21:52 17 հունիսի 2019
Ուղիղ եթեր
  • USD477.83
  • GBP601.49
  • EUR535.70
  • RUB7.43
Երգիչ Արսեն Գրիգորյանը՝ ընտանիքի հետ

Մեր ընտանիքից միայն մեծ հայրս էր ողջ մնացել. Արսեն Գրիգորյան

© Sputnik / Asatur Yesayants.
Հասարակություն
Ստանալ կարճ հղումը
Հայոց ցեղասպանություն (192)
51120

Նրա խոսքով` Ցեղասպանությունը նաև մշակութասպան երևույթ է և 1915–ին մենք մի շարք մշակույթի գործիչներ ու կոթողներ ենք կորցրել, որը ոչ միայն մեզ է վնաս հասցրել։

ԵՐԵՎԱՆ, 24 ապրիլի — Sputnik. ՀՀ ժողովրդական երգիչ Արսեն Գրիգորյանը (Մրո) Ցեղասպանությունից փրկվածների հետնորդ է. նրա հորական կողմը Սասունից է, մորական կողմը՝ Մարաշից։ Այս մասին Sputnik Արմենիայի հետ զրույցում ասաց Գրիգորյանը։

«Ես մի ընտանիքի զավակ եմ, որ հայրենազրկում, Ցեղասպանություն է տեսել. մեր ընտանիքից միայն մեծ հայրս էր ողջ մնացել, բայց, փառք Աստծո, այսօր մեր թիվը 30–ի է հասնում։ Մենք Ցեղասպանության մասին լսել ենք դեռ մանկուց, մենք մեր ընտանիքի պատմությունն ենք լսել, ու հետո այդ պատմությունը մեր թոռներին փոխանցել»,–ասաց նա։

Անդրադառնալով Ցեղասպանության ճանաչմանն ու դրա համար անհրաժեշտ քայլերին` երգիչը նշեց, որ կարծում է` մշակույթի միջոցով կարելի է մի շարք խնդիրների լուծմանը հասնել։ Նրա խոսքով` Ցեղասպանությունը նաև մշակութասպան երևույթ է և 1915–ին մենք մի շարք մշակույթի գործիչներ ու կոթողներ ենք կորցրել։ Ըստ երգչի` եթե մշակութային ինչ–որ արժեք է ոչնչացվում, ապա այն ոչ միայն տվյալ ազգին, այլ նաև մարդկությանն է վնաս տալիս, քանի որ մշակույթը համամարդկային երևույթ է։

«Մշակույթը հզոր միջոց է` ինչ–որ բանի մասին տեղեկացնելու, ճշմարտությունը երգի կամ արվեստի մեկ այլ ճյուղի միջոցով ասելու՝ ոչ միայն քո ազգին, այլ նաև միջազգային հանրությանը։ Ցեղասպանության ճանաչման, ճիշտ ինֆորմացիայի տարածման համար հենց մշակույթը կարող է «օգնության» հասնել»,–ասաց Գրիգորյանը։

Նա նշեց նաև, որ մեկ կարևոր հանգամանք կա` Ցեղասպանությունից փրկվածների ժառանգները հիմնականում այժմ Սփյուռքում են ապրում և այդ առումով շատ ավելի ազդեցիկ է լինում հենց նրանց ձայնը։

Այսինքն` Սփյուռքի մշակութային գործիչների դերակատարումը ևս շատ մեծ է Ցեղասպանության ճանաչման հարցում։

Գրիգորյանի հավաստմամբ` մշակույթի միջոցով շատ կարևոր ճանապարհ կարող ենք անցնել։

թեմա:
Հայոց ցեղասպանություն (192)

Ըստ թեմայի

Ցեղասպանության ճանաչման ամենաճիշտ ու ամենակարճ ճանապարհը Հայաստանի հզորացումն է. Սիմոնյան
20-րդ դարի խոշորագույն վայրագություն. ԱՄՆ դեսպանը խուսափեց «Ցեղասպանություն» եզրույթից
ՀՀ իշխանության ներկայացուցիչները միասին այցելել են Ցեղասպանության զոհերի հուշահամալիր
Ցեղասպանության անմեղ զոհերի հիշատակին. ջահերով երթի տեսանյութը թռչնի թռիչքի բարձրությունից
թեգերը:
Երևան, Հայաստան, Ցեղասպանություն

Գլխավոր թեմաներ