21:10 29 հունվարի 2020
Ուղիղ եթեր
  • USD478.58
  • GBP622.87
  • EUR526.53
  • RUB7.65
Հասարակություն
Ստանալ կարճ հղումը
2000 0 0

ՀՀ առողջապահության նախարար Արսեն Թորոսյանը հայտնել է, թե ինչին է ուղղվելու կառավարության տրամադրած հավելյալ 12 մլրդ դրամը։

ԵՐԵՎԱՆ, 27 հունիսի — Sputnik. Սրտի վիրահատություններից և նորագույն թանկարժեք տեխնոլոգիաներով մատուցվող ծառայություններից անվճար օգտվող քաղաքացիների խումը կընդլայնվի։ Այս մասին Facobook սոցիալական կայքում ուղիղ եթերի ժամանակ ասաց ՀՀ առողջապահության նախարար Արսեն Թորոսյանը։

Արդեն հայտնել էինք, որ այսօր ընդունած կառավարության որոշման համաձայն` առողջապահության ոլորտի ընթացիկ ծախսերն այս տարի կավելանան հավելյալ 12 մլրդ դրամով։ Թորոսյանն, ի դեպ, այս պահին գործուղմամբ Շվեյցարիայում է գտնվում։

«Այսուհետ սրտի վիրահատություններից և նորագույն թանկարժեք տեխնոլոգիաներով մատուցվող ծառայություններից օգտվող քաղաքացիների խմբում կներառվեն նաև առաջին և երկրորդ կարգի հաշմանդամություն ունեցող անձինք։ Այդ խմբում կներառվեն նաև ժամկետային և մարտական գործողություններին մասնակցած զինծառայողների ընտանիքի անդամները, ինչպես նաև զոհված զինծառայողների ընտանիքի անդամները»,–ասաց Թորոսյանը։

Նա հայտնեց նաև, որ սրտի վիրահատություններից և նորագույն թանկարժեք տեխնոլոգիաներով մատուցվող ծառայություններից օգտվող քաղաքացիների թիվը 230 000 էր, փաստացի այդ խմբում հիմա կընդգրկվի ևս 500 000 քաղաքացի։

Հիշեցնենք, որ առողջապահության փոխնախարար Անահիտ Ավանեսյանը նշել էր, որ նախարարությունը փորձում է համահարթեցնել բուժհիմնարկներում բուժծառայությունների իրական գործող ու պետպատվերի շրջանակում տրամադրվող գումարները, որպեսզի «պացիենտը ստիպված չլինի գրպանից հավելյալ գումարներ վճարել»։

Պետությունը 1000 դրամով հողամաս վաճառեց. մարզադպրոցի տեղում նոր հյուրանոց կկառուցվի

Կառավարության այսօրվա ընդունած որոշումը վերաբերում է նաև մինչև 18 տարեկանների հիվանդանոցային ծառայություններին։ Որոշման ընդունումից հետո, Անահիտ Ավանեսյանի հավաստմամբ, նրանց ծնողներից այլևս գումար չեն պահանջի հիվանդանոցում։

Հագուստ, խմիչք և միրգ. հայաստանյան ընկերություններն ազատվեցին մաքսատուրքերից

Ըստ թեմայի

8 ժամ տևած վիրահատություն, որը կյանք է փրկել. մայրն ու աղջիկը միաժամանակ վիրահատվել են
Հայ բժշկը կերակրափողի քաղցկեղի բացառիկ վիրահատություն է արել. հիվանդն արդեն ուտում–խմում է
Երևանում 100-ից ավելի վիրաբույժներ կքննարկեն և կիրականացնեն ճողվածքի վիրահատություն
թեգերը:
Արսեն Թորոսյան, հիվանդանոց, Հայաստան

Գլխավոր թեմաներ