18:45 19 հունիսի 2019
Ուղիղ եթեր
  • USD478.04
  • GBP601.18
  • EUR535.55
  • RUB7.47
Սերգեյ Կոպիրկին. Հայաստանում ՌԴ դեսպան

Մեծ հաղթանակի հիշատակը Հայաստանում սրբորեն հարգում են. Սերգեյ Կոպիրկին

© Sputnik / Asatur Yesayants
Հասարակություն
Ստանալ կարճ հղումը
96 0 0

Հայաստանում Ռուսաստանի դեսպանատունը հանդիսավոր ընդունելություն է կազմակերպել Հաղթանակի օրվա կապակցությամբ։

ԵՐԵՎԱՆ, 8 մայիսի — Sputnik. Մեծ հաղթանակի մասին հիշատակը Հայաստանում սրբորեն հարգում են. մայիսի 9-ը դիմավորել  հայկական հողի վրա` առանձնակի պատիվ է։ Այս մասին այսօր Երևանում ՌԴ դեսպանատանը կազմակերպած ընդունելության ժամանակ հայտարարեց Հայաստանում Ռուսաստանի դեսպան Սերգեյ Կոպիրկինը:

«Մայիսի 9-ը համաժողովրդական, մեր ընդհանուր տոնն է։ Սա հիշատակում է նաև այն ահռելի բարձր գնի մասին, որ վճարեցին մեր ժողովուրդները խաղաղության համար։ Հայրենասիրությունը, սերը դեպի հայրենիքը, եղել են, կան և որոշիչ կլինեն մեր երկրների, մեր ժողովուրդների անվտանգության և բարեկեցության համար», – հայտարարեց դեսպանը։

Նրա կարծիքով` շատ կարևոր է թույլ չտալ վերածնունդն այն գաղափարներին, որոնք իրենց հետ բերեցին Երկրորդ աշխարհամարտի սարսափելի ողբերգությանը։ Այդ պատճառով պետք է ամուր և հետևողականորեն հակազդել պատմությունը կեղծելու կամ այն մոռացության մատնելու փորձերին, թույլ չտալ նվազեցնել ազատությունը սեփական կյանքի գնով նվաճած զինվորների սխրանքը, ընդգծեց Կոպիրկինը։

«Մենք միշտ կհիշենք այն մասին, որ հենց ԽՍՀՄ–ը, Խորհրդային Միության բոլոր ժողովուրդները, իրենց վրա վերցրեցին ամենաուժեղ հարվածները և որոշիչ դեր խաղացին նացիզմի ջախջախման հարցում։ Հենց խորհրդային զինվորն է անմահ սխրանք կատարել, որի մեծությունը դարեր շարունակ չի մարի։ Մենք գնահատում ենք այն դաշնակցային եղբայրությունը, որը միավորել է մեզ այն տարիներին հակահիտլերյան կոալիցիայի մյուս երկրների հետ», – հայտարարեց Ռուսաստանի դեսպանը։

Կոպիրկինը նշեց, որ հայ ժողովուրդը պատերազմին ավելի քան 600 հազար մարտիկ է տվել, ավելի քան 100 ԽՍՀՄ հերոս, 4 մարշալ և նավատորմի ծովակալ։ Պատերազմի և ընդհանուր մեծ սխրանքի մասին հիշատակը սրբորեն հարգում են այստեղ։ Ամբողջ երկրով կանգնեցված են հուշարձաններ, հուշահամալիրներ և թանգարաններ։ Նրա կարծիքով, սա երկրի ներկայիս կյանքում հայ ժողովրդի սխրագործության կենդանի արտացոլանքն է։

Ըստ թեմայի

Վլադիմիր Պուտինը պարգևատրել է Էդուարդ Համբարձումյանին
Հայաստանը չափազանց շատ բան է արել ֆաշիզմի դեմ հաղթանակի համար, որպեսզի մոռանա․ Մելքումյան
Արմեն Սարգսյանը հյուրընկալել է Հայրենական մեծ պատերազմի մի խումբ վետերանների. լուսանկարներ
Տոնոյանը հանդիպել է Հայրենական մեծ պատերազմի, աշխատանքի և զինված ուժերի վետերանների հետ
թեգերը:
Հայաստան, Ռուսաստան, ԽՍՀՄ, Հայրենական մեծ պատերազմ

Գլխավոր թեմաներ