04:51 25 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Երևան

46 համարի երթուղայինի կարգազանց վարորդին հեռացրին աշխատանքից

© Sputnik / Aram Nersesyan
Հասարակություն
Ստանալ կարճ հղումը
15521

Ուղևորափոխադրող ընկերության ներկայացուցիչներին քաղաքապետարանում հորդորել են աշխատանքներ տանել երթուղու վարորդների հետ։

ԵՐԵՎԱՆ, 11 հունիսի — Sputnik. Երևանի 46 համարի երթուղայինի վարորդն ազատվել է աշխատանքից։ Այս մասին Facebook-ի իր էջում գրել է Երևանի քաղաքապետարանի մամուլի խոսնակ Հակոբ Կարապետյանը։

«Նախօրեին տարածված տեսանյութում 46 համարի երթուղու վարորդի վարքագիծը քննարկելու համար այսօր Երևանի քաղաքապետարանի տրանսպորտի վարչություն է հրավիրվել երթուղին սպասարկող ընկերության ներկայացուցիչը:

Քննարկման արդյունքում որոշում է կայացվել կարգազանց վարորդին հեռացնել աշխատանքից»,–գրել է Կարապետյանը:

Նրա տեղեկացմամբ` ուղեւորափոխադրող ընկերության ներկայացուցիչներին քաղաքապետարանում հորդորել են աշխատանքներ տանել երթուղու վարորդների հետ՝ խստիվ պահպանել ուղևորների հետ շփման վարքականոնը, ինչպես նաև ավելի ուշադիր լինել Ճանապարհային երթևեկության կանոնները պահպանելու հարցում:

ՀՀ ոստիկանությունումից էլ տեղեկացնում են, որ նշված վարորդը չի ունեցել համապատասխան կարգի վարորդական իրավունքի վկայական: Տրանսպորտային միջոցը տեղափոխվել է հատուկ պահպանվող տարածք, որտեղ օրենքով սահմանված կարգով վարչական իրավախախտում կատարելու համար արձանագրություններ են կազմվել վարորդի նկատմամբ տրանսպորտային միջոցը վարելու ընթացքում ծխելու և առանց համապատասխան կարգի վարորդական իրավունքի վկայականի տրանսպորտային միջոցը վարելու համար, իսկ տրանսպորտի շահագործման պատասխանատուի նկատմամբ՝ համապատասխան կարգի վարորդական իրավունքի վկայական չունեցողին տրանսպորտային միջոցը հանձնելու համար:

Հիշեցնենք, որ երեկ` հունիսի 10–ին ուղևորուհին վարորդից պահանջել էր չծխել երթևեկության ժամանակ։ Վերջինս ոչ միայն մերժել էր, այլ նաև կոպտել աղջկան։ Աղջիկը նկարել էր կատարվածն ու դիմել համապատասխան մարմիններին։

 

Ըստ թեմայի

Գյումրի–Երևան գնացքը բախվել է տրակտորին. վարորդը հիվանդանոցում է
Այ քեզ բան. ռոբոտն աշխատանքի է ընդունում մարդուն, իսկ վարորդը «ոչ» է ասում արագաչափին
Աբովյանում կարգազանց վարորդը հարվածել է ճանապարհային ոստիկանության պարեկային մեքենային
թեգերը:
Երևանի քաղաքապետարան, Տրանսպորտ, Երևան

Գլխավոր թեմաներ