23:37 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Գյումրիում հարգանքի տուրք մատուցեցին Մեծ հայրենականի 100 մասնակիցներին

Սա սուրբ վայր է. Գյումրիում հարգանքի տուրք մատուցեցին Մեծ հայրենականի 100 մասնակիցներին

© Sputnik / Armenuhi Mkhoyan
Հասարակություն
Ստանալ կարճ հղումը
97 0 0

Գյումրու թիվ 2 գերեզմանատանը կա մի մեծ գերեզման, գերեզմանի հուշաքարին` ավելի քան 100 անուն. Մեծ Հայրենականի զոհերի անուններն են։ Նրանք, ովքեր ծանր վիրավորված ուղղորդվել են հեռավոր Լենինական` բուժվելու զինվորական հոսպիտալում։

ԵՐԵՎԱՆ, 22 հունիսի – Sputnik, Արմենուհի Մխոյան. Գյումրու ռուսական գիտության և մշակույթի կենտրոնի նախաձեռնությամբ այսօր հարգանքի տուրք մատուցվեց Հայրենական մեծ պատերազմում զոհվածների հիշատակին։ Կենտրոնի, ինչպես նաև Գյումրիում տեղակայված 102-րդ ռազմակայանի և սահմանապահ ջոկատի նախաձեռնությամբ հիշատակի միջոցառման մասնակիցներն այցելեցին Գյումրու Հայրենական պատերազմի մասնակիցների եղբայրական գերեզման։

100 участников ВОВ похоронены в Гюмри
© Sputnik / Armenuhi Mkhoyan
Գյումրիում հարգանքի տուրք մատուցեցին Մեծ հայրենականի 100 մասնակիցներին

Եղբայրական գերեզմանը կառուցապատվել է 1975 թվականին: Ամեն տարի այս օրը հայրենիքի ազատագրման համար իրենց կյանքը զոհած տարբեր ազգերի ավելի քան հարյուր զինվորի հիշատակի կարգ է կատարվում գերեզմանում:

В Гюмри почтили память жертв Великой Отечественной войны
© Sputnik / Armenuhi Mkhoyan
Գյումրիում հարգանքի տուրք մատուցեցին Մեծ հայրենականի 100 մասնակիցներին

Պսակ դնելու արարողությունից առաջ, որին մասնակցեցին նաև մարզային և քաղաքային իշխանությունների ներկայացուցիչները, ռուս ուղղափառ եկեղեցու հովիվ հայր Տիմոֆեյը հոգեհանգստի կարգ կատարեց: Ներկաները մեկ րոպե լռությամբ հարգեցին պատերազմի զոհերի հիշատակը:

«Իմ երկու պապերն էլ Հայրենական մեծ պատերազմի մասնակիցներ են եղել, երկուսն էլ զոհվել են, մեկը՝ Օդեսայում, մյուսը՝ Հյուսիսային Կովկասում, նրանք այնտեղ են թաղված: Ես չեմ կարող այսօր նրանց գերեզմանին այցելել, բայց այցելում եմ այստեղ: Հունիսի 22-ը հիշատակի օր է: Ամեն տարի մայիսի 9-ին և հունիսի 22-ին մենք այստեղ ենք գալիս հարգելու նրանց հիշատակը, ովքեր ծանր վիրավորված ուղարկվել էին Լենինականի հոսպիտալ: Սա սուրբ վայր է: Այս գերեզմանին միշտ հսկողություն կա ու միշտ մաքուր է, ինչը վկայում է, որ մարդիկ հիշում ու հարգում են զոհվածների հիշատակը»,- Sputnik Արմենիային նշեց 102-րդ ռազմաբազայի ռազմաքաղաքական հարցերի մասնագետ Կամո Ցուգունյանը։

Военно-политический эксперт 102-й российской военной базы Камо Цугунян
© Sputnik / Armenuhi Mkhoyan
Կամո Ցուգունյան

Նրա խոսքով` նախկինում նրանց հարազատները, ում աճյունները ամփոփված են Գյումրիում, գալիս էին այցելության հարազատների շիրիմին, հիմա արդեն ոչ:

Ավելի ուշ ներկաները ծաղիկներ դրեցին և հարգանքի տուրք մատուցեցին Մայր Հայաստանի տարածքում տեղակայված անմար կրակի մոտ:

В Гюмри почтили память жертв Великой Отечественной войны
© Sputnik / Armenuhi Mkhoyan
Գյումրիում հարգանքի տուրք մատուցեցին Մեծ հայրենականի 100 մասնակիցներին

Իրենց զինակից ընկերների հիշատակը հարգելու էին եկել Մեծ հայրենականին մասնակցած գյումրեցի վետերանները:

В Гюмри почтили память жертв Великой Отечественной войны
© Sputnik / Armenuhi Mkhoyan
Վետերանները

1941 թվականի հունիսի 22-ին սկսվեց Հայրենական մեծ պատերազմը: Առանց պատերազմ հայտարարելու գերմանական զորքերը հարձակվեցին Խորհրդային Միության վրա: Պատերազմին զոհ գնացին ավելի քան քսանյոթ միլիոն մարդ: Խորհրդային մյուս երկրների հետ պատերազմին մասնակցեցին նաև հայերը, նրանցից 350 հազարը իրենց կյանքը զոհեցին հանուն հայրենիքի:

Հայերի ավանդը Հայրենական մեծ պատերազմում

Ըստ թեմայի

Հայրենական պատերազմի վետերան, վազաշենցի Սանթուր պապը 100-ամյակը նշեց խաղաղ կյանքի երգով
«Օվերլորդ» գործողությանը մասնակցած հայերը. Երկրորդ ճակատի բացումը շրջադարձային էր
Հայաստանն առանձնահատուկ տեղ է զբաղեցնում Ռուսաստանի գործընկերների թվում. Կոպիրկին
Հայրենական Մեծ պատերազմի թանգարանը
թեգերը:
Գյումրի, Հայրենական մեծ պատերազմ, Հայաստան

Գլխավոր թեմաներ