09:09 19 սեպտեմբերի 2019
Ուղիղ եթեր
  • USD476.22
  • GBP593.51
  • EUR526.22
  • RUB7.39
Սերժ Թանկայն

«Այս դեպքում զոհը միայն սպանվածը չէ». Սերժ Թանկյանն աջակցել է Խաչատուրյան քույրերին

© Sputnik / Asatur Yesayants
Հասարակություն
Ստանալ կարճ հղումը
Հայրասպան Խաչատուրյան քույրերի պատմությունը (76)
369 0 0

Երաժիշտը կարծում է, որ ողբերգական դեպքը մեծ հաշվով տեղի է ունեցել այն պատճառով, որ դատական համակարգը չի կարողացել ադեկվատ արձագանքել ընտանեկան բռնությանը։

ԵՐԵՎԱՆ, 22 հունիսի – Sputnik. Հանրահայտ երաժիշտ, System of a Down խմբի հիմնադիր և հասարակական գործիչ Սերժ Թանկյանն աջակցություն է հայտնել հորը սպանած Խաչատուրյան քույրերին։ Երգիչն այդ մասին գրառում է արել Facebook սոցցանցի իր էջում։

Միխայիլ Խաչատուրյանի աղմկահարույց սպանությունը տեղի էր ունեցել Մոսկվայում 2018 թվականի հուլիսի 27-ին։ 57-ամյա տղամարդու դիակը` վզի և կրծքավանդակի բազմաթիվ կտրած–ծակած վերքերով, հայտնաբերվել էր Մոսկվայի Ալտուֆևսկի մայրուղում գտնվող տան շքամուտքում։ Երեք դուստրերը խոստովանել են, որ իրենք են սպանել հորը։ Քննության ընթացքում պարզվել է, որ Խաչատուրյանը տարիներ շարունակ բարոյական և ֆիզիկական բռնության է ենթարկել դուստրերին։

Թանկյանը Facebook–ում գրել է` սա չափազանց ողբերգական դեպք է, որը հերթական անգամ հաստատում է` դատական համակարգը չի կարող ադեկվատ արձագանքել ընտանեկան բռնության դեպքերին։

«Բարդ գործ է, որտեղ զոհը միայն սպանվածը չէ։ Սա վառ օրինակ է, թե ինչպես կանանց և երեխաների նկատմամբ անպատժելի մնացած բռնությունը կարող է դաժան վրեժխնդրության հանգեցնել», – գրել է Թանկյանը։

Նա նշել է, որ դատարանը պետք է հանդուրժողականություն դրսևորի աղջիկների նկատմամբ։

Նշենք, որ քննության վարկածի համաձայն` կրտսեր դուստրը` 11–րդ դասարանի աշակերտուհին, հոր պարանոցին ու մարմնին դանակի առնվազն 35 հարված է հասցրել։ Մյուս 2 դուստրերը հոր գլխին են հարվածել։ Դրանից հետո քույրերից մեկը փոքրի ձեռքից խլել է դանակն ու հարվածել սրտին։ Սպանությունից հետո կրտսեր քույրն անձամբ է ոստիկանություն զանգահարել։

Հիշեցնենք` Մոսկվայի Օստանկինյան դատարանը 2018–ի օգոստոսի 2-ին կալանավորել էր երեք քույրերին։ Սեպտեմբերի 27-ին Մոսկվայի Բասմանյան դատարանը հավանություն է տվել Խաչատուրյան քույրերի կալանքը «որոշակի գործողությունների արգելքով» փոխարինելու միջնորդությանը։ Նրանք տեղավորվել են առանձին բնակարաններ։

Խաչատուրյան քույրերից երկուսը մեկուսարանից դուրս գալուց հետո փակվել են տանը. փաստաբաններ

 

թեմա:
Հայրասպան Խաչատուրյան քույրերի պատմությունը (76)

Ըստ թեմայի

Խաչատուրյան քույրերը ծաղրե՞լ են տատին. սպանված Միխայիլի մայրը դատի է տվել թոռնուհուն
Խաչատուրյան քույրերի սպանված հոր մոտ անձի խանգարում են հայտնաբերել. փաստաբան
Խաչատուրյան քույրերը հրաժարվել են սպանված հոր ժառանգությունից. փաստաբան
Խաչատուրյան քույրերից միջնեկին հորը սպանելու մեղադրանք է առաջադրվել
Խաչատուրյան քույրերը մեղադրվում են հորը կանխամտածված սպանելու համար. ՌԴ ՔԿ
թեգերը:
Սպանություն, երաժիշտ, Սերժ Թանկյան, Ռուսաստան

Գլխավոր թեմաներ