07:23 27 հունիսի 2019
Ուղիղ եթեր
  • USD477.33
  • GBP605.45
  • EUR542.20
  • RUB7.56
Լևոն Քոչարյան և Սիրուշո

Անցել եմ ամբողջ ավանդական ուղին․ ինչպես են ծանոթացել և ամուսնացել Լևոնն ու Սիրուշոն

YN
Հասարակություն
Ստանալ կարճ հղումը
3341 0 0

Լևոն Քոչարյանը ասաց, թե ինչ ազդեցություն ունի կինն իր վրա, ինչպես են նրանք ծանոթացել և ինչպես է դասավորվում նրանց ընտանեկան կյանքը։

ԵՐԵՎԱՆ, 26 մայիսի — Sputnik, Նանա Մարտիրոսյան․ Հայաստանի երկրորդ նախագահի որդին` Հայաստանի ուժային եռամարտի ֆեդերացիայի նախագահ Լևոն Քոչարյանը, խոստովանեց, որ իր կինը՝ երգչուհի Սիրուշոն, ազդում է իր երաժշտական ճաշակի ձևավորման վրա և ոչ միայն։ Այս մասին նա պատմեց Sputnik Արմենիայի թղթակցի հետ զրույցում։

Լևոնն ասում է, որ Սիրուշոն լավ երաժշտություն է սիրում և երբեմն խորհուրդ է տալիս իրեն, թե ինչ լսի. Լևոնին նաև դուր են գալիս նրա կատարումները։ Չի կարող ասել, թե Սիրուշոյի առաջին և ամենահավատարիմ երկրպագուն է, քանի որ նրա երկրպագուների շարքում կան մարդիկ, որոնք իրեն չեն ների այդ խոսքերի համար։

«Ոմանք ասում են, որ ես եմ օգնում նրան, դա շատ վիրավորական է, որովհետև այդպես չէ։ Նա այնքան ինքնուրույն է բոլոր հարցերում, այդ թվում՝ ֆինանսական, գործնական և այլն։ Ես հպարտանում եմ նրա գործունեությամբ, ինձ դա շատ է դուր գալիս», - ասաց երգչուհու ամուսինը։

Լևոնը վստահաբար ասում է, որ իր կնոջ համար առաջնահերթ են ընտանիքը և երեխաները։ Նա հավաստիացնում է, որ երգչուհու հետ ընտանեկան կյանքն այնքան բարդ չէ, ինչպես պատկերացնում են շատերը։ Հաճախ ստացվում է համատեղել աշխատանքը, հանգիստը և ընտանեկան գործերը։

Լևոնն ու Սիրուշոն ծանոթացել են 2001թ-ի հունիսին ջրաշխարհում, որից հետո կրկին հանդիպել են Սևանում. «Մաֆիա» խաղալուց հետո Լևոնի մոտ զգացմունքներ են ծնվել։ Քանի որ Սիրուշոն արդեն հայտնի երգչուհի էր, Լևոնին չի հաջողվել հաճախակի հանդիպել նրան, և նա ստիպված է եղել պարզել, թե որտեղ է Սիրուշոն, որպեսզի «պատահական» հանդիպումներ կազմակերպի։

«Ես անցել եմ ամբողջ ավանդական ուղին, որով անցնում են սիրահարված հայ տղաները։ Գնացել եմ նրա դպրոց, մասնակցել հարաբերություններ պարզելուն։ Բայց ես շատ ուրախ եմ, որ մենք հիմա հասել ենք այս կետին», - անկեղծացավ Լևոնը։

Հիշեցնենք, որ Սիրուշոն ու Լևոնն ամուսնացել են 2009թ.-ի հունիսի 6-ին։ Նրանք ունեն երկու որդի։ Ավագ որդին՝ Ռոբերտը, 4 տարեկան է, կրտսերը՝ 2։

Ըստ թեմայի

«Աշխարհ չկա առանց քեզ». Ռոբերտ Քոչարյանի որդին Սիրուշոյի հետ լուսանկար է հրապարակել
Որտե՞ղ են մանկապարտեզ հաճախում Սիրուշոյի երեխաները
Սիրուշոյի գլխարկն իրենն արեց. երգչուհին տեսանյութ է հրապարակել
թեգերը:
Սիրուշո, Ռոբերտ Քոչարյան, Հայաստան

Գլխավոր թեմաներ