23:13 08 ապրիլի 2020
Ուղիղ եթեր
  • USD496.58
  • GBP612.23
  • EUR539.43
  • RUB6.56
Հասարակություն
Ստանալ կարճ հղումը
Sputnik Արմենիան` արևմտահայերենով (229)
259 0 0

ԿԲ մամլոյ խօսնակը յիշեցուցած է, որ 3–րդ սերունդի թղթադրամները տպելէ առաջ ստեղծուած էր գեղարուեստական խորհուրդ, որ համագործակցած է տարբեր մասնագէտներու հետ:

 

ԵՐԵՒԱՆ, 25 ապրիլի — Sputnik. 5000 դրամի դիմերեսին պատկերած ենք Ուիլեամ Սարոյեանը, որուն յետամասին հատուածներ են «Նռնենիներ» պատմուածքէն, գիրքերու նկարազարդումներ, հայկական լեռներու ու նռնենիներու պատկերներ: Իսկ դարձերեսին Ուիլեամ Սարոյեանի արձանն է Երեւանի մէջ, որուն յետամասին Սարոյեանի նախնիներու համայնապատկերն է: Այս մասին Sputnik Արմենիայի հետ զրոյցին ըսաւ  ԿԲ մամլոյ խօսնակ Յարութիւն Կբէյեան:

Ըստ յուշարձանագէտ Սամուէլ Կարապետեանի` նոր 5000 դրամանոց թղթադրամին վրայ պատկերուած է իսլամական պաշտամունքային  կառոյցի մը` Շերեֆ խան Դ-ի դամբարանը:

«Հայաստանի Կեդրոնական դրամատունը երրորդ սերունդի թղթադրամները շրջանառութեան մէջ դնելէ առաջ հրապարակած է ատոնց նկարագրութիւնը ԿԲ–ի կայքին վրայ: Յատկապէս 5000 դրամի դիմերեսին պատկերած ենք ամերիկահայ մեծ գրող Ուիլեամ Սարոյեանը: Թղթադրամի դարձերեսին Ուիլեամ Սարոյեանի արձանն է Երեւանի մէջ, որուն յետամասին Սարոյեանի նախնիներու` Բաղէշի 20-րդ դարասկիզբի համայնապատկերն է»,- ըսաւ Կբէյեան:

Ըստ անոր՝ յուշարձանագէտի գրառումը յուզական երանգաւորում ունի, մինչդեռ ԿԲ–ն  որեւէ բան չի գովազդեր:

Կբէյեան յայտնեց նաեւ, որ երրորդ սերունդի թղթադրամները մշակուած են 2 տարի առաջ:

«Ստեղծուած է գեղարուեստական խորհուրդ, որ համագործակցած է տարբեր մասնագէտներու հետ: Յայտարարուած է նկարներու մրցոյթ. շատ տարբեր առաջարկներ  եղած են` մէկէն ընտրած են դիմերեսը, միւսէն` դարձերեսը, մէկ տեղէն` ընդհանուր տեսքը: Յետոյ այն ուղարկած են գերմանական ընկերութիւն մը, որն ալ մրցոյթին յաղթած է երրորդ սերունդի թղթադրամներու տպագրութիւնը»,- ըսաւ ԿԲ մամլոյ խօսնակը:

Նշենք, որ յուշարձանագէտ Կարապետեանի գրառումը ընկերային կայքերու վրայ քննարկման առարկայ  դարձած էր:

թեմա:
Sputnik Արմենիան` արևմտահայերենով (229)

Ըստ թեմայի

Մեր արխիւները բաց են բոլոր անոնց համար, որոնք կը ցանկան ճշմարտութիւնը գիտնալ. Էրտողան
Հայոց ցեղասպանութիւնը ճանչցած թուրք գործիչները. ովքե՞ր են անոնք
Զիջումներու սահմանն Արցախի անկախութիւնն է․ պաշտպանութեան նախկին նախարար
Եարմութ քաղաքին մէջ պիտի զետեղուի Ցեղասպանութեան որբերու փրկարար Սառա Քորնինկի արձանը

Գլխավոր թեմաներ