18:45 24 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Լևոն Օգանեզով

Լևոն Օգանեզովը տոլմա եփել է սովորեցրել Մալիշևային ու խորհուրդ է տվել «Արցախ» օղի խմել

© Photo: youtube/Жить Здорово!
Հասարակություն
Ստանալ կարճ հղումը
139 0 0

Դաշնակահարը տոլմա պատրաստելու վարպետության դաս է անցկացրել «Жить здорово» հաղորդման ստուդիայում։

ԵՐԵՎԱՆ, 11 հունիսի — Sputnik. Հանրահայտ դաշնակահար Լևոն Օգանեզովը Ելենա Մալիշևայի «Жить здорово» հաղորդման ժամանակ պատմել է, թե ինչպես է պետք «սուպեր տոլմա» եփել։

Մալիշևան խոստովանել է, որ մի ամբողջ հետազոտություն է անցկացրել, թե որ ազգն է բոլորից լավ ու բոլորից շատ տոլմա եփում, և արդյունքում հաղթել են հայերը։ Այդ պատճառով էլ հյուր են կանչել Լևոն Օգանեզովին, որը ստուդիայում է հայտնվել հայկական դրոշով գոգնոցով ու իր եփած հայկական տոլմայով։

«Տղամարդը պատրաստում է միսը, բայց տոլմա փաթաթելու համար հրավիրում են բարակ մատիկներով դուստրերին։ Չէ՞ որ դա ոսկերչական աշխատանք է», – պատմել է դաշնակահարը։

Նա պատմել է, որ հայկական բակերում տոլմայից երբեք նույն հոտը չի գալիս, քանի որ յուրաքանչյուր խոհարար ունի իր գաղտնի բաղադրիչը։ Օգանեզովն ասել է, որ օրինակ իր մայրը սիրել է տոլմայի և մածնի վրա դարչին ցանել։

Մալիշևան անհարմար հարց է տվել նրան, թե ով է ավելի համեղ տոլմա պատրաստում` մայրը, թե կինը, բայց դաշնակահարը ճարպկորեն խուսափել է` հայտարարելով, որ ավագ դուստրը շատ լավ է տոլմա եփում։

Օգանեզովը խորհուրդ է տվել տոլմա եփելուց առաջ ոչ թե կոնյակ խմել, այլ տնական օղի, հետո շեշտել է` «Արցախ» օղի։

Երաժիշտը պարզաբանել է, որ այդ օղին պատրաստում են խաղողից, թթից, հոնից, դեղձից և ծիրանից։

Դաշնակահարը հաղորդման ընթացքում սովորեցրել է Մալիշևային տոլմա եփելու ճիշտ բաղադրատոմսը, իր խոհարարական գիտելիքներով զարմացրել ստուդիայի հյուրերին ու բոլորին հրավիրել Հայաստան։

Ըստ թեմայի

Miechlen–ի խոհարարը հիացած է հայկական տոլմայով ու թթի օղիով. ի՞նչ է նա խնդրել հայերից
Համով Հայաստան. պատրաստենք ամենաքաղաքականացված հայկական ուտեստը` տոլմա
Տատիկի բաղադրատոմս և բուռն երևակայություն. զբոսաշրջիկները տոլմա են փաթաթում Դիլիջանում
Խոշոր նախագիծ. հայ խոհարարները զբաղվում են տոլմայի և ժենգյալով հացի հանրահռչակմամբ
Համով Հայաստան. այսպիսի տոլմա չեք համտեսել. ավանդական ուտեստը ոչ ավանդական բաղադրատոմսով
Ինչպես Աշոտը վիետնամցիներին սովորեցրեց տոլմա ուտել. հայկական ռեստորան Նյաչանգում
«Ի՞նչ ֆրանսիացի, չէ՞ որ դուք հայ եք». ինչ է նվիրել Ազնավուրը ռուս դերասանին
Լևոն Օգանեզով. «Եթե կռվել, ապա այնպես, ինչպես հայը»
թեգերը:
Արցախ, Տոլմա

Գլխավոր թեմաներ