ԵՐԵՎԱՆ, 6 մայիսի — Sputnik. Սյունիքի գյուղերից մեկում ապրող աղջիկը, որի հետ հայրը սեռական հարաբերություն է ունեցել, կտեղափոխվի համապատասխան աջակցության կենտրոն։ Այս մասին լրագրողների հետ զրույցում նշեց ՀՀ ոստիկանության քրեական հետախուզության գլխավոր վարչության անչափահասների իրավունքների պաշտպանության և ընտանեկան բռնության դեմ պայքարի վարչության պետ, ոստիկանության գնդապետ Նելլի Դուրյանը:
Օրերս Սյունիքի մարզում սարսափելի դեպք էր տեղի ունեցել`ոստիկանները բռնել էին մի տղամարդու, որը սեռական հարաբերություն էր ունեցել իր 14–ամյա դստեր հետ։
«Դեպքի մասին տեղյակ եմ եղել առաջին իսկ օրից, ու շտապ գործողություններ ենք իրականացրել։ Տղամարդն արդեն ձերբակալված է, նրա հանդեպ քրեական գործ է հարուցվել։ 14–ամյա աղջկա հետ աջակցության կենտրոն կտեղափոխվեն նաև նրա քույրն ու եղբայրները»,–ասաց Դուրյանը։
Նա հայտնեց, որ երեխաների հետ հոգեբանի աշխատանքի և նրանց խնամքով զբաղվելու անհրաժեշտություն կա, ինչով էլ զբաղվում են իրենք։
Sputnik Արմենիան ավելի վաղ հայտնել էր, որ 14–ամյա աղջիկն ապրում է բազմազավակ ընտանիքում, ունի և՛ քույր, և՛ եղբայր։ Աղջկա մայրը տարիներ առաջ լքել է ընտանիքն ու հեռացել գյուղից։
