ԵՐԵՎԱՆ, 9 հունիսի – Sputnik. Հայաստանի շրջանների զգալի մասում առաջիկա օրերին` հունիսի 9-13-ը, կեսօրից հետո սպասվում է կարճատև անձրև և ամպրոպ, առանձին վայրերում հնարավոր է կարկուտ: Այս մասին հայտնում է «Հիդրոմետ» ծառայությունը։
Ամպրոպի ժամանակ սպասվում է քամու ուժգնացում՝ 20-25 մ/վ:
Երևանում նույնպես երեկոյան ժամերին անձրև կտեղա, որը կուղեկցվի ամպրոպով։ Ամպրոպի ժամանակ քամու ուժգնությունը կհասնի 15-20 մ/վ արագության։
Այսօր մայրաքաղաքում ցերեկային ժամերին օդի ջերմաստիճանը կհասնի +32-ի, գիշերը կտատանվի 18-20 աստիճան տաքության սահմանում։
