09:21 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Դավիթ Անանյան

ՊԵԿ նախագահը մեկնաբանել է եղբոր պաշտոնանկությունն ու Ջանջուղազյանի հետ հարաբերությունները

© Sputnik / Aram Nersesyan
Հասարակություն
Ստանալ կարճ հղումը
45 0 0

Դավիթ Անանյան-Ատոմ Ջանջուղազյան հակասություն չկան։ Դավիթ Անանյանը գերադասեց օգտագործել «մշտնջենական պայքար» բնորոշումը։

ԵՐԵՎԱՆ, 7 հունիսի — Sputnik. ՊԵԿ նախագահի եղբայրն իր աշխատանքը չի կորցրել։ Այսօր ԱԺ–ում, լրագրողների հետ ճեպազրույցում հայտարարեց ՀՀ ՊԵԿ նախագահ Դավիթ Անանյանը` մեկնաբանելով լուրերն այն մասին, որ իր եղբայրը` Մհեր Անանյանը, Ֆինանսների նախարարության գնումների բողոքարկման խորհրդի ղեկավարի պաշտոնից ազատվել է իր ու ֆինանսների նախարարի հակասությունների պատճառով։

«Իմ եղբայրն իր աշխատանքը չի կորցրել։ Իմ եղբայրն այն անձնավորությունը, չէ, որ ինչ-որ բան կորցնի։ Իմ եղբայրը կունենա աշխատանք` ավելի արժանավայել կամ իրեն վայել»,– ասաց Անանյանը։

Անդրադառնալով Դավիթ Անանյան-Ատոմ Ջանջուղազյան հակասությանը, որի մասին մամուլը պարբերաբար գրում է` Անանյանը վստահեցրեց, որ որևէ հակասություն չկա, կա պայքար։

«Հակասություն բառը չէի օգտագործի։ Կա ՊԵԿ–ի ու ՖՆ–ի միջև մշտնջենական պայքար, որը նորմալ է։ Որպես անձ, մեր անձնական ֆրոնտում որևէ բան չկա։ Դուք երևի տեսնում եք, թե մենք ոնց ենք պարոն Ջանջուղազյանի հետ շփվում։ Մեր անձնական շփումներում մենք շատ բարիդրացիական և գործընկերային ենք»,– ասաց Անանյանը։

Ինչ վերաբերում է այդ հակասությունների համատեքստում ներկայացվող Հարկային նոր օրենսգրքի նախագծին, Դավիթ Անանյանը նշեց, որ այն մշակվել է ոչ թե ֆինանսների նախարարության, այլ ամբողջ կառավարութան կողմից։

99.7- ը հավասար է 103.5 -ի. ՊԵԿ նախագահը պատգամավորներին ներկայացրեց իր թվաբանությունը

«Ես` որպես հարկահավաք մարմին ունեցել եմ այլ առաջարկներ, որոնք ընդհանուր քննարկումներում համարվել են ժամանակավրեպ, որոնք քննարկվելու են ապագայում։ Բայց այն փաթեթը, որը ներկայացվել է, կոնսենսուսային տարբերակն է։ Այսինքն` բոլորս ենք համաձայն այդ տարբերակին, որը ներկայացվել է ԱԺ»,- ասաց Անանյանը։

Նշենք, որ ըստ մամուլի, ՊԵԿ Նախագահը դեմ է եղել ներկայացված Հարկային օրենսգրքի նախագծին, որը մշակվել է Ֆինանսների նախարարության կողմից, ու Ջանջուղազյանին հաջողվել է վարչապետին համոզել ընդունել այն։

 

Ըստ թեմայի

ՊԵԿ–ը հայտնաբերել է առանց դրոշմապիտակների մեծ քանակությամբ ավտոյուղեր
Որպեսզի հարցեր չլինեն, ՊԵԿ–ը կվերահրապարակի 1000 խոշոր հարկ վճարողների ցուցանիշները
Հարկերն աճել են, հարկատուները` փոխվել. ՊԵԿ–ը հրապարակել է խոշոր հարկատուների նոր ցանկը
թեգերը:
Պետական եկամուտների կոմիտե (ՊԵԿ), Ատոմ Ջանջուղազյան, Դավիթ Անանյան, Հայաստան

Գլխավոր թեմաներ