01:37 23 հուլիսի 2019
Ուղիղ եթեր
  • USD476.18
  • GBP593.70
  • EUR534.18
  • RUB7.56
Սուրիկ Խաչատրյանը

Գրանցված չէ. կադաստրի պետի անկեղծությունը Սուրիկ Խաչատրյանի առանձնատան մասին

© Photo : Blognews
Հասարակություն
Ստանալ կարճ հղումը
168 0 0

Սյունիքի նախկին մարզպետի տունը մինչև հիմա ոչ մի տեղ գրանցված չէ։

ԵՐԵՎԱՆ, 20 հունիսի — Sputnik. Սյունիքի նախկին մարզպետ Սուրիկ Խաչատրյանի առանձնատունն իսկապես ոչ մի տեղ գրանցված չէ, այն չկա նաև անշարժ գույքի կադաստրի քարտեզում։ Այդ մասին կառավարության նիստից հետո լրագրողներին ասաց Անշարժ  գույքի կադաստրի պետական կոմիտեի պետ Սարհատ Պետրոսյանը։

Վերջին մի տարում անշարժ գույքի կադաստրը մի քանի դեպքեր է բացահայտել, երբ նախկին իշխանության ներկայացուցիչների առանձնատները դուրս են մնացել անշարժ գույքի օբյեկտներից։ Այսինքն երջանիկ տանտերերը 2-3 հարկանի տների համար` խոշոր հողատարածքներով և սպիտակաքար պարիսպներով, ոչ մի հարկ չեն վճարել։

«Մեր գործառույթը չէ նրանցից պահանջել, որպեսզի վճարեն այդ հարկերը։ Դրանով զբաղվում է Երևանի քաղաքապետարանը։ Մենք նրանց հաղորդում ենք կատարվածի մասին, և քաղաքային իշխանությունները ձեռնարկում են անհրաժեշտ գործողություններ», – նշեց Պետրոսյանը։

Քաղաքապետարանն արդեն գտել է նման առանձնատներից շատերը և պահանջել գրանցել ու հարկեր վճարել, նշեց Պետրոսյանը։

Այն հարցին, թե նման «կորսված ամրոցների» մեջ չի՞ մտել արդյոք Սյունիքի նախկին մարզպետի առանձնատունը, Պետրոսյանը հայտարարեց, որ ընդհանրապես չի մեկնաբանում նման տեղեկությունները, բայց այս անգամ չդիմացավ գայթակղությանը։

«Այո, դա իսկապես այդպես է։ Այդ տունը մինչև հիմա ոչ մի տեղ գրանցված չէ», – հայտարարեց նա։

Պետրոսյանի խոսքով` նմանատիպ անշարժ գույք ունեն նաև մի շարք ուրիշ մարդիկ, բայց արդեն չնշեց նրանց անունները։

Նշենք, որ նախկինում Երևանի քաղաքապետարանը մի քանի անգամ բողոքել է, որ հողի հարկը և գույքահարկը լիարժեք չեն վճարվում։ 2019թ–ին մունիցիպալ հարկերը կազմել են մայրաքաղաքի բյուջեի եկամուտների 20 տոկոսից պակաս։

Ըստ թեմայի

Կադաստրում ամենաբարձր պարգևավճարները ստացել են վարորդներն ու հավաքարարները. Կադաստրի պետ
Միլիոնավոր դոլարների չարաշահումներ են բացահայտվել Անշարժ գույքի կադաստրի կոմիտեում
Հին ու նոր խնդիրներ, լուծման ուղիներ. Կադաստրի նոր ղեկավարի տեսլականը. տեսանյութ
Պետրոսյան. «Նախկին համակարգն այնպիսին էր, որ դու ուզած–չուզած կոռուպցիայի մեջ էիր»
թեգերը:
Հայաստան, Երևան

Գլխավոր թեմաներ