20:59 20 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Կովեր

Անասնագոմ ես ուզու՞մ, մեր ծրագրով կառուցիր. անասնապահական ծրագրի պատճառով վեճեր են ծագել

CC0 / tevenet / Cow
Հասարակություն
Ստանալ կարճ հղումը
25611

Պետք է լուսավոր ու ընդարձակ անասնագոմեր կառուցել, այդ դեպքում պետությունը կհատուցի ծախսերը։ Ֆերմերական ՀԿ–ի նախագահը սրանում խարդավանք է տեսնում։

ԵՐԵՎԱՆ, 17 մայիսի — Sputnik. Աջակցությունը ժամանակակից անասնապահությանը միայն Հայաստանի իշխանության գեղեցիկ պաստառն է։ Այս մասին այսօր լրագրողների հետ զրուցում ասաց «Հայաստանի ագրարագյուղացիական միավորում» հ/կ-ի նախագահ Հրաչ Բերբերյանը։

Մարդկանց, ովքեր ուզում են նոր անասնագոմ կառուցել, պետությունն առաջարկում է հատուցել ծախսերի 50%, իսկ առանձին արտոնյալ խմբերի դեպքում` 70%։ Սակայն, Բերբերյանի խոսքով, ամեն ինչ այդքան էլ լավ չէ։ Նա պնդում է` խնդիրն այն է, որ շինանյութն առաջարկում են գնել միայն մեկ տեղից, բայց այն այդքան էլ որակյալ չէ։

«Ամուր նյութից չեն պատրաստված,պլաստիկի կարբոնատ է, որը կարկուտից անգամ կճաքի։ Այսինքն` այդ նախագիծն ուզում են ինչ-որ մեկի մենաշնորհը դարձնել։ Դուք ֆերմերին գումար տվեք, ինքը կորոշի` ինչ նյութից կառուցել», – ասաց Բերբերյանը։

Պետությունը հատուցելու է միայն այն անասնագոմերի համար, որոնք CARD Agroservice ընկերության կազմած տիպային նախագծով են կառուցվում։ Sputnik Արմենիան պարզաբանում ստանալու համար դիմեց ընկերությանը։

«Մենք նախագիծ ենք կազմել, տեխնիկական չափանիշներ ենք սահմանել։ Այնտեղ նշվում է` ներսում ինչ լուսավորություն պետք է լինի, տանիքն ինչ բարձրություն պետք է ունենա և այլն։ Իսկ թե ինչ շինանյութեր օգտագործել` ֆերմերն է որոշում։ Տիպային նախագիծը հրապարակված է գյուղատնտեսության նախարարության կայքում։ Այնտեղ ոչ մի տեղ չի նշվում, որ պետք է միայն մեր շինանյութերն օգտագործել։ Կարող են պլաստիկի, երկաթե կամ ցանկացած այլ տանիք կառուցել։ Պատերը կարող են լինել մետաղից, փայտից, ցանկացած նյութից», – ասաց ընկերության ներկայացուցիչ Սարդարյանը։

Նշենք` անասնագոմերը պետք է ունենան բարձր տանիքներ, իսկ ընդհանուր մակերեսը մեկ գլուխ անասունի հաշվարկով պետք է ավելի ընդարձակ լինի։ Դա կլավացնի սանիտարահիգիենիկ պայմանները` վերջին հաշվով ապահովելով կաթի ու կաթնամթերքի անվտանգությունը։

Նման անասնագոմի կառուցման ծախսերը, կառավարության գնահատմամբ, 11-35 դրամ են կազմում։ Գյուղացիները կստանան այդ գումարի 50 կամ 70% չափով հատուցումը, եթե նրանք կառուցեն անասնագոմերը` հետևելով նշված տեխնիկական չափանիշներին։ Ծրագրի մանրամասները ներկայացված են Գյուղատնտեսության նախարարության կայքում։

Ըստ թեմայի

Պետրոսյան. «Կխրախուսենք գյուղացուն այնտեղ, որտեղ հողերի օգտագործման մակարդակը ցածր է»
Վարկերով ու առանց նախարարի. ի՞նչ է սպասում հայ գյուղացուն այս տարի
Մարգարյան. «Գյուղատնտեսությունը ռազմական արդյունաբերությանը հավասար ոլորտ է»
թեգերը:
ՀՀ Գյուղատնտեսության նախարարություն, Հայաստան

Գլխավոր թեմաներ