10:00 18 սեպտեմբերի 2019
Ուղիղ եթեր
  • USD476.10
  • GBP590.36
  • EUR524.47
  • RUB7.42
Մանկապարտեզ

Տարօրինակ դեպք մանկապարտեզում. դայակը փայտով հարվածե՞լ է 5–ամյա երեխայի գլխին

© Photo : Artak Abgaryan
Հասարակություն
Ստանալ կարճ հղումը
Վթար, պատահար, սպանություն, գողություն (1698)
1413 0 0

5–ամյա երեխան գլխի վնասվածքներով դիմել է հիվանդանոց։ Երեխայի հայրը դեպքի առթիվ հրաժարվել է հաղորդում տալ, իսկ մայրը պնդել է` մինչև դայակը չփոխվի, երեխան մանկապարտեզ չի հաճախի։

ԵՐԵՎԱՆ, 25 հունիսի — Sputnik. Երևանի մանկապարտեզներից մեկում տարօրինակ միջադեպ է գրանցվել։ Sputnik Արմենիային ՀՀ ոստիկանությունից տեղեկացրին, որ հունիսի 24–ին, ժամը 17։10 «Արտաշիսյան» պոլիկլինիկայից ոստիկանություն տեղեկություն է ստացվել, որ գլխի տրավմա` հարցականով վնասվածքով 2014թ.–ին ծնված մի երեխա է տեղափոխվել իրենց մոտ։

«Մեկնած օպերատիվ խումբը պարզել է, որ երեխան հունիսի 19–ին մանկապարտեզում է վնասվածք ստացել։ Երեխայի հայրը դեպքի առթիվ հրաժարվել է հաղորդում տալ»,–հայտնեցին ոստիկանության լրատվական ծառայությունից։

Մեր տեղեկություններով` 5–ամյա երեխան հաճախում է Երևանի թիվ 135 մանկապարտեզ։ Մանկապարտեզի նորանշանակ տնօրեն Ցողիկ Հայրապետյանը մեզ հետ զրույցում նշեց, որ իրականում բավական տարօրինակ միջադեպ է տեղի ունեցածը։ Ըստ նրա` դեպքը տեղի է ունեցել հունիսի 20–ին։ «Հինգշաբթի վերջին օրն էր, որ երեխան եկավ մանկապարտեզ։ Նա այդ օրը մինչև 12։30–ն է մնացել մանկապարտեզում և չի քնել մեզ մոտ։ Հետո նրա մայրը եկավ ու տարավ երեխային` նորմալ վիճակում։ Հաջորդ օրը, սակայն, մայրը եկավ ու ասաց, որ երեխային պոլիկլինիկա է տանելու, քանի որ գլխի վրա վնասվածքներ կան։ Մոր խոսքով` դայակը երեխային քնի ժամին փայտով հարվածել է»,–ասաց մանկապարտեզի տնօրենը։

Սարսափելի դեպք Վեդիում. 8 ամսական երեխա է մահացել. մանրամասներ

Տնօրենն ասում է` ինչպե՞ս կարող էր դայակը քնի ժամին հարվածել երեխային, երբ երեխան այդ օրը մանկապարտեզում չի քնել։

Մանկապարտեզի տնօրենը նշեց նաև, որ երեկ ծնողական ժողով է արել ու զրուցել ինչպես ծնողների, այնպես էլ մանկապարտեզի ողջ անձնակազմի հետ։ Տնօրենը հավաստիացնում է, որ բոլոր աշխատակիցները հերքել են երեխային ծեծելու մասին լուրը և պնդել, որ նման դեպք տեղի չի ունեցել։

«Խոսքը գնում է տղա երեխայի մասին, որը բավականին աշխույժ ու լավ երեխա է։ Ի դեպ, մեր մանկապարտեզում երբեք նման միջադեպ չի եղել, ու որևէ բողոք չենք ունեցել թե՛ հենց այս երեխայի դայակի, թե՛ մեր մյուս դայակների դեմ»,–ասաց Հայրապետյանը։

Նա տեղեկացրեց նաև, որ տղայի ծնողները նշել են` եթե երեխայի դայակը չփոխվի, երեխան այլևս չի հաճախի այդ մանկապարտեզ։

«Արտաշիսյան» պոլիկլինիկայի վարիչ Լևոն Գրիգորյանը Sputnik Արմենիային հայտնեց, որ երեխային դեռ նախորդ շաբաթ են բժիշկները զննել, սակայն վնասվածքներ չեն հայտնաբերել։

Լոռու մարզում երեխային խեղդած կինը փորձել է ինքնասպան լինել. սարսափելի դեպքի մանրամասները

«Երեկ կրկին երեխայի հայրը բերեց նրան հիվանդանոց ու ուզում էր գլուխը ռենտգեն անել։ Մենք ռենտգեն արեցինք, և պարզվեց, որ որևէ վնասվածք չկա։ Ավելին, ես երեխային հարցրի, թե ինչպե՞ս է իրեն զգում ու նա ինձ պատասխանեց` շատ լավ»,–ասաց Գրիգորյանը։

Նշենք նաև, որ դեպքի առնչությամբ նշանակվել է դատաբժշկական փորձաքննություն։ Ոստիկանությունը նյութեր է նախապատրաստում։

թեմա:
Վթար, պատահար, սպանություն, գողություն (1698)

Ըստ թեմայի

«Գուլիվեր» մանկապարտեզում երեխաների դիզենտերիայի պատճառը սննդի երկրորդային աղտոտումն է
Դուստրերն ու հայրերը բուգի–վուգի են պարում մանկապարտեզում. տեսանյութ
Սանիտարահիգիենիկ պայմանները խախտվում են. հսկողություն ՀՀ 429 մանկապարտեզում
թեգերը:
մանկապարտեզ, երեխա, ՀՀ Ոստիկանություն, Հայաստան

Գլխավոր թեմաներ