18:35 17 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Արսեն Թորոսյանը մասնակցեց ծխելու դեմ պայքարի ֆլեշմոբին

«Մի ծխեք նրանց մոտ, ում սիրում եք». Արսեն Թորոսյանը մասնակցեց ֆլեշմոբին

© Sputnik / Hayk Petrosyan
Հասարակություն
Ստանալ կարճ հղումը
5410

Ամեն տարի աշխարհում 8 մլն մարդ է մահանում ծխախոտի օգտագործումից ծնված հիվանդություններից։ Եվս 1 մլն մարդ մահանում է պասիվ ծխելուց։

ԵՐԵՎԱՆ, 31 մայիսի — Sputnik. ՀՀ առողջապահության նախարար Արսեն Թորոսյանը և մոտ 200 երիտասարդ քաղաքացիներ Երևանում մասնակցեցին Առանց ծխախոտի համաշխարհային օրվա առիթով կազմակերպած ֆլեշմոբին։

Առանց ծխախոտի համաշխարհային օրը նշվում է ամեն տարի մայիսի 31-ին։ 1988 թվականին Առողջապահության համաշխարհային ասամբլեայի 42-րդ նստաշրջանում այն հռչակեց Առողջապահության համաշխարհային կազմակերպությունը (ԱՀԿ)։

Флэш-моб приуроченный к Международному дню без тобака (31 мая 2019). Еревaн
© Sputnik / Hayk Petrosyan
Արսեն Թորոսյանը մասնակցեց ծխելու դեմ պայքարի ֆլեշմոբին

Ֆլեշմոբը տեղի ունեցավ Հյուսիսային պողոտայում։ Երիտասարդները փողոցի երկու կողմում շարք էին կազմել։ Առողջապահության նախարարը, Հայաստանում ԱՀԿ ներկայացուցիչ Եգոր Զայցևը և հանրապետությունում ՄԱԿ–ի մշտական համակարգող Շոմբի Շարփը, որոնցից յուրաքանչյուրի ձեռքին մեկական խնձոր էր, անցան ակցիայի մասնակիցների շարքերի միջով։ Պաշտոնյաների մոտենալուն պես մասնակիցները սկսում էին հազալ։ Այնուհետև բարձրաստիճան պաշտոնյաները բարձրացան բեմ։ Նրանք բացատրեցին, որ խնձորները խորհրդանշում են առողջությունը, որը պետք է պահպանել` հրաժարվելով ծխելուց։

Флэш-моб приуроченный к Международному дню без тобака (31 мая 2019). Еревaн
© Sputnik / Hayk Petrosyan
Արսեն Թորոսյանը մասնակցեց ծխելու դեմ պայքարի ֆլեշմոբին

Նախարարը նշեց, որ Հայաստանում ամեն տարի թոքերի քաղցկեղի 1500 դեպք է արձանագրվում։ Հիվանդությունն առավել տարածված է տղամարդկանց շրջանում։ Թոքերի քաղցկեղով հիվանդանալու ռիսկը ծխող քաղաքացիների մոտ 22 անգամ ավելի է, քան չծխողների։

«Թողնելով ծխելը` դուք պինդ առողջություն կունենաք, իսկ երկիրը` ուժեղ տնտեսություն։ Ընտրեք առողջությունը, այլ ոչ թե ծխելը», – հավաքվածներին կոչ արեց ՀՀ առողջապահության նախարարը։

Փաշինյանի կառավարության անդամներից քանի՞սն են ծխում. նախարարը հստակ թվեր է նշում

ԱՀԿ–ի ներկայացուցիչն իր հերթին ընդգծեց, որ աշխարհում ամեն տարի 8 մլն մարդ է մահանում ծխախոտի օգտագործումից ծնված հիվանդություններից։ Եվս 1 մլն մարդ մահանում է պասիվ ծխելուց։

Флэш-моб приуроченный к Международному дню без тобака (31 мая 2019). Еревaн
© Sputnik / Hayk Petrosyan
Արսեն Թորոսյանը մասնակցեց ծխելու դեմ պայքարի ֆլեշմոբին

«Ծխելով դուք վնասում եք ոչ միայն ինքներդ ձեզ, այլև ձեզ շրջապատողներին։ Մի ծխեք նրանց մոտ, ում սիրում եք», – խորհուրդ տվեց Զայցևը։

Նշենք, որ ՀՀ առողջապահության նախարարը ծխելու դեմ ակտիվ պայքարողներից է և «Ծխախոտային արտադրատեսակների օգտագործման բացասական ազդեցության նվազեցման և կանխարգելման մասին» օրինագծի համահեղինակ։ Նախագիծը մշակել ու ներկայացրել է Առողջապահության նախարարությունը դեռ 2017 թվականի վերջին, սակայն, ներկայիս նախարարի նախաձեռնությամբ, այն խստացվել է։

Флэш-моб приуроченный к Международному дню без тобака (31 мая 2019). Еревaн
© Sputnik / Hayk Petrosyan
Արսեն Թորոսյանը մասնակցեց ծխելու դեմ պայքարի ֆլեշմոբին

Օրենքի նախագծի համաձայն, ծխելը կարգելվի ճաշարաններում, ռեստորաններում, սրճարաններում, բարերում, բուֆետներում, խաղատներում և առևտրի կենտրոններում ։ Ըստ օրենքի նախագծի` վերոնշյալ վայրերում ծխախոտ վաճառելու համար 500 հազար դրամ տուգանք է նախատեսում, իսկ ծխելու համար` 200 հազար դրամ։

Ըստ թեմայի

«Նարգիլե առաջարկող օբյեկտների տերերին չեմ հավատում». ծխելու արգելքը չի վնասի բիզնեսին
Կանեփային տոն պատգամավորի եղբորից. ինչո՞վ են վտանգավոր մարիխուանայի և ալկոհոլի հետ խաղերը
Կթեքվի արդյո՞ք նժարն Արսեն Թորոսյանի ուզած կողմը
թեգերը:
Ծխել, Արսեն Թորոսյան, Հայաստան

Գլխավոր թեմաներ