20:38 21 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Վահե Էնֆիաջյանն ու Հյակ Մարությանը

Հայկ Մարությանի պապի հետաքրքիր պատմությունը. Աստվածաշունչն է փրկել նրան

© Sputnik / Asatur Yesayants
Հասարակություն
Ստանալ կարճ հղումը
85230

Պատերազմի տարիներին Մարությանի պապի մոտ Աստվածաշունչ է եղել, և երբ ուժեղ պայթյուն է որոտացել, գիրքը փրկել է պապի կյանքը։

ԵՐԵՎԱՆ, 9 մայիս — Sputnik. Երևանի քաղաքապետ Հայկ Մարությանի պապիկը ևս մասնակցել է Հայրենական մեծ պատերազմին։ Այսօր լրագրողների հետ զրույցում այս մասին ասաց «Անմահ գունդ» ակցիային մասնակցող Մարությանը, որը ձեռքում պահել էր պապի` Գարեգին Քրքրյանի լուսանկարը։

Участники акции Бессмертный полк (9 мая 2019). Еревaн
© Sputnik / Asatur Yesayants
«Անմահ գունդ» ակցիայի մասնակիցները

«Պապիկս 1941–ին մեկնել է պատերազմ ու մինչև 1945 թվականը կռվել է, մասնակցել արևմտյան ճակատի բոլոր գործողություններին։ Ցավոք, ես նրան չեմ տեսել, քանի որ 1968–ին նա մահացել է, իսկ ես 1976–ին եմ ծնվել»,– ասաց քաղաքապետը։

Նա հետաքրքիր մի պատմություն պատմեց իր պապիկի մասին. պատերազմի տարիներին նրա մոտ Աստվածաշունչ է եղել, և երբ ուժեղ պայթյուն է որոտացել, գիրքն «իր վրա» է վերցրել հարվածը` փրկելով պապի կյանքը։ Ականի բեկորներն ամբողջությամբ քրքրել են գիրքը։ Մարությանի պապիկը, երբ վերադարձել է պատերազմից, որոշել է հոգևորականի ճանապարհն ընտրել ու դարձել է Դոնի Ռոստովի եկեղեցական առաջնորդը։

Մարությանը հայտնեց նաև, որ իր պապը շատ մտերիմ է եղել Վազգեն Առաջին Վեհափառի հետ։

Երևանում ընթացող «Անմահ գնդի» երթն այս տարի ավելի մարդաշատ է, քանի երբևէ։ Երթը մեկնարկել է Ազատության հրապարակից. մարդիկ Հայրենական մեծ պատերազմի, ինչպես նաև արցախյան պատերազմի մասնակիցների դիմանկարները բռնած քայլում են Երևանի գլխավոր փողոցներով։ Երթին մասնակցում են բազմաթիվ երևանցիներ, մարզերի բնակիչներ, ինչպես նաև հյուրեր Ռուսաստանից, Ղազախստանից և այլ երկրներից։ Երթին մասնակցում է նաև Հայաստանի Հանրապետության նախագահ Արմեն Սարգսյանը, որն իր ձեռքում պահել է լեգենդար հետախույզ Գևորգ Վարդանյանի (Ամիր) դիմանկարը։

Ըստ թեմայի

Ինչպես բլոկադային Լենինգրադից փրկված Վարվառան իր երջանկությունը գտավ Հայաստանում
Մեկ րոպե լռություն ու զորահանդես. ինչպես Հաղթանակի տոնը նշեցին Գյումրիում
ՀՀ նախագահն ասաց` ինչու Մայիսի 9–ը Արցախում չի անցկացնում
թեգերը:
Հայկ Մարության

Գլխավոր թեմաներ