19:13 26 հունիսի 2019
Ուղիղ եթեր
  • USD477.33
  • GBP605.45
  • EUR542.20
  • RUB7.56
Ազգագրական երգ ու պար

Որքա՞ն հին է հայերու genofond-ը, եւ ինչո՞ւ DNA-ի քննութիւնը նորելուկ դարձած է

© Sputnik / Aram Nersesyan
Հասարակություն
Ստանալ կարճ հղումը
Sputnik Արմենիան` արևմտահայերենով (224)
15820

Գիտնական Լեւոն Եպիսկոպոսեան կը վստահեցնէ, որ հայերն անցած հազարամեակներուն ընթացքին կրցած են պահպանել իրենց տեսակը:

ԵՐԵՒԱՆ, 10 մայիսի — Sputnik. Հայ ազգի տեսակը ձեւաւորուած է հինգ հազար տարի առաջ, այնուամենայնիւ, ատիկա դեռ հիմքեր չի տար պնդելու, որ ամենահինն է աշխարհի վրայ կամ տարածաշրջանին մէջ: Այսօր Sputnik Արմենիայի մամուլի կեդրոնին մէջ այս մասին ըսաւ կենսաբանական գիտութիւններու դոկտոր, փրոֆէսոր, Հայաստանի ԳԱԱ մասնկային (Մոլեկուլային)  կենսաբանութեան հիմնարկի ցեղածնունդի տարրալուծարանի  վարիչ Լեւոն Եպիսկոպոսեան:

«Քիչերը կրնան հպարտանալ նման տեսակով: Մենք նաեւ գիտենք, որ մեր տեսակը քիչ  փոխուած է անցած հազարամեակին ընթացքին: Սակայն սխալ է պնդել, որ մենք տարածաշրջանին մէջ ամենահին տեսակով ժողովուրդն ենք: Նոյն վրացիներու կամ իրանցիներու տեսակը վատ ուսումնասիրուած է: Միայն համապատասխան հետազօտութիւններէ ետք  կարելի է ընել նման հետեւութիւններ», – ըսաւ Եպիսկոպոսեան:

Գիտնականը նշեց, որ հայերու «հնութեան» մասին կը վկայեն տարբեր երկիրներու մասնագէտներու հետազօտութիւնները (ներառեալ` լեզուաբանութեան ոլորտին մէջ): Վերջին տուեալներով` հայերէնն առանձնացած է հնդեւրոպական նախալեզուէն 4,5-5 հազար տարի առաջ: «Ատիկա  անգամ մը եւս կը հաստատէ հայկական  տեսակի հնութիւնը»,– նշեց Եպիսկոպոսեան:

Դարերու ընթացքին տեղի ունեցած է ցեղային ընդհանրութեան առանձնացման գործընթացք. հայերն իրենց բնորոշ գիծերով սկսած են տարբերիլ միւս ժողովուրդներէն:

Գիտնականը նշեց, որ հայերը կրցած են պահպանել իրենց ազգային ինքնութիւնը, տեսակը չէ ենթարկուած զգալի փոփոխութիւններու:

Անոր խօսքով` կենետիկական օտարածին ազդեցութենէ զերծ  մնացած են Արցախն ու Սիւնիքը: Այդուհանդերձ, չարժեր պնդել հայերու, վրացիներու կամ չինացիներու բացարձակ «զտարիւնութեան» մասին, թէկուզ այն պատճառով, որ մարդիկ ամբողջ աշխարհի մէջ կենետիկօրէն շատ առումներով նման են իրար:

Եպիսկոպոսեանի խօսքով` վերջին շրջանին նորելուկ դարձած է որպէս նուէր DNA քննութիւն պատուիրելը: Այսպէս, ԱՄՆ–ի մէջ յոբելեարի ծննդեան օրը յաճախ ոչ թէ փող կամ օծանելիք կը նուիրեն, այլ անոր կենետիկ գաղտնագիրի վերծանումը. աւելի քան 10 միլիոն ամերիկացիներ արդէն ունին կենետիկ անձնագիրներ: Հարեւան Թուրքիոյ մէջ 34,5 միլիոն մարդ պատրաստակամութիւն  յայտնած է ստուգել DNA –ը եւ պարզել իրենց նախնիներու մասին տեղեկութիւնը:

Եպիսկոպոսեան նաեւ նշեց, որ հիմա DNA–ի քննութիւնը աւելի յաճախ սկսած են օգտագործել քաղաքական նպատակներով:

Գիտնականը բացասաբար կը գնահատէ այդ միտումը: Անոր կարծիքով` գիտութիւնը կը մեռնի այնտեղ, ուր կայ քաղաքական պատուէր:

թեմա:
Sputnik Արմենիան` արևմտահայերենով (224)

Ըստ թեմայի

Թոշակի անցած զինծառայողներուն պետութիւնը բնակարան գնելու գումար կու տայ
Հալէպը ուրիշ է հիմա, ես քեզ այսպէս աւելի սիրեցի. հալէպահայ
Ներդրողները խոստացած են 4000 նոր աշխատատեղ եւ 255 մլր դրամի ներդրում. Փաշինեան
Ճափոն թղթադրամներ կը թողարկէ Ցեղասպանութեան տարիներուն հայերուն օգնած բարերարի պատկերով
Եթէ դրախտը կը փնտռէք, պէտք է Հայաստան այցելէք. սպանական Etheria Magazine

Գլխավոր թեմաներ