18:46 19 հունիսի 2019
Ուղիղ եթեր
  • USD478.04
  • GBP601.18
  • EUR535.55
  • RUB7.47
Մայիսի 18

Այս օրը պատմության մեջ. մայիսի 18

© Sputnik /
Հասարակություն
Ստանալ կարճ հղումը
34 0 0

Օմար Խայամից, մինչև Սարոյան, Նիկոլայ Երկրորդ և Հովհաննես-Պողոս Երկրորդ: Նրանց բոլորին միավորում է այս ամսաթիվը:

Բայց սկսենք 27 տարի առաջ այս օրը՝ 1992 թվականի մայիսի 18-ին տեղի ունեցած հիրավի պատմական իրադարձության մասին նշումով:

Հայ ազատամարտիկները, զարգացնելով Շուշիի ազատագրումից հետո շարունակվող ռազմական գործողությունները և հետապնդելով հակառակորդի խուճապահար ուժերին, մայիսի 18-ին ազատագրեցին Բերձորը (նախկինում՝ Լաչին):

Շարունակելով առաջխաղացումը, մեր ազատամարտիկները, փաստացի ճեղքեցին շրջափակման օղակը, և Արցախը ցամաքային ճանապարհով նորից միացավ Հայաստանին: Գործնականում վերջ տրվեց դրանից մոտ 70 տարի առաջ «գծված», Արցախն արհեստականորեն անկլավի վերածող անարդարությանը:

Եթե հայացք նետենք միջազգային անցուդարձին, ապա անկասկած պետք է նկատենք, որ մայիսի 18-ը Թանգարանների միջազգային օրն է, որ նշվում է՝ սկսած 1977 թվականից: Այս հրաշալի օրը արդեն ավանդական ու տոնական է դարձել մեր երկրում: Եվ դա բնական է, չէ՞ որ Հայաստանը տեղով թանգարան է բաց երկնքի տակ: Ինչ-ինչ, բայց թանգարանների պակասություն Հայաստանում չկա: Մայիսի 18-ին նաև ավանդական «թանգարանային գիշերն» է անցկացվում, երբ մինչև կեսգիշեր թանգարանների դռներն անվճար բաց  են այցելուների համար:

Ստուգեք ձեր հեռախոսի կարճ հաղորդագրությունների (SMS) արկղիկը, մշակույթի նախարարությունը ծրագիրը  պետք է որ ուղարկած լինի:

Նոր տոմարով՝ մայիսի 18-ին է ծնվել թատրոնի և կինոյի սիրված դերասան, ԽՍՀՄ ժողովրդական արտիստ Գուրգեն Ջանիբեկյանը (Տեր-Խաչատրյան, 1897-1978):

Մայիսի 18-ին են ծնվել պատմական այնպիսի կերպարներ, ինչպես ասենք Ռուսական կայսրության վերջին գահակալ Նիկոլայ Երկրորդը (1868-1918) և Հռոմի 264-րդ պապ Հովհաննես-Պողոս Երկրորդը (1920-2005):

Իսկ ահա մեր սիրելի Վիլյամ Սարոյանը, ում, վստահաբար, հատուկ ներկայացնելու անհրաժեշտություն չկա, երկրային ուղին ավարտել է մայիսի 18-ին (1908-1981):

Պատմական բազմաթիվ դեպքեր են տեղի ունեցել պատմության այս օրը: Բազմազան:

Օրինակ, իսպանացի գաղութարար զավթիչները 1781թ. մայիսի 18-ին Կուսկոյում (Պերու) ի կատար են ածել բնիկ հնդկացիների ամենախոշոր ապստամբության առաջնորդ Տուպակ Ամարու Երկրորդի (հայտնի է նաև Խոսե ԳաբրիելԿոնդորկանկի Նոգերա անվամբ) մահապատիժը:

Իսկ, օրինակ, 1703 թվականին ռուսական տորմիղը հաղթանակ է տարել շվեդական երկու խոշոր ռազմանավի դեմ ծովամարտում: Եվ մայիսի 18-ին նշվում է Ռուսաստանի Բալթյան նավատորմի հիմնադրման տարեդարձը:

Համեմատաբար ավելի մոտ ժամանակներ. 1888 թվականի մայիսի 18-ին  ԱՄՆ-ում առաջին անգամ հանրությանը ներկայացվել է գրամոֆոնի ձայնասկավառակը:

Մայիսի 18-ին է ծնվել միջնադարյան հանրահայտ պարսիկ մտածող, մաթեմատիկոս ու բանաստեղծ Օմար Խայամը (1048-1131): Խայամի ստեղծագործությունները սիրվել և գնահատվել են նաև հայ ժողովրդի կողմից, արվել են բազմաթիվ թարգմանություններ: Ինչպես, օրինակ, այս քառյակը, որով էլ ամփոփում ենք այսօրվա անդրադարձը.

Դրախտն,- ասին ,-հուրիներով է անուշ,

Ես ասի՝ լոկ խաղողի հյութն է անուշ:

Առ կանխիկն ու ապառիկից ձեռք քաշիր -

Հեռվից է լոկ դհոլի ձայնը անուշ...

Ըստ թեմայի

Բաքվի մանրակրկիտ մոտեցումը «Արևելյան գործընկերությանը». ի՞նչ շահեց Արցախը
Թևե՜ր, թևե՜ր… ոտքերն են կարևո՛ր. «քայլող» կառավարությունը «թևեր» չի՞ կարող ունենալ
«Տնտեսական քաղաքականությունը արմատական շրջադարձի կարիք ունի». Բագրատյան
Թուրքիան չի հանդգնի զանգվածային կերպով արտաքսել հայերին. փորձագետը նշեց պատճառները
Շիրակը կրկին առաջինն է. թափուր աշխատատեղերի պարզ կայքը կօգնի բարդ իրավիճակում գտնվողներին
թեգերը:
Իրանի Իսլամական Հանրապետություն, Ամերիկայի Միացյալ Նահանգներ, Ռուսաստան, Երևան, Հայաստան

Գլխավոր թեմաներ