07:59 24 հուլիսի 2019
Ուղիղ եթեր
  • USD476.13
  • GBP592.26
  • EUR532.17
  • RUB7.54
Կայքի շնորհանդես Գյումրիում

Շիրակը կրկին առաջինն է. թափուր աշխատատեղերի պարզ կայքը կօգնի բարդ իրավիճակում գտնվողներին

© Sputnik / Armenuhi Mkhoyan
Հասարակություն
Ստանալ կարճ հղումը
846 0 0

Նոր համակարգը հնարավորություն է տալու աշխատանք փնտրող ուսուցիչներին առավել հեշտությամբ ստանալ տեղեկատվություն թափուր աշխատատեղերի մասին։

ԵՐԵՎԱՆ, 17 մայիսի — Sputnik, Արմենուհի Մխոյան. Շիրակում աշխատանք փնտրող մանկավարժներն այսուհետ ստիպված չեն լինի այս կամ այն դպրոցի տնօրենի դուռը թակել, կամ  թափուր աշխատատեղի մասին տեղեկության համար ծանոթ-բարեկամներին անհանգստացնել: Շիրակի մարզպետարանի պատվերով Գյումրիում գործող «Աննանիկս»  ընկերությունը ստեղծել է teacher.am կայքը, որը նպատակ ունի տեղեկատվական աջակցություն ցուցաբերել հանրակրթության ոլորտում աշխատանք փնտրող անձանց։ Նոր համակարգը հնարավորություն է տալու աշխատանք փնտրող ուսուցիչներին առավել հեշտությամբ ստանալ տեղեկատվություն թափուր աշխատատեղերի մասին։

Презентация нового портала по трудоустройству в Ширакской облати (17 мая 2019). Гюмри
© Sputnik / Armenuhi Mkhoyan
Teacher.am կայքի շնորհանդեսը Գյումրիում

Կայքը շատ պարզ ու հասարակ է: Ցանկացած մարդ մուտք  է գործում կայք, ծանոթանում կայքի գործունեությանը, գրանցվում: Սեղմելով հաստիքների կոճակը ընտրում  նախընտրելի հաստիքը, ապա համայնքն  ու հաստատում: Բազայում թափուր հաստիքի  առկայության դեպքում գրանցվողը միաժամանակ՝  մարզպետարանի կրթության վարչության հետ միասին ստանում է տեղեկություն:

Համակարգը  ամբողջովին նոր է՝ մեկ օր է ինչ ակտիվ է: Կայքի աշխատանքին առաջինը լրագրողները ծանոթացան:

«Սա մի համակարգ է, որտեղ գրանցվելով աշխատանք փնտրող մանկավարժը հնարավորություն կստանա առանց միջնորդի տեղեկատվություն ստանալ իրեն հետաքրքրող համայնքում, դպրոցում, իրեն հետաքրքրող թափուր աշխատատեղի մասին: Այս ամենն արվել է գործընթացն առավել թափանցիկ դարձնելու համար»,-ներկայացնելով կայքը նշեց Շիրակի մարզպետ Տիգրան Պետրոսյանը՝  կարևորելով այն հանգամանքը, որ սա նախ թափանցիկությունն է ապահովում,  ապա կադրային մրցակցային դաշտ,  ինչպես նաև հնարավորություն է տալիս աշխատանք փնտրողին տանը՝  իր  բազմոցին նստած, տեղեկանալու գործընթացին:

Губернатор Ширака Тигран Петросян на презентации нового портала по трудоустройству в облати (17 мая 2019). Гюмри
© Sputnik / Armenuhi Mkhoyan
Շիրակի մարզպետ Տիգրան Պետրոսյանը՝ Teacher.am կայքի շնորհանդեսին

Sputnik Արմենիայի այն հարցին թե արդյոք  նման կայք գործում է մյուս  մարզերում մարզպետը նշեց «համենայն դեպս  ես  դրա մասին չգիտեմ»,-խոստանալով ցանկության դեպքում այս փորձը  կիսել մյուսների հետ:

Շիրակի մարզպետը հավելեց,  որ այսօրինակ համակարգ նախատեսվում է ստեղծել նաև առողջապահության բնագավառում առկա թափուր աշխատատեղերն առավել հրապարակային դարձնելու նպատակով:

Ըստ թեմայի

Շիրակի սեպագիր անձնագրի պատճենը՝ ճապոնական թթենու թղթի վրա. հայտնի գեղագիր Նագաոկայի նվերը
«Ասֆալտ անողներին ասֆալտին փռելու» խնդիր չկա. Շիրակի մարզպետն ամփոփեց 100 օրը
Գյումրու պատմության մոռացված մասնիկը. ինչ կլինի Ֆրունզիկի և Գալյա Նովենցի «սիրո տան» հետ
Գյումրեցի պատանի Միքայելը կատարեց վարչապետ Փաշինյանին տված խոստումը. տարածքը մաքրված է
թեգերը:
Հայաստան, ՏՏ, Գյումրի

Գլխավոր թեմաներ