16:52 22 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Վալերի Կերկիեւ

Հայերու դերը Վալերի Կերկիեւի, որպէս երաժիշտ կայանալու հարցին մէջ

© Sputnik / Григорий Сысоев
Հասարակություն
Ստանալ կարճ հղումը
Sputnik Արմենիան` արևմտահայերենով (229)
35 0 0

Աշխարհահռչակ խմբավար, Մարիինեան թատրոնի գեղարուեստական ղեկավար եւ գլխաւոր տնօրէն Վալերի Կերկիեւը հիւրընկալուած է Իւան Ուրկանտին եւ պատմած հայերու դերին մասին իր՝ երաժիշտ կայանալու հարցին մէջ:

ԵՐԵՒԱՆ, 21 յունիսի — Sputnik. Մարիինեան թատրոնի գեղարուեստական ղեկավար եւ գլխաւոր տնօրէն Վալերի Կերկիեւը «Երեկոյեան Ուրկանտ» շոուի եթերով պատմած է, թէ ինչպէս մանուկ հասակին հայ հարեւանը ստիպած է Կերկիեւի մօրը տղան տանիլ երաժշտական դպրոց` ի յեճուկս ուսուցիչներու կանխատեսումներուն:

Խմբավարին խօսքով` մանուկ հասակին երաժշտական դպրոցը զինք չեն արձանագրած, որովհետեւ հարցազրոյցի ժամանակ ան չէ կրցած կրկնել լսած տակտը: Ընդ որում` պատանիի երաժշտական կրթութիւն ստանալու անհրաժեշտութիւնը պնդած են ոչ թէ Կերկիեւի ծնողները, այլ հայ հարեւանը:

«Այդ դէպքէն վերջ մայրս սրտնեղած էր, բայց ամէնէն շատ զայրացած էր հարեւանս: Ան մէկ ամիս շարունակ «կը ռմբակոծէր ծնողներուս... Հարեւանս հայ էր` Եուրի Արզումանի Արզումանեան: Ան շարունակ կը ստիպէր ծնողներուս ինչ–որ բան ընել. ու պատահական օր մը, հօրս հետ ճաշարանի մէջ ընթրելու ժամանակ, ան այդ մասին կ’ըսէ երգահան Լեւոն Սիմոնի Դաւիդովին, Դաւիդեանին. նոյնպէս հայ է», – պատմած է Կերկիեւ:

Այդ նոյն ճաշարանին մէջ հայրը կը բողոքէ անկէ, որ որդին չեն ընդունած երաժշտական դպրոց: Ատկէ յետոյ Լեւոն Դաւիդեան կ’որոշէ ինք ստուգել տղուն ընդունակութիւնները` հիւր երթալով Կերկիեւներուն:

«Ան զանգահարեց դպրոց տնօրէն Յակոբեանին», – ժպիտով կը պատմէ Կերկիեւ:

«Ատիկա կարծես աննշան բան է, բայց դուք արդէն մէկ անգամ չէ, որ ատիկա կը նշէք», – կատակած է Ուրկանտը:

«Ահա այդպէս ես յետագային 27 տարեկանիս դարձայ Հայաստանի նուագախումբի խմբավար», – նշած է Կերկիեւ:

«Ահա: Ես հէնց ատոր ալ կը տանէի», – բացականչած է Ուրկանտը:

«Բոլորը կը մտածեն, որ ես ամբողջովին կը պատկանիմ Մարիինեան թատրոնին, բայց չորս տարի եղած եմ Հայաստանի պետական նուագախումբի գլխաւոր խմբավարը: Ատիկա կեանքի ահռելի դաս էր ինծի համար: Ինչպէս ինծի ըսին այդ ժամանակ. «Եթէ դուն կը ղեկավարես հարիւր հայերու, ապա քեզի համար այլեւս որեւէ բան սարսափելի չէ»: Ատիկա ինծի շատոնց ըսած են», – կատակած է երգահանը:

Կերկիեւ նաեւ պատմած է ֆութպոլի նկատմամբ սիրոյ եւ բակային մանկութեան մասին: Ուրկանտ նշած է, որ Ռուսաստանի ֆութպոլի հաւաքականի գլխաւոր մարզիչ Ստանիսլաւ Չերչեսովը Կերկիեւի համերկրացին է: Երգահանը նշած է, որ դէմ չէր ըլլար եթէ մէկ օրով փոխուէին տեղերով:

թեմա:
Sputnik Արմենիան` արևմտահայերենով (229)

Ըստ թեմայի

Հանրապետական անձաւաբուժական կեդրոնը կը բուժէ շնչուղիներու հիւանդութիւնը, դիւրազգացութիւնը
Կառավարութիւնը կը վերանայի գրաւագրութեան ծրագիրները. պետական աջակցութիւնը կ'աւելնայ
Հայերը կը սիրեն չափազանցել ու հանգստանալ, կամ ի՞նչ գիտենք Երեւանի «մեռեալ ծովի» մասին
թեգերը:
երաժիշտ, հայ

Գլխավոր թեմաներ