05:43 23 հուլիսի 2019
Ուղիղ եթեր
  • USD476.18
  • GBP593.70
  • EUR534.18
  • RUB7.56
Հանրահավաք. 17 օգոստոսի 2018 թ.

Հայաստանը ժողովրդագրական ճգնաժամի եզրի՞ն. որո՞նք են ՄԱԿ–ի կանխատեսումները

© Sputnik / Asatur Yesayants
Հասարակություն
Ստանալ կարճ հղումը
Sputnik Արմենիան` արևմտահայերենով (229)
140 0 0

Հայաստանի կառավարութիւնը ծրագիրներ կը մշակէ ծնելիութիւնը խթանելու եւ ժողովրդագրական ճգնաժամը կանխելու համար:

ԵՐԵՒԱՆ, 18 յունիսի — Sputnik, Լաուրա Սարգսեան. ՄԱԿ–ի ժողովրդագրական կանխատեսումները միշտ չէ, որ կը համապատասխանեն իրականութեան բազմաթիւ պատճառներով: Ուստի չարժէ հիւանդագին ընդունել ատոնք` չնայած, որ Հայաստանի պարագային յառաջիկայ տարիներուն  կը կանխատեսուի ամուսնութիւններու եւ ծնելիութեան անկում:

Այդ մասին Sputnik Արմենիայի հետ զրոյցին ըսաւ ժողովրդագիր Արտակ Մարկոսեան:

ՄԱԿ–ի կանխատեսման համաձայն, Հայաստանի բնակչութիւնը մինչեւ 2100 պիտի կրճատուի եւ կազմէ 2 միլիոն: Միաժամանակ այդ ամէնը տեղի պիտի ունենայ թռիչքաձեւ. մինչեւ 2030 պիտի աւելնայ մինչեւ 2 միլիոն 967 հազար, իսկ 2100-ին պիտի կազմէ 2 միլիոն 39 հազար մարդ: Միաժամանակ, այդ միտումը կը վերաբերի նաեւ հարեւան Վրաստանին եւ Ատրպէյճանին:

«ՄԱԿ–ը պարբերաբար նման հետազօտութիւններ կ’ընէ` իր մշակած սանդղակով: Սակայն ոչ բոլոր պարագաներուն ատոնք կը համապատասխանեն իրականութեան: Անոնք գնահատական կու տան` օգտագործելով գնահատման իրենց օրինակները, որոնց մէջ հաշուի չեն առած շատ մանրամասներ», – ըսաւ Մարկոսեան:

Մասնաւորապէս, հաշուի չառնուիր պետութեան իշխանութիւններու քաղաքականութիւնը` այդ խնդիրը մեղմացնելու եւ նոյնիսկ բացարձակ լուծելու ուղղութեամբ: Ան նշեց, որ Հայաստանի մէջ ժողովրդագրութեան հետ կապուած հարցն իսկապէս սուր դրուած է եւ ատիկա իր պատճառներն ունի:

Հայաստանի բնակչութիւնը վերջին 27 տարիներուն մշտապէս կրճատուած է արտագաղթի հաշուին: Կրճատուած է նաեւ բնակչութեան բնական աճը. եթէ 1986–ին այն տարեկան կազմած է 60 հազար, ապա արդէն 2018–ին` 10800:

Բարեբախտաբար, իրավիճակը ծայրայեղ չէ, եւ երկրին մէջ դեռեւս ամայացում չկայ:

«Բնակչութեան թիւի կրճատման հիմնական պատճառը արտագաղթն է, որ սկսած է առարկայական եւ ենթակայական  պատճառներով 20–րդ դարու 90–ականներէն: Սակայն վերջին շրջանին ատոր հետ կապուած դրական ընթացք կը նկատուի, – ըսաւ Մարկոսեան:

Ան նշեց, որ միւս խնդիրը 90–ականներու սկիզբը Հայաստանի մէջ ծնելիութեան մակարդակի կտրուկ անկում էր 60 տոկոսով: Մարկոսեան նշեց, որ հիմա մինչեւ 1998–ը ծնած երեխաները մեծցած  եւ մտած են ընտանիք կազմելու փուլ: Հետեւաբար, յառաջիկայ տարիներուն ամուսնութիւններն աւելի քիչ պիտի ըլլան, եւ ծնելիութիւնը պիտի նուազի:

«Տուեալ  պահուն կառավարութիւնն իր առջեւ ծրագիրներ գործարկելու խնդիր  դրած է, որոնք կը մեղմացնեն այդ իրավիճակը եւ թոյլ չեն տար Հայաստանին յայտնուիլ ամայացման փուլին մէջ», –ըսաւ Մարկոսեան:

Իր հերթին ազգագրագէտ Սուետլանա Պօղոսեան յոռետեսօրէն կը վերաբերի թիւերուն: Ամէն  պարագայի իրավիճակը կրնայ փրկել կառավարութիւնը, որ պէտք է գործարկէ ծնելութեան խթանման յատուկ ծրագիրներ:

Անոր խօսքով, եթէ երկրին մէջ տնտեսական իրավիճակը չկայունանայ, ՄԱԿ կանխատեսումը  չարդարանար:

Յիշեցնենք, որ 2019–ի յունուար 1–ի դրութեամբ Հայաստանի բնակչութիւնը կազմած է 2 միլիոն 965 հազար 100 մարդ: Այդ ցուցանիշը 2018–ին կազմած է 2 միլիոն 972 700 մարդ:

թեմա:
Sputnik Արմենիան` արևմտահայերենով (229)

Ըստ թեմայի

Սուրիահայ արուեստագէտ Գէորգ Մուրատը Բաբելոնի վեց մեթրանոց քանդակ մը կը ստեղծէ
Պոլսոյ մէջ բացուած է Հրանդ Տինքին նուիրուած «Յիշողութեան կեդրոն»
Հայերը կը սիրեն չափազանցել ու հանգստանալ, կամ ի՞նչ գիտենք Երեւանի «մեռեալ ծովի» մասին
Ինչպէս ռուսը յայտնուեցաւ Ամերիկայի մէջ եւ հասկցաւ, թէ ինչու հայերէնը պէտք է իրեն

Գլխավոր թեմաներ