվելու 124 մլն դրամը։ Գնալ և խաղալ ներկայացումներ, տալ համերգներ ՀՀ ամենատարբեր մարզերում, ինձ համար շատ ընդունելի է»,– ասաց Բաբայանը։

Նա նշեց նաև, որ այլ հարց կլինի, եթե այդ գումարը ծախսվի մեկ օրվա տոնակատարության` դրոշների կամ փուչիկների վրա։ Այս դեպքում, ըստ նրա, գումարն իր նպատակին չի ծառայի։ Բաբայանն իր խոսքն ամփոփեց` ասելով, որ չի կարծում` իրենց հատկացվող 60 000 դրամն այն գումարն է, որը կարելի էր տնտեսել ու ներկայացում չտանել Գյումրի։

Դերասան, ռեժիսոր Վիգեն Ստեփանյանի կարծիքով էլ` այսօր շատ ավելի հրատապ հարցեր կան լուծելու, քան այդ օրը նշելու վրա 124 մլն դրամ ծախսելը։ «Ինչի՞ վրա են ծախսելու այդ գումարը, ի՞նչ պետք է լինի` հերթական համերգը հրապարակում։ Ես իմաստն եմ ուզում հասկանալ։ Երբեմն այնքան անիմաստ ծախսեր են ներկայացնում հանրությանը, որ դրանց իմաստն ու նպատակասլացությունը չես գտնի»,–ասաց Ստեփանյանը։

Երգիչ, երգահան Արտավազ Բայաթյանի խոսքով էլ` ամեն ինչ «օրինաչափ է»` մարդիկ խոսում են մի բանի մասին, բողոքում, հետո գալիս իշխանության ու անում նույնը, ինչի համար նախկինում քննադատություն են հնչեցրել։ «Միշտ այդպես է եղել, նախկինները քննադատել են, հետո եկել իշխանության ու նույն բանն արել։ Պետք է հասկանալ` որտեղի՞ց են այդ գումարները կամ ո՞վ է պարտադրում այդ գումարը հատկացնել, ինչպես նաև` ո՞ւր է գնալու այդ գումարը և վերջում ի՞նչ ենք ունենալու։ Շատ բաներ կան, որ զարմանալի է, ստացվում է` երկիրը և՛ փող ունի, և՛ չունի»,–ասաց նա։

Երգչի խոսքով` մենք պետք է ճոխություններից հեռու կանգնենք, քանի որ աղքատ երկիր ենք։ Ըստ նրա` շատ խնդիրներ կան, որոնց ուղղությամբ կարող էին այդ 124 միլին դրամը ծախսել։

Հիշեցնենք, որ ապրիլի 9–ին ԱԺ–ն կողմ քվեարկեց ապրիլի վերջին շաբաթ օրը «Քաղաքացու օր» հռչակելու և, ըստ այդմ էլ, «Տոների ու հիշատակի օրերի մասին» օրենքում փոփոխություններ անելու մասին նախագծին։

Ըստ թեմայի

Գյումրեցի քանի՞ ընտանիք կարող էր տուն ունենալ. իրավիճակը «նոր» Հայաստանում փոխվել է
Փոշմանել են. 124 մլն դրամ հատկացվեց` քաղաքացու օրը պատշաճ կերպով նշելու համար
«Քաղաքացու օրվա» առթիվ Գյումրիում 500 հազար դրամ «օդ կնետեն»
թեգերը:
ՀՀ Ազգային ժողով, Հայաստան, «Թավշյա հեղափոխություն»

Գլխավոր թեմաներ