ԵՐԵՎԱՆ, 26 ապրիլի — Sputnik. Դիմահարդարման վարպետ Գոհար Ավետիսյանը, որը կարողանում է լիովին կերպարանափոխել կանանց, հայրենիքում զվարճանում է գործարար և ԱԺ նախկին պատգամավոր Սամվել Ալեքսանյանի ընկերակցությամբ։
Նա Instagram–ի սթորիզում հրապարակել է մի տեսանյութ, որում երևում է, թե ինչպես է Սամվել Ալեքսանյանը նրան խմիչք հյուրասիրում։
Ավետիսյանը վերջին գրառումն արել է ուղղաթիռի մոտ, որով մեկնել է Մարտունու Լիճք գյուղ, Գառնու հեթանոսական տաճար և Սևան։
«Հենց նոր ո՞վ է նայել իմ սթորիզը։ Դուք համաձա՞յն եք, որ Հայաստանում շատ գեղեցիկ է։ Ո՞վ է ուզում տեղափոխվել ինձ մոտ», – բաժանորդներին հարցրել է Գոհարը։
Նշենք, որ դիմահարդարն այժմ Հայաստանում է։ Նա այցելել է Հայոց ցեղասպանության հուշահամալիր, եղել է Երևանի մի քանի նորաոճ խանութներում և հսկայական քանակությամբ նվերներ ստացել։ Գոհարը նույնիսկ ստիպված է եղել նոր ճամպրուկ գնել, որպեսզի նվերները տեղավորվեն։