11:20 18 հոկտեմբերի 2019
Ուղիղ եթեր
  • USD476.43
  • GBP615.98
  • EUR529.69
  • RUB7.45
«Հյուսիս–հարավի» շինարարները փակել են Աշտարակ–Թալին մայրուղին

Համբերության բաժակը լցվել է. «Հյուսիս–հարավի» շինարարները փակել են Աշտարակ–Թալին մայրուղին

© Sputnik / provided by Gurgen Hovhanisyan
Հասարակություն
Ստանալ կարճ հղումը
12510

Շինարարություն իրականացնող ընկերությունների աշխատակիցներն այլևս չեն կարող սպասել և պահանջում են աշխատավարձ տալ իրենց։

ԵՐԵՎԱՆ, 30 մայիսի — Sputnik. «Հյուսիս–հարավ» ավտոճանապարհի շինարարությունն իրականացնող ընկերությունների տասնյակ աշխատակիցներ այսօր փակել են Աշտարակ–Թալին մայրուղին` պահանջելով իրենց աշխատավարձերը։ Այդ մասին Sputnik Արմենիայի թղթակցի հետ զրույցում ասաց ընկերություններից մեկի աշխատակից Գուրգեն Հովհաննիսյանը։

Իսպանական Corsan Corviam Construccion S.A. ընկերությունը, որը «Հյուսիս–հարավ» տրանսպորտային միջանցքի շինարարության առաջին և երկրորդ տրանշի իրագործման կապալառուն է, ենթակապալառու 19 ընկերություններին պարտք է 2,2 միլիարդ դրամ։ Խոսքը ենթակապալառու ընկերությունների 800 աշխատակիցների աշխատավարձերի մասին է։

Строители дороги Север-Юг перекрыли участок дорогии Аштрак-Талин (30 мая 2019)
© Sputnik / provided by Gurgen Hovhanisyan
«Հյուսիս–հարավի» շինարարները փակել են Աշտարակ–Թալին մայրուղին

«Իսպանական ընկերությունն օգոստոսից նոյեմբեր մեզ փող չի տվել։ Մենք դիմել ենք վարչապետ Նիկոլ Փաշինյանին, փոխվարչապետ Տիգրան Ավինյանին, տրանսպորտի նախարար Հակոբ Արշակյանին, սակայն այդ հարցն այդպես էլ լուծում չի ստացել», – ասաց Հովհաննիսյանը։

Նախօրեին, խոսելով այս խնդրի մասին, Հայաստանի փոխվարչապետ Տիգրան Ավինյանը հայտարարել էր, որ «Հյուսիս–հարավ» ճանապարհի մի հատվածի շինարարության համար հայ ենթակապալառուներին փող չվճարելու պատասխանատվությունն ընկնում է իսպանական «Կորսան Կորվիամ» կապալառուի վրա։ Հաշվարկները ցույց են տալիս, որ տվյալ պահին նույնիսկ պարտավորություններ չկան «Կորսան Կորվիամի» առաջ։

Строители дороги Север-Юг перекрыли участок дорогии Аштрак-Талин (30 мая 2019)
© Sputnik / provided by Gurgen Hovhanisyan
«Հյուսիս–հարավի» շինարարները փակել են Աշտարակ–Թալին մայրուղին

«Մենք կարող ենք աջակցել նրանց ինչ–որ հարցերում, բայց չենք կարող վճարել նրանց «Կորսան–Կորվիամի» փոխարեն, քանի որ հնարավոր չէ օգտագործել հանրային միջոցները մի քանի ընկերությունների հարցերը լուծելու համար», – նշել էր Ավինյանը։

Հովհաննիսյանը և տուժած ընկերությունների աշխատակիցները տվյալ պահին ճանապարհը փակելուց բացի այլ ելք չեն տեսնում, նրանք համբերել են մոտ կես տարի։

«Նախկինում էլի եղել են ուշացումներ, բայց ամենաշատը 10-15 օրով, ոչ ավելի», – նշեց Հովհաննիսյանը։

Դեկտեմբերից ճանապարհի շինարարությունը դադարեցվել է։

Строители дороги Север-Юг перекрыли участок дорогии Аштрак-Талин (30 мая 2019)
© Sputnik / provided by Gurgen Hovhanisyan
«Հյուսիս–հարավի» շինարարները փակել են Աշտարակ–Թալին մայրուղին

Հիշեցնենք, որ ընկերությունների աշխատակիցները Երևան–Թալին մայրուղին առաջին անգամ փակել են 2018թ.–ի դեկտեմբերին։

Հյուսիս-հարավ ճանապարհն անկախ Հայաստանի պատմության մեջ ամենածավալուն նախագծերից է։ Ճանապարհը կկրճատի տարածությունը Իրանի սահմանից մինչև Վրաստանի սահման՝ 550–ից մինչև 490 կմ, ինչը կհեշտացնի ելքը դեպի Սև ծով ոչ միայն Հայաստանի, այլև Իրանի համար։

Ըստ թեմայի

«Հյուսիս-Հարավ» ծրագրի քրեական գործով անցնում են 50-ից ավելի կազմակերպություն. ՀՔԾ
ԵԱՀԿ դիտարկումն է անցկացրել Մարտակերտի Թալիշ գյուղից դեպի հյուսիս-արևելք ընկած հատվածում
«Հյուսիս–Հարավ» ծրագրում «անապրանք» գործարքներ են բացահայտվել. դատախազություն
թեգերը:
Բողոքի ակցիա, «Հյուսիս–հարավ» ավտոճանապարհ, Հայաստան

Գլխավոր թեմաներ