03:23 21 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Աննա Հակոբյան

Աննա Հակոբյանը խոսեց նախկին օլիգարխների` իր հիմնադրամին նվիրատվություն տալու մասին

© Sputnik / Aram Nersesyan ,
Հասարակություն
Ստանալ կարճ հղումը
90 0 0

Աննա Հակոբյանը լրագրողների հետ հանդիպման ժամանակ խոսեց «Ժպիտների քաղաք» բարեգործական հիմնադրամին Սամվել Ալեքսանյանի և Արտակ Սարգսյանի նվիրատվությունների մասին։

ԵՐԵՎԱՆ, 27 մայիսի — Sputnik. ՀՀ վարչապետի տիկին, «Ժպիտների քաղաք» բարեգործական հիմնադրամի հոգաբարձուների խորհրդի նախագահ Աննա Հակոբյանի հավաստմամբ` իրենք չունեն բարդույթ ո՛չ նախկին, ո՛չ ներկա, ո՛չ էլ ապագայի մարդկանց նկատմամբ։ Այս մասին նա ասաց լրագրողների հետ հանդիպման ժամանակ` պատասխանելով հարցին, թե ինչպե՞ս է վերաբերվում այն հանգամանքին, որ Սամվել Ալեքսանյանն ու Արտակ Սարգսյանն են նվիրատվություն տրամադրում իրենց հիմնադրամին։

Հակոբյանին, մասնավորապես, հիշեցրին, որ ժամանակին որպես ընդդիմադիր գործիչ Նիկոլ Փաշինյանն էր քննադատում, երբ վերոհիշյալ մարդիկ գումար էին փոխանցում պետական հիմնադրամներին` համարելով, որ այդկերպ ցանկանում են հաճոյանալ իշխանություններին։

«Մենք պետք է ազատվենք համեմատականներից ու նախկինում տեղի ունեցած երևույթները չհամեմատենք նոր իշխանությունների հետ։ Մեր հիմնադրամներին նվիրատվություն կարող են անել բոլորը։ Նախկինում մոնոպոլիա է եղել և ոչ բոլորն են իրավունք ունեցել պետության ղեկավարի տիկնոջ հիմնադրամին նվիրատվություն անել։ Երբեմն մեր հանդիպումների ժամանակ շատ հեռվից են մոտենում, միջնորդների միջոցով են հետաքրքրվում, թե կարո՞ղ են գումար նվիրաբերել»,–ասաց Հակոբյանը։

Նա իր շնորհակալությունը հայտնեց բոլոր նվիրատուներին` ասելով, որ իրենց հիմնադրամով նոր մշակույթ են ուզում բերել Հայաստան։

Հիշեցնենք, որ «Ժպիտների քաղաք» բարեգործական հիմնադրամի նվիրատուների 2018 թվականի ցանկում 77 կազմակերպության և անհատի անուն կա, որոնց թվում են «Ալեքսանյանների Ընտանիք բարեգործական հիմնադրամը», Անահիտ և Ջավահիր Ծառուկյանները, Մայր Աթոռ Սուրբ Էջմիածինը։

Ըստ թեմայի

ՀՀ իշխանությունը չպետք է դիմի անպատվաբեր քայլերի. Բաբայանի գրասենյակի հայտարարությունը
«Մեր որդին ծառայում է, ինչպես ցանկացած զինվոր». Աննա Հակոբյանը որդու` Երևան գալու մասին
Աննա Հակոբյանը պատմեց, թե ամենաշատն ինչի մասին են իր հետ խոսում սփյուռքահայերը
թեգերը:
Սամվել Ալեքսանյան, Աննա Հակոբյան, Հայաստան

Գլխավոր թեմաներ