08:09 24 մայիսի 2019
Ուղիղ եթեր
  • USD479.98
  • GBP606.50
  • EUR534.46
  • RUB7.42
Սեպտեմբերի 1

Առաջին դասարանցիների առցանց գրանցման խնդիր այլևս չկա. ԿԳ փոխնախարար

© Sputnik / Asatur Yesayants
Հասարակություն
Ստանալ կարճ հղումը
402 0 0

Այս տարի Երևանում դպրոց ընդունվող երեխաների 75-80 տոկոսը մեկ օրվա ընթացքում գրանցվել է առցանց համակարգով։ Որոշ դպրոցներում տեղերը լրացել են գրանցման մեկնարկից րոպեներ անց։

ԵՐԵՎԱՆ, 16 մայիսի — Sputnik. Մայիսի 15-ին գործարկված առաջին դասարանցիների առցանց գրանցման համակարգում այս պահի դրությամբ արդեն գրանցվել է 9325 երեխա։ Այս մասին այսօր կառավարության նիստում հայտնեց ՀՀ ԿԳ նախարարի տեղակալ Արևիկ Անափիոսյանը։

«Տեխնիկական խնդիր ունենք շուրջ 100 երեխայի հետ կապված, որը պայմանավորված է եղել երեկ առավոտյան ժամը 09։10-09։25–ի ծանրաբեռնվածությամբ և հնարավոր չի եղել գրանցումն իրականացնել։ Բայց տեխնիկական խնդիրը լուծվել է և 09։25-ից սկսած գրանցումներ եղել են»,– հայտնեց փոխնախարարը։

Անափիոսյանի խոսքով`համակարգի տեխնիկական խնդրի հետևանքով եղել են դեպքեր, երբ անընդհատ «քլիք» անելու պատճառող մեկ երեխան գրանցվել է ավելի քան 100 անգամ` այդպիսով զբաղեցնելով առաջին դասարանցիների համար նախատեսված բոլոր տեղերը։ Բայց նախարարությունն ավելի ուշ վերացրել է բոլոր նման կրկնությունները։

Այդուհանդերձ, կան նաև այնպիսի դպրոցներ, որոնցում գրանցման առաջին իսկ րոպեներից բոլոր տեղերն արդեն լրացված են եղել։ «Սակայն այդ դպրոցներից օրվա ընթացքում մեկ–երկու բողոք է եղել։ Ունենք դպրոցներ, որտեղ դեռ մինչև 4 տեղ կա»,– ասաց Անափիոսյանը։

Նշենք, որ առցանց գրանցման համակարգը Հայաստանում ներդրվել է առաջին անգամ։ Փորձնական ծրագիրն այս տարի իրականացվում է միայն Երևանում։

Համակարգի գործարկման առաջին օրը առաջին դասարանցիների համար նախատեսված տեղերի 75-80 տոկոսը հայտագրվել է։

Կառավարության հաշվարկով այս տարի նախատեսվում է 13 000 առաջին դասարանցիների մուտք դպրոցներ, բայց նախատեսված տեղերը 14 000–ն են, որպեսզի ոչ մի երեխա դուրս չմնա համակարգից։

Ըստ թեմայի

Ի՞նչ նպատակ է հետապնդում և ինչի՞ կհանգեցնի գիշերօթիկ դպրոցների փակումը. մասնագետ
Դպրոցների տնօրենները վիրավորված են. ինչո՞ւ չեն մասնակցել Քաղաքացու օրվա միջոցառումներին
Հայաստանի դպրոցների ուսուցիչների համար երաշխավորված նվազագույն աշխատավարձ կսահմանվի
թեգերը:
դպրոց, ՀՀ կառավարություն, Երևան

Գլխավոր թեմաներ