08:12 20 հունիսի 2019
Ուղիղ եթեր
  • USD478.04
  • GBP601.18
  • EUR535.55
  • RUB7.47
Վոլգա գետ

Տիգրանը փրկել է երկուսին, բայց խեղդվել Վոլգայում. քույրը պատմել է քաջ տղայի սխրանքի մասին

© Sputnik / Владимир Грановский
Հասարակություն
Ստանալ կարճ հղումը
68 0 0

17–ամյա Տիգրանը համադասարանցիների հետ խաղացել է գետում և հեռացել ափից։

ԵՐԵՎԱՆ, 13 հունիսի — Sputnik. Հերոսաբար մահացած Տիգրան Ի.–ի քույրը Armlink in Russian տելեգրամ ալիքին պատմել է եղբոր սխրանքի մասին։

№118 դպրոցի աշակերտ Տիգրանը, նրա ընկերները՝ Սաշան, Աշոտը և Աշոտի փոքրիկ զարմիկը, հունիսի 10–ին գնացել են Վոլգայում լողալու։ Տղաները լողալով հեռացել են ափից և սկսել խեղդվել, բայց Տիգրանը կարողացել է փրկել երկու ընկերներին։

«Գետի այդ հատվածում ուժեղ հոսանք է։ Մի ակնթարթում Սաշան և Աշոտի զարմիկը սկսել են խեղդվել։ Տիգրանը նետվել է ջուրը՝ ընկերներին փրկելու։ Ինչ-որ հրաշքով նա երկուսին էլ ապահով վայր է դուրս հրել։ Բայց․․․հերոս տղան ուժասպառ էր եղել և չի կարողացել ինքնուրույն ափ դուրս գալ», – պատմել է հերոսի քույրը։

Նրա խոսքով` ջրասույզները եղբոր մարմինը ջրից հանել են 40 րոպե հետո։ Նրա ծնողները գրեթե այդ ժամանակ էլ տեղ են հասել։ Տիգրանի հարազատ եղբայրը, որն անմիջապես լողափ է շտապել, սրտի ուղիղ մերսում է արել, բայց արդեն ուշ է եղել։

«Բոլորին թողեց արցունքն աչքերին, հեռացավ և թողեց ինձ, նույնիսկ հրաժեշտ չտվեց», – գրել է Դավիթը «Վկոնտակտե» սոցիալական ցանցում։

Ռուսական ԶԼՄ–ներում տեղեկություն է տարածվել, որ Տիգրանի մայրը վատացել է, երբ իմացել է ողբերգական նորությունը, և նրան շտապ հոսպիտալացրել են։

Տղան զբաղվել սպորտով, նրան հետաքրքրել են կվադրոցիկլները։ Տիգրանը լողալ իմացել է, պարզապես այդ մասում շատ ուժեղ հոսանք է եղել։ Օգոստոսին տղան կդառնար 18 տարեկան։

Ըստ թեմայի

Միլիարդատեր հայի որդին զվարճանում է ռուս աստղի հետ
Հայի հյուրընկալություն, որ գիտության զարգացմանն է նպաստել. Բորիս Պիոտրովսկու երկաթե լեդին
Ուզում էր գնալ ընտանիքի մոտ. «Շերեմետևոյում» մահացած հայի ազգականը պատմել է նրա մասին
Հերոս հայի հիանալի զինվորական կարիերան. ի՞նչ է արել տանկիստ Մնացականովը պատերազմի ժամանակ
Այս հայի մասին գիտի ամբողջ Սիբիրը. ինչպես վագրը սկսեց մայր համարել բժիշկ Դալլաքյանին
թեգերը:
Մահ, հայ, Ռուսաստան, Հայաստան

Գլխավոր թեմաներ