10:43 17 փետրվարի 2020
Ուղիղ եթեր
  • USD479.05
  • GBP624.39
  • EUR519.53
  • RUB7.54
Հասարակություն
Ստանալ կարճ հղումը
36510

Հայաստանի ներկայացուցիչը 2019թ-ին առաջին անգամ նվաճել է Miss Europe տիտղոսը Miss Supermodel Worldwide հեղինակավոր մրցույթում և իր տպավորությունների ու ապրելակերպի մասին պատմել Sputnik Արմենիային։

ԵՐԵՎԱՆ, 18 մայիսի — Sputnik. Miss Supermodel Worldwide – 2019 մրցույթի մասնակից, 23-ամյա Յուլյա Եղյանը ֆուրոր է արել Հնդկաստանում․ նա ոչ միայն ընդգրկվել է 15 լավագույնների ցանկում, այլև նվաճել է Miss Europe տիտղոսը։ Sputnik Արմենիայի թղթակցի հետ զրույցում գեղեցկուհին պատմել է իր տպավորությունների մասին։

«Մրցույթի ընթացքում մենք մշտապես հսկողության տակ էինք։ Նույնիսկ եթե օրը սկսվում էր առավոտյան 6-ին, իսկ քնելու համար մնում էր 4 ժամ, մենք պետք է խնամված լինեինք։ Այստեղ ամեն ինչ նշանակություն ունի․ ինչպես ես ուտում, հագնվում, շպարվում և ցույց տալիս քեզ», - ասում է Յուլյան։

Участница конкурса Miss Supermodel Worldwide 2019 Юлия Егян
© Photo : provided by Yulia Yeghyan
Յուլյա Եղյան

Նրա խոսքով` օրը հագեցած է եղել ֆոտոսեսիաներով, երեկոյան ցուցադրություններով, ուղևորություններով։ Գեղեցկուհիները եղել են Նյու Դելիում, Ջապուրում, Ագրայում։ Աղջկա խոսքով՝ մրցույթներում ամենաբարդը ոգու ամրություն դրսևորվելն է, չընկճվելը և տարբեր դավերն ու անախորժություններն անտեսելը, ինչը սովորաբար հաճախ է լինում կանանց կոլեկտիվում։

Участница конкурса Miss Supermodel Worldwide 2019 Юлия Егян
© Photo : provided by Yulia Yeghyan
Յուլյա Եղյան

Յուլյան գոհ է իր արդյունքից, քանի որ եզրափակիչ փուլի ժամանակ իրեն վատ է զգացել. մեկ օր առաջ թունավորվել է։

«Ինձ նույնիսկ թվում էր, թե չեմ կարողանա բեմ դուրս գալ։ Բայց հավաքվեցի և կենտրոնացա», - ասում է Յուլյան։

Նա ավարտել է հայ-ֆրանսիական պրոֆեսիոնալ կրթական կենտրոնը։ Այժմ սովորում է Կիպրոսի Ամերիկյան համալսարանի բիզնեսի և էկոնոմիկայի ֆակուլտետում։ Գիտի ռուսերեն, անգլերեն, թուրքերեն, ֆրանսերեն և հիմա էլ չինարեն է սովորում։

Այժմ Յուլյան արձակուրդ է վերցրել և ուզում է զբաղվել մոդելային գործունությամբ։ Նրա օրը սկսվում է առավոտյան 7-ին կամ 8-ին։ Նախաճաշին հայկական սուրճ խմում է և վարսակի շիլա կամ շոկոլադե փաթիլներ ուտում։ Հատուկ սննդակարգ չունի. նրա բարեկազմության գաղտնիքը մեկն է` քաղցր չուտել և ուշ երեկոյան խուսափել ուտելիքից։

Участница конкурса Miss Supermodel Worldwide 2019 Юлия Егян
© Photo : provided by Yulia Yeghyan
Յուլյա Եղյան

Յուլյան չի ընդունում 90/60/90 գեղեցկության չափանիշերը և չի վախենում տնից դուրս գալ առանց շպարի։

Իր բավական կոշտ ժամանակացույցում ժամանակ է գտնում ընկերների հետ շփվելու համար, ինչպես նաև զբաղվում է տնային գործերով։ «Ես շատ մաքրասեր եմ։ Ինձ ասում են, որ դա բնավորության գիծ է, մյուսները մաքրության հանդեպ իմ սերը հիվանդություն են անվանում», - խոստովանում է նա։

Հիմա Յուլյայի սիրտն ազատ է, նա ուզում է, որ իր տղամարդը նրբանկատ լինի, կարողանա պատասխան տալ ասածների ու արարքների համար։

Miss Supermodel Worldwide 2019 մրցույթի ազգային տնօրեն Յանա Գրիգորյանը պատմում է, որ դեռ ընտրական փուլի ժամանակ է նկատել Յուլյայի ներուժը։

«Անգլերենի իմացությունը, արտաքին տվյալները վստահություն ներշնչեցին, և ես հասկացա, որ հենց Յուլյան պետք է մասնակցի ու ներկայացնի Հայաստանն այդ մրցույթում», - ասաց Գրիգորյանը Sputnik Արմենիայի թղթակցի հետ զրույցում։

Գրիգորյանը գոհ է Եղյանի արդյունքից, քանի որ նախկինում Հայաստանի մասնակիցներին չի հաջողվել հասնել զգալի արդյունքի։

Miss Supermodel Worldwide 2019 մրցույթն անցկացվել է մայիսի 1-10-ը Հնդկաստանում։ Մրցույթին մասնակցել են աշխարհի ավելի քան 30 երկրի գեղեցկուհիներ։

Участницы конкурса Miss Supermodel Worldwide
© Photo : provided by Yulia Yeghyan
Մրցույթի մասնակիցները

Ըստ թեմայի

Տասնչորս փոքրիկ գեղեցկուհի. Little Miss Armenia մրցույթն առաջին անգամ կանցկացվի Մոսկվայում
Քրիստինե Սարգսյանի հայկական պարը հիացրել է գեղեցկության մրցույթի ժյուրիին. տեսանյութ
Հայաստանում գեղեցկությամբ զարմացնելը շատ բարդ է. ի՞նչն է հիացրել հայտնի պորտապարուհուն
Թաց և բեղերով. գեղեցկուհիների և տղայի կիսամերկ ելույթները
Սպանի՛ր ինձ, բեյբի. երկարոտն հայ գեղեցկուհին գրավել է ոչ միայն Ամերիկան, այլև համացանցը

Գլխավոր թեմաներ