ԵՐԵՎԱՆ, 7 հունիսի — Sputnik. RT–ի և Sputnik–ի գլխավոր խմբագիր Մարգարիտա Սիմոնյանին (որը երրորդ երեխային է սպասում) դուրս են գրել հիվանդանոցից։ Այս մասին Սիմոնյանը հայտնել է Twitter–ի իր միկրոբլոգում։
«Մի քանի կաթիլային և բժշկական խիստ հսկողություն. անչափ շնորհակալ եմ բժիշկներին», – նշել է Սիմոնյանը։
Հունիսի 6-ին Սիմոնյանը հայտնել էր, որ գնացել է «Էխո Մոսկվի» ռադիոկայան։ Մուտքի մոտ նրան սպասել է «Կոռուպցիայի դեմ պայքարի հիմնադրամի» իրավաբան, «Նավալնի LIVE» YouTube ալիքի պրոդյուսեր Լյուբով Սոբոլը, որը միացրած տեսախցիկով սկսել է համառորեն հարցեր ուղղել Սիմոնյանին` Մոսկվայի քաղաքապետ Սերգեյ Սոբյանինի մասին։
RT–ի գլխավոր խմբագիրը հրաժարվել է մեկնաբանություններ տալ` նշելով, որ հարցազրույցի մասին պետք է պայմանավորվել իր մամուլի ծառայության միջոցով։ Սակայն Սոբոլը համառորեն փորձել է պատասխան կորզել նրանից։ Դրանից հետո Սիմոնյանի ինքնազգացողությունը վատացել է, և նրան հիվանդանոց են տեղափոխել։
Բուժհիմնարկից դուրս գրվելուց հետո Սիմոնյանը հրապարակել է նաև իր ախտորոշումը, որի համաձայն` նրա մոտ վիժման վտանգ է եղել։
Вот с таким диагнозом меня только что выписали.
— Маргарита Симоньян (@M_Simonyan) 7 июня 2019 г.
Несколько капельниц и строгий медицинский контроль — огромное спасибо врачам.
Прошу прощения у всех, с кем должна была встретиться в Питере. pic.twitter.com/nYE8k6krFm
Սիմոնյանն ընդգծել է, որ «Էխո Մոսկվի» ռադիոկայանի և անձամբ գլխավոր խմբագիր Ալեքսեյ Վենեդիկտովի նկատմամբ որևէ բողոք չունի։
««Էխոյի» աշխատակիցները շատ լավն էին, ինձ համար շտապօգնություն կանչեցին, արագ փոխեցին եթերի ձևաչափը», – նշել է նա։
Սիմոնյանը ներողություն է խնդրել չեղարկված հանդիպումների համար։ Իսկ Լյուբով Սոբոլին, Նավալնիի կնոջն ու դստերն առողջություն է մաղթել, երկար տարիների կյանք, թեթև հղիություններ և շատ բալիկներ։
«Հուսամ` Լյուբովը հասկանում է, որ լավ չի վարվել, և տանջվում է դրանից։ Պետք չէ տանջվել։ Բոլորս էլ երիտասարդ ժամանակ սխալներ գործում ենք, որոնց մասին զղջում ենք։ Իսկ եթե չի հասկանում, ապա կհասկանա։ Եթե ոչ այս աշխարհում, ապա այն աշխարհում։ Բարին ընդ ձեզ», – նշել է Սիմոնյանը։
Ավելի վաղ Սիմոնյանի ամուսինը` հայտնի ռեժիսոր Տիգրան Քեոսայանը, մեկնաբանելով տեղի ունեցածը, ասել էր, որ սա «շապիտո կրկես է»։ Նա նշել էր, որ իրավաբանների հետ կքննարկի այս միջադեպը։
Ռուսաստանի ԱԳՆ պաշտոնական ներկայացուցիչ Մարիա Զախարովան նույնպես անդրադարձել է այս թեմային և Սոբոլին կենդանի է անվանել։
Մարտի վերջին Սիմոնյանը հայտնել էր, որ երեխայի է սպասում։ Քեոսայանն ու Սիմոնյանն արդեն երկու երեխա ունեն։ 2013 թվականի օգոստոսին ծնվել էր նրանց աղջիկը, իսկ 2014 թվականի սեպտեմբերին` որդին։
