11:04 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Աջարական խաչապուրի

Ամերիկեան պարբերականը ներողութիւն խնդրած է խաչապուրին «հայկականացնելու» համար

CC BY 2.0 / Marco Verch / Ajarian Khachapuri
Հասարակություն
Ստանալ կարճ հղումը
Sputnik Արմենիան` արևմտահայերենով (229)
100 0 0

Ամերիկեան պարբերականի լրագրողները ներողութիւն խնդրած են խաչապուրիի մասին սխալ տեղեկութիւն տալու համար: Ուտեստներուն նուիրուած հարթակը վրացական պանիրով պիցցան հայկական կերակուր անուանած են:

ԵՐԵՒԱՆ, 6 մայիսի — Sputnik. Ամերիկեան պարբերականը ներողութիւն  խնդրած է ընթերցողներէն սխալ վերնագիրին համար: Հարցն այն է, որ նիւթի վերնագիրին կը նշուէր, որ խաչապուրին հին հայկական ուտեստ է:

Խաչապուրիի պատմութեան ծանօթ վրացական խոհանոցի սիրահարներուն համար, բնականաբար, ատիկա տհաճ  եղած է: Ազգային խոհանոցի պաշտպանները վրդովուած մեկնաբանութիւններ կը գրէին, կը պահանջէին փոխել վերնագիրն ու ներողութիւն խնդրել «խոհարարական միջադէպին» համար:

Հետեւաբար LAist.com ամերիկեան պարբերականը ստիպուած էր պաշտօնապէս գրաւոր ներողութիւն խնդրելու:

View this post on Instagram

Great capture of our Khachapuri Cheese pull by @fionaeats365 👌👨🏻‍🍳

A post shared by Tony Khachapüri | HOLLYWOOD (@tonykhachapuri) on

«Սիրելի ընթերցողներ, մենք  հասկցանք ձեզի: Փոխած ենք յօդուածի վերնագիրն ու հիմա այն աւելի ճիշդ կ’արտացոլէ ուտեստի պատմութիւնը: Ի սկզբանէ վերնագիրը հետեւեալն էր. «Խաչապուրին` լցոնուած պիցցան հին Հայաստանէն, Լոս Անճելըսի մէջ ամենապահանջուած ուտեստներէն մէկն է», – կը նշուի յայտարարութեան մէջ:

Միաժամանակ լրագրողները նշած են, որ սխալին շուրջ իրարանցումը շեղած է ընթերցողներու ուշադրութիւնը գլխաւոր թեմայէն` հիանալի ուտեստէն:

View this post on Instagram

Chorizo Khachapuri 😮

A post shared by Tony Khachapüri | HOLLYWOOD (@tonykhachapuri) on

Ի դէպ, պարբերականը պատմած է Հոլիուտի եւ Փոքր Հայաստանի մէջ գտնուող Tony Khachapֆri խաչապուրանոցի մասին, որուն շէֆ–խոհարարը Արմէն Պիսկուլեանն է: Հարթակը նաեւ համեմատած է աւանդական խաչապուրին ու պանիրով հայկական բլիթները, որ կը պատրաստեն Ճէք ու Էլլա Թորոսեանները: Հնարաւոր է` հէնց այդ պատճառով  որոշակի խառնաշփոթ յառաջացած է, քանի որ նիւթին մէջ յիշատակուած բոլոր ճաշարանները կը պատկանէին հայերուն, ոչ թէ վրացիներուն:

թեմա:
Sputnik Արմենիան` արևմտահայերենով (229)

Ըստ թեմայի

Հալէպը ուրիշ է հիմա, ես քեզ այսպէս աւելի սիրեցի. հալէպահայ
Ճափոն թղթադրամներ կը թողարկէ Ցեղասպանութեան տարիներուն հայերուն օգնած բարերարի պատկերով
Եթէ դրախտը կը փնտռէք, պէտք է Հայաստան այցելէք. սպանական Etheria Magazine
Ո՞վ կը դառնայ Պոլսոյ պատրիարք, եւ ի՞նչ դիրքորոշում ունի հայ համայնքը. թոհուբոհը սկսած է
Գառնիի տաճարին մէջ ելեկտրոնային երաժշտութեան փառատօն կը կազմակերպուի
թեգերը:
Վրաստանի Հանրապետություն, Հայաստան, Ամերիկայի Միացյալ Նահանգներ

Գլխավոր թեմաներ